Kiko Makeup مكياج كيكو

كيكو من الماركات اللي مو كثير يتكلم عنها
لانها مو متوفره ومو امريكيه
يعني من الماركات الأوربيه وكثير بنات مالهم تجارب معاها
مع انها تستاهل احد يتكلم عنها اكثر من ماركات ثانيه اخذت صيت قوي وهي ماتستاهل






كيكو اسعارها معقوله جدا جدا بنفس اسعار الدرق ستور
بس هي ماتعتبر درق ستور لا لها محلات منفصله

اهتمامهم جدا جميل ومميز بالتعليب يعطيكي ايحاء انها غاليه
كان لي تجربه مع الأيشادوز والبلاشرات واقلام العين وبأذن الله بقولكم رأييي فيها كلها

الأيشادوز
زي ماتشوفو بالباليت  الوحد 4 الوان
تناسب لوك بسيط وكمان تقدري تعملي منها لوك سهره

بعضها مات وبعضها مخمليه لامعه
ملمسها جدا جدا جدا ناعم اول مره اجرب ايشادو زي كذا
الوانها واضحه اول ماتحطيها

هذا الباليت أسمه

02

luxury stone green

الوانه بتدرجات الأخضر او الزيتي والزيتوني

عملت منه لوك سموكي وطلع جدا  جمممميل

وهذا الباليت أسمه

03

elegant epony

الوان نيود وناتشورال مع نتفة بينك

برضو يجي منه لوك طبيعي ولوك سموكي

الايشادوز جودتها متوسطه

يعني اللي لاحظته انها مو ثابته كثير تقريبا 4 ساعات وبعدها بدأت تختفي بالذات الألوان الفاتحه

صراحه شي متوقع مدام سعرها رخيص

اكيد مارح تكون بيرفكت من كل النواحي

تعليبها جميل

الوانها جميله

سعرها رخيص تقريبا الباليت الواحد 70 ريال

الالوان واضحه بالبدايه

بس عيبها الثبات

ثاني شي جربته منهم

هو البلاشرات

وصراحه الباليتات لحالها تتكلم عن الشكل

مره حبيت التفاصيل المنقوشه عليه

وكلها مستوحاه من الكشينه او الباصره

في البداي اتوقعتها تكون برونز وبلاش س بعد الاستخدام لا كلها بلاشرات ودرجاتها مره جميله

الباليت  اللي فوق اسمه

01

desert sand and rose coral

لون مشمشي جدا جدا جميل

والثاني درجه فاتحه من البني برضو مره حبيتها

الباليت اللي تحت اسمه

03

rosewood and azalea

 لون البينك رايق وتراه اغمق من الصوره بتكه

مره حبيت البلشرات

الوانه حلوه وواضحه بس نفس عيب الايشادو

الثبات متوسط مو ثابته  كثير
وسعرها للباليت الواحد 70 تقريبا 

اقلام العين

جدا جدا انيقه

قلم عادي بس تقدري تغطيه كله بغطاء ذهبي فخم

وكمان من تحت فيه فرشه صغيره مشطوفه ودحين اقولكم ليه

الو شي سعرها مره خرافي تقريبا ب30 ريال الواحد

الوانها تجنن وواضحه

كريميه

تقدري تستخدميها بظل كريمي كمان

اكثر شي حبيته انو تقدري تعملي فيها اللوك السموكي المموه عرفتوه

اللي تجي العين محدده من فوق وتحت وبالفرشه اللي معاها تموهي الحدود عشان ماتجي محدده وبارزه

مره حبيته

والاحلى انه ثباته جدا قوي بالقوه يتمسح

اكثر شي انصحكم تاخذوه من كيكو هو البلاشرات واقلام العين هذه

بالأخير هي ماركه تستحق التجربه 

انيقه وجميله وجوده واسعار مناسبه