Victoria's Secret new collection الكوليكشن الجديد من فكتوريا سيكريت

كيفكم جميلاتي 

 فكتوريا سيكريت 

احد مايحبه .. كلنا نحبه

بالذات لو جابو اللانجري ياسلاااام .. بنحبه أكثر❥

وصلتني دعوه من الجميله فرح القادري لأيفنت فكتوريا سيكريت وللاسف ماشفت الدعوه لانها جات عالجنك ميل :( 

وراح عليا الأيفنت وجمعة البنات ☹

بس حبيت اني اشوف الكوليكشن الجديد واكتب لكم عنه من رأيي الخاص 

الايفنت كان عن العطر الجديد لفكتوريا سيكريت أسمه 

FORBIDDEN

ريحته مره حبيتها هاديه ورايقة وحتى شكله أنيق 

فكتوريا سيكريت من الماركات اللي تهتم بشكل وأناقة التعليب 

دايم عطورهم ريحتها أنثويه وناعمه 

مشكلتها ايش ..؟

الثبات بالنسبه لي عطوراتهم  مو ثابته عليا حدها ثلاث ساعات بالكثير :(

هذا العطر اللي خقيت عليه اسمه  

NIGHT

ريحته فخامه وأنوثة مره حبيته 

من الكوليكشن القديم أعتقد 

الحين باخذكم جوله للمحل كامل صورت لكم كم شي عجبوني 

حبيت الشنط التايقر برنت 

هذه المجموعه تعطيك قلو 

البخاخ عاليمين  للشعر فيه قليتر 

الرول لمعه للرجل ماحبيته لانه يدبق كانك حاطه ليب بالم بس بلمعه 

البخاخ الشفاف للميك اب 

الفرشه بودره جسم 

الأخير عشقي الجديد هو الباكستيج قلو وبشرحلكم ايش هو بالأخير  

 ♥

حبيت النظاره  ♥

شنطهم فيها تحسن كبير بالموديلات 

حستيها تشبه شنط مايكل كورس 

خقيت ♥ على هذه الكروس  وسعرها حلو افتكر

 مره رايقه وعملية 

 ♥

كفرات الباسبورت  ♥

شنط سفر روعه 

سكارفات أنيقه جدا حبيت التايقر اللي بالوسط

وشوفو عاليمين هذه شنط أيباد مره كول 

اذا كنتي مسافره بالصيف 

الشنطه المفتوحه دي مست هاااااف 

وفيه كذا وحده نفس الفكره من جوه مقسمه بنايلون تشيل لك اغراض الحمام بدون ماتخافي انها تتكب وتحوس الدنيا

ومره شكرا فروحه عالقوديز العطر جمال 

باكستيج قلو من مشترياتي 

سعره 110 ريال 

فكرته هو لوشن ريحته تجنن ويعطيك لون التان البرونز بلمعه 

صراحه جدا جدا جدا ناسبني 

لاني مو من النوع اللي اعمل تان دائم 

احب احط اي شي مؤقت 

هذه نتيجته على يد بنتي ( بالصوره غير عالطبيعه احلى )

مره عجبني والحلو فيه تقدري تبني عليه طبقات 

هذا اللون طلع لي بعد مرتين 

أول مره يعطيك لون خفيف بلمعه وكلو حسب توزيعك 

ثاني مره اللون يصير جدااااا واضح ❥

وترا العلبه كبيره 

عيوبها انها تروح بالمويا

أحس لو كانت اثبت شويا وتروح بمويا وصابون حيكون المنتج رائع 

لكن مويا حتى لو توضيتي ولا غسلتي يدك راح 

يالله شاركوني تجاربكم ايش اكثر شي تحبو تشتروه من فكتوريا سيكريت ؟؟