بقولكم شغله
هذا البوست صورته وانا لسه مشتركه معاهم
وقلت اذا شفت نتيجه بنزله لكم
اذا ماشفت بلاش منه
دحين قررت انزله لكم لأن مدونتي تتكلم عن تجاربي عموما سواء كانت ناجحه او لا
وفعلا دايت سنتر دايم عليه علامة استفهام حتى وأنا ابحث عنه مالقيت المعلومات اللي ترضي فضولي
يا منتديات قديمه وهرج قديم
يا كومنتات بحسابهم بالأنستغرام
وبرضو مافي موضوع مزبوط يقولي السلبيات والأيجيابيات
وقتها اتمنيت لو الاقي تدوينه لأحد ترضي فضولي شويه ههههه
مالقيت
والآن انا بسويها وأتمنى انها تفيد أحد منكم
وتجاوب على أستفساراتكم
دايما دايت سنتر وشركات توصيل الأكل الصحي
كانت الفكره عجيبه بالنسبه لي ههههههه من ايام ستار اكاديمي
والله كان عندي فضول اشوف ايش فيه في كراتينهم ههههه
الله الله يوصلك اكل لعندك لاطبخ ولا يحزنون
وكل مره افكر اشترك معاهم اتكاسل لان عندي بيت لازم له غداء
يعني حطبخ غصبا عني ههههههههه
وكنت لما افكر كذا اكنسل
الين جاتني الفرصه
كيف جات ههههههه من نقاطي في موبايلي
زوجي كان معاه مجموع مره كبير من نقاطي وقالي خذيها اشتري اللي تبغيه
لما شفنا انه دايت سنتر معاهم قلنا يالله نجرب :)
والله ورحت
اي فرع عادي تشتركي فيه
فيه نوعين للاشتراك
فيه اللي بعيادة وتراجع معاك دكتوره وتشوف ايش عندك وايش تحتاجي
وهذا النوع انصح فيه للي عندهم حالات خاصه مثلا
حامل ، عندك سكر عندك ضغط ، مريضه
لازم فيه احد معاك
النوع الثاني هو الأيزي دايت انت تختاري السعرات وتشتركي وبس بدون لا دكتوره ولا عياده ولا شي
الأيزي دايت فيه ٣ سعرات مختلفه
- ١٢٠٠ سعره حرارية اشتراكه بالشهر ١٦٨٠ريال ( بدون حلا وعصير)
-١٣٥٠ سعره حرارية اشتراكه بالشهر ١٦٩٠ ريال ( مع حلا )
- ١٥٠٠ سعره حرارية اشتراكه بالشهر ١٦٩٥ريال ( مع حلا وعصير)
والتوصيل ٢٠٠ ريال
تقدري تختاري اشتراك اسبوعين نص الأسعار اللي فوق لو حابه تجربي بس وتشوفي يناسبك او لا
اول مارحت اعطوني منيو ل٣٠ يوم
كل يوم فيه خيارات للفطور والغداء والعشاء
وتقعدي عاد تختاري اللي يناسبك
انا كان اختياري ١٢٠٠ سعره بدون حلا وعصير، ليش ؟
لان عصيراتهم معلبه الربيع وندى وغيرو
والحلى مايستهويني كثير يعني مو فارق معايا
بعد ٣ ايام من الأشتراك بدأ يوصلني اول بوكس
أول مافتحته حسيت بتناحه
شعور حلو و غريب ههههه
شوفو معايا
الوجبات تجي كلها ببوكس واحد ومبرده
اول ماتستلمي البوكس تحطي الوجبات بالثلاجه
وكل وجبه تسخنيها وبالعافيه عليك
فيه طريقتين للتسخين ممكن بمايكرويف
وممكن بالفرن
انا كنت اسخنه بالفرن ( عندي صينيه صغيره بغطاء كنت احط فيها الأكل وبالفرن ويطلع كأنه دوبه مطبوخ
مافي اي فرق صراحه )
يجي مع البوكس ورقه فيها منيو اليوم
ايش حتاكلي عالفطور وعالغداء والعشاء
وحده مع الغداء ووحده مع العشاء او ممكن شوربة
سلطاتهم مره رهيبه ومره سهله
يعني انا دحين اتعلمت منهم طرق كثيره وبسيطه
الأكل مره متنوع
أول الآيام اكلت الوجبات كامله وكانت مشبعه صراحه
ماحسيت اني جيعانه وماحسيت اني ابغى اخبص
بعد كذا بدأت اشبع منجد فا كنت اعطي بناتي بعض الوجبات لاني فعلا ماني جيعانه
