مرحبااااا ياجميلات
وريتكم امس بالانستغرام تنورتي الماكسي والحمدلله عجبتكم
والحلو انو السوق ملياااااان يعني طبي وتخيري
بوستنا اليوم حيكون عن
التنانير الطويله
هدا اللوك تقدري تبدعي فيه فوق ماتتصوري
ينفع للطوال بس مع الهاي هيلز كمان حلو للقصار
تقدري تخليه كاجوال او شيك وحوريكي اللوكين كيف حلوين
الكاجوال
اول شي لااااازم تكوني جريئه في اختياراتك عشان تكوني ملفته شوفي هنا
شايفه كيف الالوان روعه مع بعض والتيشيرت المخطط كمان معطيه لوك جرئ وحيوي
بالنسبه لي حبيت اللوك الكاجوال في الماكسي سيكرت
وافضل يكون معاها كروس باق او كلاتش
ينفع لبنات الجامعه مع فلات بس لازم يكونو طوال
لانو للاسف لو كنتي قصيره ومارح تلبسي هاي هيلز مره حيقصرك زياده ويتخنك :(
الشيك
هدا اللوك ينفع للعزايم والاعياد ومناسبات وكدا
نشوف مع بعض
احلا شي تحطي معاه ستيتمنت نيكلس زي الصوره اللي فوق
وماشاء الله السوق ابداع فيه كل الاشكال والالوان اللي تحبيها وبالدات في اتش ام مبدع
مره شيك صح
ممكن تحطي حزام دهبي زي كدا او اي حزام ملفت
زي احزمة موسيكينو وبولغري وهيرمز كلها حتطلع جميله بس اهم شي العبي بالالوان
دانتيل حيكون روعه في اللوك الشيك
مره بسيط بس ملفت
هدا كل شي عندي عن هده الترند يارب تكون اختياراتي عجبتكم
وانتظر تعليقاتكم هنا او عالانستغرام
@colorful00girl
واشوفكم بالبوست الجاي ان شاء الله
colorful girl
No comments :
Post a Comment