JO MALONE ♥ جو مالون

سلاااام بنات

♥ بوست اليوم شي مره جميل ♥

عطورات جو مالون كثير يروحو ويحتارو 

اليوم بقولكم 

انواع عطورهم وأختياراتي 

والأسعار واماكن توفرهم 

انواع عطورهم 

عود وعنبر ومخلطات 

زهور 

خشب 

سبايسي 

فواكه 

نقدر نقول انو منووووع يعني بجد لما تروحي تحتاري 

طبعا عندهم مجموعات وشموع ولوشنات وفواحات المحل يفتح النفس بجد 

اختي راحت دبي من كم اسبوع وطبعا انا لازم استغل اي احد يسافر ههههههههههه 
فقلت لها جيبي لي من جو مالون 

في البدايه ماعجبها شي ودقت قالتلي انو مافي شي مميز 

قلت لها اوكي خلاص لاتجيبي 

بس الله يسعدها وهي راجعه دخلت فرعهم اللي بالمطار وقالت لي ترى خلوني اجرب اشياء ثانيه خخخخخخ 

أعطيني اسماء وانا اشوف 

وطبعا سيرش سيرش من هنا لهنا ومن الموقع قدرت اطلع اسم كم عطر من النوعيه اللي ابغاها وهي الريحه الناعمه الرايقه اللي كنت ادورها 

قلت لها كم اسم واختارتلي اثنين 

مره مره حبيت الحركه انك ممكن تختاري عطرين وتكون سايز صغير ويحطوها في علبه بشكل انييييق جدا 

طبعا هذا كان الحل بالنسبه لي لاني انسانه ملوله من العطور بسرعه اطفش منهم

فصرت في الفتره الاخيره معتمده اسلوب السايز الصغير وماشي معايا تمام 

حتى مخليني اقدر انوع كل فتره مره عود ومخلطات ومره زهور ومره بودره 

طبعا مايحتاج اتكلم على الباكجينغ قلووووووب من هنا لجو مالون 

♥♥♥♥♥♥♥

اناقه 

وفخامه 

تحسي فيها من تجربتك معاهم ومحلهم 

♥♥♥♥

أول عطر هو 

English Pear & Freesia Cologne

من تصنيفي ومن جيبي خخخخخ اللي مايمت بالمكونات بصله 

انا حسيته مررررررررررره رايق وريحه نظافه 

ريحه مميزه جداااا وهذا النوع اللي كنت ابحث عنه من فتره 

تحسي ريحتك ناعمه ومميزه محد يقدر يتوقع ايش هو عطرك او مكوناته 

وصفه ومكوناته من الموقع 

يقولو ريحته خريفيه << بجد صح  √

مصنف من روائح الفروت الفواكه بس ماحسه فروتي 

من مكوناته كمثرى وعنبر وخشب 

ماحسيت المكونات المكتوبه واضحه بالريحه بس زي ماقلت لكم ريحه رااااايقه وناعمه جدا 

العطر الثاني

Peony & Blush Suede Cologne

 منجد ريحته شي مره حلو 

تصنيفه ومكوناته مزبوووطه بالموقع زي ما أحس لما اشمها 

تصنيفه الزهووور 

مكوناته 

ياسمين 

ورد 

تفاح احمر 

ااه مره مره ريحه تكيفك خخخخخ

انثوي بشكل مو طبيعي مره عشقته وباذن الله المره الجايه حاخذ منو اللوشن والشمعه 

بالنسبه للثبات 
ثباته ممتاااااااااز جدا جدا 
انا من الناس اللي احط العطر ومعد اشمه بعد نص ساعه يعني مره ماتثبت معايا العطور 
اتوقعت السبب مني 
بس لما جربت جو مالون ثباته رااااائع صراحه تمر ساااااعات وساعااااات وانتي شامه ريحة العطر 
وعاد لو عطرتي شرشف الصلاه زي حالتي ههههه والله قعدت الريحه يومييين 
يعني من ناحية الثبات ابدا ماتشيلو هم 

نجي للأحجام والأسعار 

الحجمين اللي بالصوره 

الواحد 30ml 

سعره بالموقع 60 دولار يعني ب222 ريال 

واخذناه من فرع جو مالون في دبي الواحد ب230 ريال  

يعني نفس السعر من الفرع ومن الموقع 

الأثنين مع بعض بـ 460 ريال 

انا اشوفه ممتاااااز 

فيه كثير يشوفوه غالي 

بس عموما اسعار العطورات صايره عجب ☹

أماكن وفروع  jo malone

في الشرق الأوسط 

الكويت 

في الافينيوز

دبي 

في ربي مول والأمارات مول والمطار 

قطر 

فيلاجيو مول 

الرياض 

برج المملكه الدور الأول 

الخبر 

الظهران مول 

قريبا في جده في الرد سي مول :)

وبسسسسس خلصت يارب تكونو استفدتو واخذتو فكره لو شووويه 
اذا حبيتو البوست ولكم تجارب معاه اعطوني تجاربكم وأرائكم 
لاتنسو تعملو تعملو تقييم للموضوع وشير قوقل بلس فيس بوك تويتر اللي تحبوه 

أشوفكم في البوست الجاي بأذن الله 

KHLOOD