my best 7 lipstick أفضل ٧ ارواج عندي

مرحباااااااا صبايا 

أفضل 7 ارواج عندي 

اليوم حبيت  اوريكم افضل7 ارواج عندي وطريقتي 

في دمج الارواج 

لاني دايم احب اخلط الارواج
 نادرا احط الروج لحاله زي ماهو خخخخخخ 

بالعربي احب اتفتك 

احس الكل مدري ايش عنده مع ارواج ماك خخخخخ حلوه ورهيبه صح بس مو هي لحالها اللي رهيبه 

لا كثيرررررر ماركات كويسه وكمان رخيصه يعني مو بس عشانه ماك صار هو الكل بالكل 

بالنسبه للتوب 7 عندي 

هما 

3 ماك    MAC

1ريفلون     REVLON

1 برجوا     BOURJOIS

1    نيكس NYX

1  ميبلين MAYBELLINE

اول شي ابغى انسخ لكم  معلومات  استفدت منها من البلوقر هيا
عن انواع ارواج ماك لان فيه كثير مايعرفوها وتشتري اللون اللي تبغاه وترجع البيت تنصدم من طبيعته 

هل هو مات او كريمي او قلوسي او او او 

Matte مطفي: تعطي لون قوي بس من غير لمعة ابداً، غالبها تنشف الشفايف لان مافيها ترطيب

Satin مصقول: يعطي نهاية مطفية بلمعة للي مايحبون الشكل المطفي للشفايف وتغطية حلوة وترطيب

Frost ثلجي: قوام كريمي ببلورات بيضاء وشيمر (لمعة) الوانه حلوة بس ماتناسب اغلبيتنا لانها مخصصة للبشرات الفاتحة جداً.

Cremesheen كريمي بلمعة: من اسمه كريمي وتغطيته ممتازة ويعطي لمعة

Amplified: كريمي خفيف بس يعطي تغطية ولون متووسط وثباته متوسط ايضاً.

Lustre: يعطي بريق كنك حاطة قلوس, الوانه مو قوية عادة وشفافة نوعاً ما وثباتها قليل لطبيعتها الخفيفة.

يالله بسم الله نبدا باول روج مفضل عندي 
1
mac Candy yum-yum

كاندي يم يم 
نوعه matte
مره لونه روعه قوي وجرئ 
وينفع للسهره وممكن تخففيه وتحطيه بالصباح 



2
mac MORANGE

مورانج
نوعه amplified كريمي خفيف 
بروه مره جميل وقوي وحلو للصيف مع البرونز والتان 





3 
mac HANG-UP

هانغ اب 
نوعه Cremesheen 
لمعه قويه 
اللون غامق وطبعا حق سهرات ولوك جديد لو مو متعوده على هده الالوان جربيها مره وشوفي كيف 
حيكون شكلك ملفت وحلو 
اللون مره رووووووعه بس نوعيته ماحبها ماحب اللي تكون مره كريميه ولمعتها قويه ويمكن باين هدا الشي في السواتش 





4
nyx matte lipstick
اسمه MERLOT

 مارلوت
 رقمه MLS16 
هدا الروج مرررررره جميل عالطبيعه وثباته رهيب 
طبعا مات واحسه طبيعي مايقشر الشفايف ويتعبها 




5
BOURJOIS 06 rose tendre 

روز تيندر
مره جميل وهادي وصباحي هو على بيتشي اكثر بس مو باين كدا بالصوره 
باقيلي منه شويه ويخلص خخخخخ بس بجد مره اساسي ورهيب 



6
MAYBELLINE 

velvet beige 630 

فلفت بيج 
هدا غرامي منجد لونه روعه نيود على بينك مره مره جميل وبرضو حيخلص من عندي وبادن الله ارجع اجيبه 


7
REVLON 001
nude attitude 

نجي عن اهم رووووووج عندي واللي مسويه البوست عشانه
وانا اسميه الروج السحري خخخخخخ
اللون بيج ساده كانه فاونديشن ومو ضروري نفس الماركه
 تلاقيه تقريبا بكل ماركه 
ماينفع تحطيه لحاله حيطلع شكلك مريضه 
 بس ضروري يكون عندك لو كنتي تحبي تخلطي الوانك زي ماتبغي 
لو لاحظتو كل الالوان اللي اخترتها قبل تعتبر قويه 
انا هدا طبعي اختار الوان قويه واخلطها مع هدا  اللون واطلع الدرجه اللي ابغاها 
يعني ممكن اخلط لونين قويه وبالاخير احط من هدا السحر ويطلعلي لون جديد 

حاولت اسويلكم سواتش يارب يكون باين 
بين روج كاندي يم يم تبع ماك مع هدا الروج النيود او البيج 

شوفو ايش طلع معانا 
لون بينك رايق ينفع للصباح 
وتقدري تزيدي بيج ويطلع لون بينك فاتح 

وبس هدا كل اللي عندي 
وحبيت اقولكم على حامل الارواج 

تلاقوه بمحلات مهجه والبشوات وفي الرياض الهزازي اعتقد 
مره رهيب لايفوتكم كنت انسى بعض ارواجي بس مع هدا المنظم صار كل شي قدامي 

كدا خلصنا واتمنى البوست عجبكم وبجد بجد انتظر تعليقاتكم 
واشوفكم في البوست الجاي ان شاء الله 

colorful girl