DIY : Chanel Vase أعمليها بنفسك ـ فازة شانيل

أتوقع الكل شاف 

فازة شانيل الأنستغرامية الشهيره 

شفتها من زماااان وحبيتها 

حسيتها سهله بسيطه 

بالأسابيع اللي راحت أنتشرت اكثر 

وشفت الكل يدور عليها استغربت لانها جدا جدا سهل الواحد يعملها 

وأسعارها من 150 ريال وانت طالعه بعضهم يبيعوها  على 270 و300 :(

المهم دحين بعلمكم كيف سويتها بأسهل الخطوات وبفكرة جديدة كمان 

تحتاجي

فازه قزاز ساده عاديه مافيها اي شي 

مربع دائره مستطيل اللي هوا كلو يمشي 

انا استخدمت القزازه حق شمعة باث أند بودي 

الشموع عندي كثيره وكل ماتخلص وحده لازم احلل أم امها هههههه 

سبق ونزلت بوست DIY لشموع باث اند بودي وكيف تفرغيها من البواقي وتنظفيها 

حتلاقوه هنا 

DIY : keys & bath and body candles

شوفوه لاني مارح اعيد خطولت التنظيف تمام 

اخترت شمعتين وحده مليانه بس حبيت يكون لون شمعها ابيض مو الوان ( حقولكم بعدين ليه )

والثانيه مخلصه نظفتها وزبطتها وصارت جاهزه للشغل 

* بخاخ اسود موجود بالمكتبات بـ 5ريال 

* تيب ( لصق ) 

امممم بس 

* وطابعه عشان تطبعي اللوقو اللي تبغيه 

الفازه لو ماعندك تقدري تشتريها من محلات ابو ريالين رخيصه تجي ب15 او 20 ريال 

الشغله كلها ماتكلف بس الواحد اوقات يستسهل انو يشتري 

حتى لو كان الشي دا جدا تافهه وبكل بساطه يقدر يسويه 

أول شي نعمله ناخذ القزازه الفاضيه ونلغلفها باللصق من بره اوك 

لاننا بنبخها بالأسود من جوه مو من بره ركزو 

عشان تطلع أنظف وارتب 

لفيها كلها باللصق 

***

البخاخ دا مررره ريحته قويه حاولي تطلعي لمكان مفتوح الحوش السطوح اي شي وبعديه عن الأطفال 

انا بخيته في الحوش في وسط كرتونه عشان ما اوسخ الأرضيه 

من أول كم بخه بيصير تمام ومتغطي خليه ينشف شويه حتلاقي اماكن مو متغطيه كويس بخيها ثاني وخلصنا 

من النت دوري لوقو اي ماركه حابتها 

ديور شيري

جو مالون 

انا طبعا اخترت شانيل لان اعشق هذه الماركه ( عيون بقلوب ) 

وهذا اللوقو لعيون الكسولات

الأن اطبعيها على ورق ابيض لامع من ابو لصق زي حق الأستيكرات موجود بالمكتبات 

والأن نجهز كل الأغراض قدامنا 

الشمعه الثانيه اللي كانت مليانه بس شلت الأستيكر حقها وزي ماقلت لاني ابغى لوقو عطر شانيل N5 

اتعمدت انو الشمع يكون لونه ابيض 

والثانيه  صبغتها اسود عشان عشقي لعطر coco noir 

انتي حاولي تزبطي أمورك هههههه خلي الفازه واقعيه 

بالأخير قصي اللوقو وثبتيه عالفازات 

الفاضيه تقدري تستخدميها  لعينات العطور لفرش الميك اب او تحطي فيها ورد 

والثانيه مايحتاج خلاص بتصير شمعه زي ماهي بس اتنكرت شويه هههههه

وهذه النتيجه 

أذا حبيتو البوست وروني تطبيقاكم ولاتبخلو بدعمي ومشاركة البوست هذا على التويتر والفيس بوك والواتس اذا حبيتو 

بااااي واشوفكم بالبوست الجاي أن شاء الله