My Makeup Haul 4 EID مشتريات ميك اب العيد

سلاااام بنااات 

اتوقع هذا افضل بوست بالنسبه لي لاني احب المشتريات واحب اشوفها 

وهذه اول مره اعمل Haul في البلوق 

باذن الله تستفيدو منه 

انا قبل شهرين تقريبا عملت تجددديد لكل الميك اب حقي 

كذا مسكته كلو عالزباله واشتريت جديد 

وهذه اشياء بسيطه حبيت اجربها يعني مو Haul للميك اب الاساسي لا ابدا بس زي مانقول نتاتيف هههههه

أول شي نبدأ بالشي الجمممممميل فكره وشكل وتوفير 

Z palette

فكرته انو باليت فاضي وارضيته مغناطيس 

زيه زي باليتات ماك وانجلوت وغيرهم 

بس الحلو فيه  انو مافيه تقسيمات وخفييييف جدا سهل تمسكينه 

طلبته اونلاين من موقعهم 

http://zpalette.com/

سعره 110 ريال بدون شحن والشحن ماياخد كثير 

يجي معاه قطع حدايد بلصق  زي كذا 

ادا عندك شي مو حديد وتبغيه تحطيه بالباليت تقدري تلصقي فيه حديده وتحطيه بالباليت ولا احلى 

طيب نجي للتوفير 

لما تجي تطلبي شدوهات من ماك او انجلوت او اونلاين اطلبيه بالحديده حقته يعني بدون العلبه الصغيره 

حيكون ارخص وكمان اسهل بدل ماتشتري بالعلبه وبعدين تحوسي عشان تفكيها 

شفنا شدوهات ماك اونلاين تقريبا 60 ريال الواحد 

لكن بالحديده تطلع عليك تقريبا 45 ريال 

انا هده المره طلبت من ماركة امريكيه اسمها makeup geek

هذا موقعهم 

http://www.makeupgeek.com/

شدوهاتهم جميله وكثير يوتيوبرز بقارنوها بماك 

والاحلى انها رخيييييصه 

الواحد تقريبا 22 ريال  بالحديده طبعا والشحن ابدا ماياخد شي لانها خفيفه وصغيره 

وهذه الالوان اللي طلبتها 

وهنا بعد ماحطيت اثنين من البلاشر كانو عندي بدون باليتات 

نجي للي بعدو 

روج موف من انجلوت 

لي فتره ابغى روج موف بس ماعرفت ايش الدرجه المناسبه لي لانه من الالوان الصعبه لازم تختاري المناسب 

ولا حيبان شكلك قديم او تعبان 

حبيت هذه الدرجه ورقمها 420 

سعره اعتقد 70 ريال 

اخذت كمان من انجلوت 

مرايه جميله اذا انتي من النوع اللي يخلطو فاونديشن هده تناسبك حلوه وخلاص ماتقعدي كل مره تدوري شي تخلطي فيه 

سعره ما فتكر صراحه 

وكمان اخدت 

توب كوت مات للمناكير يخليها مات جمممميل جدا 

وهدا الشي اللي جدا جدا جميل 

قطرة الايشدو 

تخلي اي شدو عندك ايلاينر وتر بروف كمان مره مره ثابت 

مره حبيتها ولعيونها اخدت الوان الشدوهات اللي فوق 

نيلي واخضر واسود 

لها استخدامات كثير 

ممكن تحطيها للارواج تثبتها 

ومكن للماسكارا لو كانت ناشفه تزبطها لك 

وكمان اللي عندهم جل لاينر ناشف برضو تزبطها 

انا اشوفها اساسيه لكل بنت تحب الميك اب 

سويتلكم سواتش  عشان توضح الفكره 

سعرها 60 ريال 

وفيه زيها في ميك اب فوريفر كمان 

دحين مشتريات سنتر بوينت والدرق ستور 

من برجوااا 

برجوا كان عامل عرض اشتري اثنين والثالث مجانا 

مادري ايش صابني واخذت ماسكرات ملونه 

فيروزي وموف والقطعه الثالثه اخدت ايلانر ازرق 

المسكرات فااااااااااااااااشله لابعد حد منجد حسيتها نكته وضحكه ولعبه 

الوحده ب35 ريال بس ريالين ماعطيها :( 

بس الايلانر رووووووعه وندمت اني ماخدت الوان 

اللي بعدووو 

دريم موس ماات مخصوص للبشره الدهنيه 

اللي يشوفه  يحسبه كريمي بس لاااا ابدا مو كريمي هو مخملي يعني بعد ماتحطيه يصير مخملي على بودره 

لما جربته مره مره حبيته 

شوفو كيف من جوا 

من ميبلين بسنتر بوينت السعر مره سوري ماركزززت خخخخ 

اخرررر شي هذا الحبيب الجديد 

دوبي كنت مخلصه من مزيل الميك اب حق سيفورا ومره كان نفسي اجرب بايودرما من كثر ماشوف مدح عليه 

من عرب واجانب كمان 

اول شي السعر اثنين وسط زي اللي بالصوره مع واحد ميني صغيرووون ب168 

في البدايه كنت شايفه سعره غالي صراحه وخفت اخذه ومايعجبني ولا يكون مو قد المرح 

بسسس

لما جربته صار هو العشششق مره مره حبيته 

انا بشرتي دهنيه وكنت استخدم 

مناديل جونسون __ حلوه بس مره تخلي بشرتي دهنيه بزياده واقوم اغسل وجهي بالمويا والغسول بعدها 

مزيل سيفورا الازرق جممميل وكنت احبه بس من بعد بايودرما حسيته قوي وريحته كحوول تدخل بالانف الريحه من قوتها 

بايودرما 

مره مره جميل يمسح الايشدو من مسحه وحده ماتقعدي تعافري فيه 

بس الماسكارا والايلانر تتمسح من كدا مره 

احلا شي فيه شعووور البرووده اللي تحسيه بعد ماتشيلي الميك اب تحسي وجهك منتعش وباااارد 

يعني انصح فيه بقوه 

وبسسسسسسسسسسس

 خلصت 

هي هذه مشترياتي حقة العيد 

وبانتظار تعليقاتكم اذا جربتو شي منها واذا بتنصحوني بشي جميل كمان استناكم 

وكل عام وانتو بالف خير يارب