بالذات العشاء اغلب الوقت كنت اعطيه بناتي ليه
لأن العشاء اوقات كان دسم كأنه غداء
يعني بالراحه ممكن عشاك يكون لازانيا ولا برياني سمك
انا ماني متعوده كذا
دايم عشايا يكون خفيف فحسيتها ثقيله شويه
تاكلي رز تاكلي مكرونات فيه مناقيش، سينابون للفطور كمان
مره منوع لكن الفرق
مطبوخ بطريقة صحية كنت اشوف الفرق بين الصحي واللي مو صحي
بعد ما اخلص اكل
بالذات اللزانيا مره كنت متخوفه اكلها عشاء
بس لما سخنتها مانزلت ولا نقطه زيت
هذا دليل انها صحيه وممتازه وكانت القطعه حجمها كويس زي اللي اكلها دايم
بس لما خلصتها ماحسيت بتخمه ولا بشبع ولا شي بالعكس خفيفه جدا ولا كآني دوبي اكلت لازانيا
صورت بعض الأكل للأسف اني ماصورته كله
لكن نماذج عشان تعرفو بس
مرت الأسبوعين وزنت لقيت نفسي نازله كيلو
ماكنت حاسه اني اكل صحي ولا اكل دايت
ماكنت حاسه اني اكل صحي ولا اكل دايت
الوضع كان جدا طبيعي حتى اذا جيت اروح لأهلي اخذ وجباتي معايا ههههه
طريقة دايت سنتر هي لايف ستايل
يعني ماتشتركي زيي اسبوعين وتتوقعي انك بتنزلي عدد هائل لااااااا
هم قدمولك أكل صحي لازم تستمري عشان تشوفي النتيجه اللي تبغيها
طبعا هو مو بس للناس اللي تبغى تنحف لا فيه للي يبغو يسمنو كمان
بصراحه انا مررره عجبني والأكل صدمني انه لذيذذذذ
اكثر شي حبيته
هو ايدام داوود باشا
اللزانيا
فيتوتشيني
شوربة الناتشوز
ستيك الدجاج مع الماشد بوتيتو
المناقيش كمان لزيزه
غراتان البطاطا
شوربة الحريره
كثير صراحه بس ناسيه ههههههه
مره انصح فيه بالذات للبنات اللي ماوارهم لا بيت ولا طبخ
وكمان للي عندهم السكر ويحتاجو اكل صحي
كمان اللي يبغو ينحفو بس يستمرووو اكثر من شهر
ماندمت اني اشتركت بالعكس استفدت كثيرررر من الوجبات اللي وصلتني
حتى في نوع الزبادي واللبن اللي يرسلوه استفدت منه
كانو يرسلو الصافي قليل الدسم
وانا دايم متعوده اجيب المراعي
فعلا فيه فرررق مره حبيت الصافي واعتمدته على طول خفيف مره ولذيذ
استفدت من السلطات كثير
نجي عند السلبيات
- اول شي موعد توصيل الوجبات كان يوصلني على الساعه ١ الظهر تقريبا
يعني تضطري ترفعي وجبه الفطور لليوم الثاني
- ثاني شي اوقات الدجاج مايكون مبهر كويس
فيه طعم مو حلو
ثالث شي لو يتغير العصير لشي صحي اكثر من العصاير المعلبه لان كلها سكر
- اتمنيت لو يخففو من الرز لان اغلب الوقت ماكنت اكله صراحه
- وكمان يكون العشاء اخف
لكن بشكل عام مره انبسطت بالتجربه هذه
وممكن اعيدها بوقت ثاني
وانصحكم فيها
وترى والله مو اعلان :(
ماهم داريين عني ههههه
فعلا هذه تجربتي وحبيتكم تستفيدو منها
فكرتهم جميله بس ياليت عندنا زيهم
ReplyDeleteعليك بالعافيه ياعمري
هم لهم فروع في مناطق كثير ، من فين أنتي
Deleteمره جميل البوست بس اسعارهم شوي مرتفعه
ReplyDeleteالف عافيه عليك
تسلمي ياقمر
Deleteيعطيگ الف عاااااافيه
ReplyDeleteمرررره انبسطت بالبوست لاني كثير كثير مثير بحثت زيگ ولالقيت اي تجارب جديده او شي مفيد
❤️❤️❤️❤️❤️❤️
انتي مبدعه وتصويرگ إبداع
حبيبتي والله من ذوقك
