بسم الله الرحمن الرحيم
اليوم حنتكلم عن الفاونديشن وكيف اخليه فلولس يعني خالي من العيوب
♥♥♥
بنات اول شي لازم كل وحده تعرف ايش نوع بشرتها هدا الشي مررره ضروري
ادا ماعرفتي نوع بشرتك مارح تعرفي تشتري الميك اب المناسب وخاصة الفاونديشن
خليه نص ساعه وبعدين حاولي تنظفيه بمنديل
ادا نزلت دهون من الوجه كله يعني بشرتك دهنيه
ادا بس من التي زون اللي هيا منطقة الجبهه والانف يعني مختلطه
ادا مانزلت دهون يعني عاديه
وادا كانت مشدوده يعني جافه
وفيه اللي بشرتهم حساسه اكيد حيعرفو من نفسهم
يالله كل وحده ماتعرف تقوم بسرعه تسوي حستناها مارح اهرج
خخخخخخ امزح بس منجد ضروري تعرفي
_________________
اوك خلصنا من موضوع البشره نجي لاختيارك للفاونديشن
انا احب اختار الفاونديشن بلون بشرتي لا افتح ولا اغمق
فيه بنات يختارو اغمق من لونهم عشان التان والصيف والحركات الكوليه
كل وحده ادرى باللي تفضله اكيد .. انا افضل بلون بشرتي
وادا حبيت اسوي لوك برونزي اخلط هاني برونز بودي شوب السايل , مرررره غامق مع الفاونديشن حقي ويصير عندي احلا فاونديشن صيفي
قانون حطيه براسك
الفونديشن = لون البشره او اغمق او افتح
الكونسيلر= افتح من الفاونديشن بدرجه او درجتين فقط
***
يالله نبدا
الفرش اللي تحتاجيها مع البيوتي بليندر الجميله
( الفرش من ريل تكنيك مره رائعه حسوي بوست خاص للفرش )
البيوتي بليندر لتوزيع الفاونديشن بطريقه متساويه وخفيفه
بافينغ برش من ريل تكنيك للفاونديشن
كونسيلر برش
وسمول كونسيلر برش للمناطق الضيقه
في البدايه لازم وجهك يكون نظيف بغسول ومريحته بمرطب
*بعدين نجي للبرايمر لتقفيل المسام انا بشرتي مختلطه احب استخدم البرايمر في التي زون يعطي احساس مخملي مات
1- الاول من اليمين برايمرall mat من فوريفر
2- والاكثر شهره برايمر بينفت the pore fessional
1- الاول من اليمين برايمرall mat من فوريفر
2- والاكثر شهره برايمر بينفت the pore fessional
* خلاص وزعتي البرايمر على وجهك سيبيه شويه حطي كوريكتور للكونسيلر او زبطي حواجبك او اي شي خلي ينشف وبعدين الفاونديشن
شوفو حبيباتي كل خرجه لها فاونديشن خاص
بعضها قوي حق مناسبات وبعضها خفيف وحلو بس ماينفع للاستخدام اليومي زي الطالبات والمعلمات حرام البشره حتتدمر كدا
نبدا من اليسار
1- فاونديشن Kryolan متاكده انكم شفتوه عند كل كوافيره ابدا ماينفع باي وقت احسه حق زواجات فقط ومن زمان ماستخدمه اصلا
2- ثاني واحد حبيب الكل فاونديشن Mackup for ever HD حلو للعزايم والاعياد وكدا
3- bb كريم من Garnier هدا كويس للطالبات والمعلمات له درجتين لايت وميديم اللي بشرتها فاتحه او حنطيه تاخد لايت الميديم مره غامق ممكن تاخديه ادا تحبي تسوي لوك برونزي
4- Honey bronz من بودي شوب غامق مره احب اخلطه مع الفاونديشن اللي بستخدمه لو ابغى لوك تان وبرونز
5- Match perfection من ريميل جميل جدا وحلو خرجات بسيطه لاهلك ادا متزوجه او خرجات بدون كلفه على قولهم خخخخخ
طيب نختار الفاونديشن
حطينا البرايمر نوزع الفاونديشن بالبيوتي بليندر بعد مانبللها وننشفها شويه
حتكون طبقة الفاونديشن خفيفه وجميله مو قويه
بعدين حطي الكونسيلر
بنات ترى لازم كوريكتور بالدات اللي هالاتهم غامقه
فيه كثير يشتكو من انها تقلب رمادي وانا كمان كنت اشتكي من كونسيلر ماك
بس بجد فرق بعد ماصرت استخدم الكوريكتور او المصحح وبادن الله بسوي بوست كامل عن انواع المصححات لانو موضوع لحاله
هنا الكونسيلرات
1- باليت كونسيلر منMackup for ever مع الكوريكتر بصراحه اعتبره خياري الاول خفيف وطبيعي واحسن من حق ماك
2- برايمر للهالات تحطيه قبل الكونسيلر من Revlon photoready لسه ماقدر اقول رايي فيه
3- كونسيلر ماك studio finish حلو بس ثقيل وينضم لكوليكشن الزواجات خخخخخخ
طبعا فرش الكونسيلر الكبيره والصغيره مهمه وتقدري توزعي باصباعك بطريقة الطبطبه انا اسوي كدا وكدا
خلاص حطينا البرايمر والفاونديشن والكونسيلر دحين كملي ميك ابك خخخخ
وفي الاخير اللمسه الاخيره والاكثر اهميه بالنسيه لي هي البودره
1- بودره Stay matte من Rimmel طلبتها اونلاين لاني مالقيتها هنا مدري ليه
2- بودرة Creme puff منMaxfactor كنت استخدمها بس خلاص طحت في عشق ستاي مات وطنشت الكل بعدو
منجد منجد حبيته بقوه وقلوب من هنا لشركة ريميل خخخخخخ
وفي الاخير
بخه بختين من مثبت +mac fix
اعششششقه
وفي الاخير
اعششششقه
كدا نكون خلصنااااا الفلولس لوك تبعنا
حاسه البوست مره طويل بس نفسي احط معلومه اخيره
بنات الجامعه والمعلمات
تبغو لوك حيوي وصباحي وفلولس ومايكون ثقيل
عندكم البي بي نعمه من رب العباد
انا احط رول للهالات السودا من غارنيه كانه كونسيلر
وبعدو البي بي
وبعدو بودره اي نوع تحبي طبعا بس انا مره ناسبتني ستاي مات
كدا احسن لبشرتكم
خلاص طفشتو صح
ابشركم خلصنا
سي يو في البوست الجاي ان شاء الله
colorful girl
No comments :
Post a Comment