babaya cafe & restaurant مطعم بابايا -جدة

اليوم رحنا نفطر في بابايا وهذه اول مره اروح لذا الكافيه 

عليه مدح كثير وحبيت اجربه 

بصراحه كانت تجربه جميله جدا جدا

المكان شي يشرررح الصدر كانك في ماليزيا هههههه الخضار حولك وصوت عصافير وانوار وحركات 

في البدايه سمعت انو مكشوف وتدخله الشمس عشان كذا كنت مأجلته الين يتعدل الجو 

لكن اليوم تفاجأت انو مقفول السقف والجو بارد ومكيف بس السقف قزاز يعني جو جمييييل ومكان بارد 

يالله شوفوه 

ضيافه رمضانيه وقهوتهم لزيزززه 

نبدأ بالطلب 

كبه 

سلطة سيزر 

دايناميت شرمب 

شوربة دجاج 

والاساسي 

بيتزا ستيك 

واورنج تشيكن 

الكبه والسيزر لزيزين ماعليهم كلام 9-10 

الشوربه برضو لزيزه 9- 10 

ديانمايت شرمب مو زي ماتوقعته 7- 10 

بيتزا ستيك عاديه بس العجينه حلوه 8- 10 

مررررررره مو لزيز :( 

2 -10 

انا طلبته احسبه صوص اورنج يعني كريمه وطماطم 

ماجا في بالي انو اورنج برتقال ههههههه 

ادري فين اذنك ياجحا بس هذا اللي صار 

وواحد عصير فراوله وواحد بيبسي وواحد سفن ومويا ايفيان 

بعد الفطور رجعنا للقهوه وطلبنا حلا 

لان بجد المكان ماودك تمشين 

ام علي 

كيك شكولاته فدج 

الحساب طلع لنا 350 ريال 

يمكن نحن افترينا بالطلبات بس احس بالنسبه للمكان والفله والاجواء يستاهل 

مكانه
جده
طريق الملك عن سوبر ماركت العثيم

وبسسسس 

يارب عجبكم البوست واستفدتو منه 

اشوفكم في البوست الجاي باذن الله