Deleteشكرا ع التدوينة وانك ذكرتي تجربتك لنا بكل مصداقية زي ما عودتينا دايما ومميزة دايما انا مرة كنت مسوية دايت واخدت من المحل بصراحة مرة ماعجبني
ReplyDeleteمااعرف ليش ومن بعدها سويت اكس ع المحل بس انبسطت بتجربتك وانك حبيته شكلي حعيد النظر فيه عارفة ماحبيته لانو كان العشا شبه بايت كأنو مسوينو من زمان وسخنوه
هو كل الأكل تبعهم مبرد ، يمكن هذه النقطه تكون حساسه للناس اللي مايحبو البايت
Deleteفيه ناس حتى غداء امس ماياكلوه ، بس بالنسبه لي عادي يمكن عشان كذا ماكان مشكله بالنسبه لي
ما تتصورين اشكثر استانست بهالتدوينه و أفدتيني
ReplyDeleteأخيراً شخص اثق برايه تكلم عن دايت سنتر بشكل وافي
فعلاً مثل ما قلتي دايم عليه استفهام ؟
مشكوووره وايد الله يعطيج العافيه
الحمدلله انه فيه احد استفاد
Deleteوهذا مقصدي من البوست
ويعطيك العافيه ياقمر
حلو انا مفكرة اني اشترك بس فطور و غدا حقت الدوامات احس مريحة
ReplyDeleteولا ماعندهم زي الشركات الثانية؟
ما اعرف اذا ممكن تطلبي فطور وغداء ؟ كلميهم .. يمكن
Deleteيعطيكي العافيه فعلا جاوبتي على كل تساؤلاتي عنه
ReplyDeleteمع ان اعرف ناس جربوه بس مااعطوني كلام مفيد زي اللي كتبتيه خصوصا الطعم لانه كان حجتهم في انهم مانقصو وزن
كنت محتاجته كتير بعد ولادتي لان وزني زاد شوية بس للأسف مو موجود في مدينتي وماحبيت فكرة اني اخذ اكل الاسبوع كله مره وحدة وانا كدا ولاكدا مضطره اطبخ يوميا لولدي وزوجي
مغاسل الجبر الخبر
ReplyDeleteسعر المتر غسيل السجاد الجبر
جنة المملكة
كيف انظف مروحة الشفط للمطبخ
ارخص فنادق
مصيدة ذباب
النمل الابيض في المنام
سم الفئران لقتل الكلاب
شبك النوافذ للحشرات الدمام
شركة مكافحة حشرات شمال الرياض
Malatya
ReplyDeleteKırıkkale
Aksaray
Bitlis
Manisa
GB8E
ankara parça eşya taşıma
ReplyDeletetakipçi satın al
antalya rent a car
antalya rent a car
ankara parça eşya taşıma
UY8T1
kayseri evden eve nakliyat
ReplyDeleteantalya evden eve nakliyat
izmir evden eve nakliyat
nevşehir evden eve nakliyat
kayseri evden eve nakliyat
ZKP
A532D
ReplyDeleteÜnye Petek Temizleme
Şırnak Evden Eve Nakliyat
Mercatox Güvenilir mi
Aydın Şehir İçi Nakliyat
Şırnak Şehirler Arası Nakliyat
Elazığ Şehir İçi Nakliyat
Batman Evden Eve Nakliyat
Hakkari Parça Eşya Taşıma
Kayseri Evden Eve Nakliyat
4D65E
ReplyDeletewinstrol stanozolol
order pharmacy steroids
Bilecik Evden Eve Nakliyat
order dianabol methandienone
order masteron
İzmir Evden Eve Nakliyat
Tokat Evden Eve Nakliyat
buy fat burner
sustanon for sale
27C9C
ReplyDeletebinance indirim
0300C
ReplyDeleteDiscord Sunucu Üyesi Hilesi
Kripto Para Madenciliği Siteleri
Jns Coin Hangi Borsada
Nonolive Takipçi Satın Al
Bitcoin Çıkarma Siteleri
Pepecoin Coin Hangi Borsada
Periscope Beğeni Satın Al
Görüntülü Sohbet Parasız
Mexc Borsası Güvenilir mi