SQUARES & CHECKS موضة المربعات

من بداية هذه السنه واللي بتخلص دحين :(

نزل تريند المربعات وطبعا كان لازم اخذ منه لأني مجنونة الأبيض والأسود 

اخذت الكروب توب والبنطلون من مانجو في رمضان 

وكان نازل في كذا ماركه زي زارا وبيرشكا وفوريفر 21 

اللي خلاني انزل البوست هذا دحين ان أختي راحت المول قريب وتقولي شافته نازل من جديد في  الكولشنات الجديده 

يعني التريند لسه ماشي وماوقف 

وبيني وبينكم الأبيض والأسود مايقدم ولا تروح موضته ويناسب كل المواسم 

صيف حطي معاه الوان فرايحي 

شتاء البسيه مع الوان غامقه وانتهينا 

هذا اللوك الأساسي اللي لبسته 

حبيت احط الكروب توب والبنطلون مع بعض 

يعطي لوك جديد وجرئ ومايحتاج اكسسوارات او شغلات كثيره . اكتفيت بالأكسسوارات الذهبيه البسيطه وبس 

اللوك الثاني 

نفس الكروب توب تقدرو تلبسوه مع بناطيل او تنانير بأي لون 

وردي أحمر أصفر أبيض تيفاني كلو حيطلع جميل معاه 

بالنسبه للكروب توب لأنه المفروض قصير والبطن تكون باينه 

نحن نقدر نلبس تحته توب ساده أو بناطيل وتنانير هاي ويست 

خصرها مرتفع ويغطي منطقة البطن والظهر 

اللوك الثالث 

نفس البنطلون لبست معاه تيشيرت الوانه رايقه وطلع لوك جرئ شويه 

صعب انك تخلطي نقشتين مع بعض 

واذا خلطتيهم لاتلبسي اكسسوارات كثير 

اللوك الرابع 

نفس البنطلون تقدري تلبسي معاه اي توب ساده اخترت الأسود مع ستيتمنت كبير وملون 

وشوز أخضر عشان نغير من رتابة الأسود والأبيض 

في الشتاء حاولي تلبسيه مع توب عودي غامق حيكون جمممميل جدا 

ماعندي بس لو عندك جربيهم :)

وبس ان شاء الله التنسيقات تكون واضحه كذا 

المانيكان مافادني كثير في تصوير القطع الطويله زي البناطيل والفساتين 

فا أن شاء الله هذه الطريقه أفضل 

اشوفكم في البوست الجاي ان شاء الله