مرحبا بنات
طريقتي في التسوق
كلنا عارفين دا اكبر موسم للتسوق والاسواق صايره شي عجب من الزحمه
وتقعدي تلفي تلفي وماتلاقي اللي تبغيه
ومو عارفه فين تلاقيه
ومو عارفه كيف حتنسقي شي في بالك والسوق مو مساعدك
ويضيع وقتك
ويعصب زوجك
او اخوك او ابوك
كل دا انا مريت فيه
اقعد الف في السوق واشتري ولما ارجع البيت ماحس انو مررره عاجبني ولا كان ممكن انسق بطريقه افضل
الين لقيت الحل قبل سنه تقريبا
وماشيه عليه مزبوط الحمدلله
الحل هو
النت
انتي كدا ولا كدا قاعده بالبيت وقدام الابتوب
او الجوال وتطقطقي بالانستغرام او تويتر او منتديات
بالنسبه لي
انا زي كدا بالزبط هههههه
70% من الشوبينق حقي يصير في البيت
تنسيقاتي تصير بالبيت
كيف
1
المواقع
اول خطوه احفظي كل المواقع اللي تحبي تشتري منها عندك بانستغرام
او بالمفضله
تاكدي انك تحفظي الموقع تبع بلدك
بحطلكم امثله
قدرتي تشتري اونلاين حلو وممتاز
ماتقدري مو مشكله بس خلي عندك فكره دايم ايش فيه في الكوليكشن حقهم
مو لازم اروح عشان اعرف ايش اللي نازل بالسوق
2
البلوقرز
فيه بلوقرز مخصصين لعرض الملابس وبالبلوق حقها تقولك من فين كل قطعه
هدا الشي مره حيساعدك لانو تشوفيها كيف نسقته ممكن مايعجبك تنسيقها بس تعجبك قطعه وحده يصير تعرفي مكانها
وتعرفي كيف تجيبيها وكمان بعضهم يقولك سعرها
اكبر مثال من البلوقرز
يعني بحطلكم مثال عالمعلومات اللي يحطوها باخر كل بلوق
3
المنتديات
صراحه نادرا ما ادخلها
بس فيه منتديات مفيده في قسم الفاشن زي
الاقلاع
شمواه
دايم في رمضان احب ادخل اشوف مواضيع المشتريات وكدا ههههههه
واللي يعجبني اروح اشتري زيه
****
هدا كل شي ان شاء الله اكون وفرت عليكي الوقت والجهد
جربي الطريقه اول مره حتعجبك وتعتمديها
اشوفكم في البوست الجاي ان شاء الله
colorful girl
يب انا اعمل زيك بالزبط
ReplyDeleteتسلمي طريقتك بحاول اسويها هالسنه.. مع اخواتي
ReplyDeleteحلوه طريقتك يعطيك العافيه
ReplyDeleteماشالله البلوق مرة حلو و مواضيعك جميلة و مفيدة و مختلفة عن البلوقرز التانيين:)
ReplyDelete