Haul :ALDANUBE ♥ مشترياتي من الدانوب

♥ مساء السهر وخرابيطه ♥

صراحه مره اسفه اني نزلت هالبوست اخر الأجازه احس كأني بقهركم هههههه 

بس بعيدا عن التجميل والبيوتي اوقات اروح السوبر ماركت ابغى اجرب شي جديد بس ماني عارفه 

لزيز ولا 

وأنا احوس بالدانوب جاتني فكره اني انزلكم خرابيط السهر وتجاربي مع اي خربوطه جديده 

وكلو بيكون بقسم الفود 

أول شي فشار المايكرويف ( مع اختلاف مسمياته فشار بوب كورن بوشار )

مره قريت تعليق لوحده ضحكتني تقول 

البوب كورن أخر الليل مع فيلم 

وفشار بالعصريه هههههههه  صادقه 

المهم اني اخذ هذه النوع من فرشلي زبده ومملح وجدا لذيذ بطلت اشتري اللي يتعمل بالبيت احسه ماسخ 

لاتستغربو ترى بجد لسه احب الحلاوه عود اي كان نوعها
حتى غندور لسه استمتع فيها بس لازم يكون معايا مويا بارده ههههه مدري ليه بس احسه مزاج 

هذه افضلهم بالفراوله والحليب ♥

واحب ابو الكولا كمان << حاسه نفسي بزره ههههه معليش

دا الي اعتبره اكتشافي ههههه 

حمر 

تمر هندي بس سايل يجنن تلاقوه في النقلي 

بساكيت لواكر مره احبها بالذات هذا النوع ابو جوز الهند خطير مع قهوه ولا احلى 

اسمه  عندنا  بسكوت الكبار هههههه << لما تصرف بناتها 

كوكيز الشوفان من كويكر 

جديد دوبي جربته مرررره حبيته بنات 

وصحي مكسرات وعسل وشوفان 

لزيز جربوه

طبعا لازم العيون تروح عالمستورد شويه 

جربت سفن اب بالكرز 

بيني وبينكم اتوقعه زي الشاني 

بس لا مختلف 

تعرفو طعم  الحلاوه الجيلي زيها بس بغازات 

صراحه عجبني ♥

برضو من ثلاجات المستورد 

هذه البيره من زمان ودي اذوقها كل فيلم لازم يشربون منها هههههه 

والحامل بالفيلم يصرفوها بهذا 

جينجر بير 

بيرة بالزنجبيل 

مررره حبيتهاااااا ♥ طعم جد غريب بس لزيز اللي يحبو الزنجبيل بيعشقوها 

عصير طماطم 

اتذكر صدمتي وانا صغيره انو فيه عصير طماطم ودايم كان عندي تساؤلات عن طعمه ولا مره اتجرأت اذوقه 

دي المره اشتريته ولقيت نفس صدمتي بوجه بناتي هههههه 

المهم رسميا كأني اشرب معجون طماطم بارد كان باقيلي شويه وأفتح عليها علبة تونه 

طعم استغفر الله العظيم عمركم لاتجربوها 

قعدت ساعه بعدها افكر .. جد فيه ناس يشربوها ؟؟ 

كيكة فراوله من الجونه 

مدري ايش وضعها بالبوست بس حسيت ابغى اصورها هههههه 

خلاص نجي عند المشتريات المطبخيه 

زبادي كبيره للأندومي والكورن فليكس مره حبيتها حسيتني استعد للشتا مع الهوندزتوث 

بس تنفع ديكور صح . ؟  

بعد كم يوم بتلاقوها ورا صور المكياج والأوراج هههههه 

بنتي الجديده ♥

جهاز الوافل من مولينكس

مرررره حبيتها معاها ثلاث شرايح 

ثلاث استخدامات 

سخان سندوتشات عادي 

وافل 

ومثلثات التوست 

يعني هذا الجهاز جاهز لكل فطور تسويه 

حبيت حرارته .. بسرعه يسخن مايطول وصغير ماياخذ مكان 

كان ب250 اظن بس قاللي مع التخفيض 199 ريال وضمان سنه 

لقطه ♥

اخر شي جهاز جاكوزي الرجل 

في بالي من فتره 

كنت كل ما ارجع البيت مكروفه اقول ليته عندي 

للأن جربته مرتين جد جميل 

يسخن المويا 

ويعمل مساج 

وفقاقيع 

معاه ادوات تقشير ومساج 

بعد ما اصير فنانه فيه اسويلكم بوست خاص تمام 

بس خلص البوست 

مدري ليه احسه بينحذف هههههههه

ايوه صح واشتريت طماطم وخيار وكرفس وموز << ماتهايط :)