f6or faris فطور فارس

سلااااام بنات 

اجواء جده هذه اليومين شي خياااااال 

يارب اديمها علينا 

تقرير اليوم عن مطعم عمل ضجه في جده 

ونادرا ماتلاقيه فاضي ماشاء الله تبارك الله 

دايم زحمه ولا انتظار 

f6or_faris#

#فطور_فارس 

اللي مايعرفو قصة هذا المطعم لاااازم يعرفها عشان يستوعب بقية البوست ههههه

وعشان يستوعب الديكور والأسم وكل شي موجود بالمطعم 

هذا شخص أسمه فارس مرررره يحب الفطور وكان كل يوم في تويتر ينزل صوره لفطوره المتنوع ماشاء الله 

الناس مررررره حبت طريقته بالفطور وصارو كل يوم يستنو فارس ايش حيفطر 

وعشانه ماشاء الله مره انشهر .. فتح مطعمه فطور فارس 

يعني شوفو كيف الطموح من فكره هاشتاق وصارت واقع وشي ملموس 

الله يوفقهم يارب 

طبعا المطعم يبيع فطووور فقط 

دوامه من 6 الصباح الين 2 الظهر

وهذا الشي اللي خلاني اتاخر مارحته الا دحين لان محد فاضيلي الصباح خخخخخ 

أول شي ديكوره 

الجدار كله تويتات في هاشتاق #فطور_فارس

مره ماقدرت اصور كثير وحتعرفو السبب بعد شويه 

هنا شاشه برضو تعرض تغريدات

نبدأ بالطلب 

فطور سعودي 

مكون من ثلاث أنواع 

فول وشكشوكه وخلطة جبنه بالطماطم 

ويجي معاه كوب شاي وعيش طبعا 

سعره 39 ريال 

بصراحه ممتاز مره عجبني الفول والشكشوكه وكمان الجبنه كلها لزيزه 

صحن كبده 

سعره 29 ريال 

كميته حلوه 

برضو لزيز صح فيه الز بس برضو يعتبر جيد جدا 

معصوب ابويا 

مره حبيته 

مميز لان فيه شي كرانشي الخبز محمس اظن 

والطعم جميل 

سعره ماعرف نسيته خخخخ 

بيض أومليت 

عادي 

سعره 25 ريال 

بعد الأفترااااااس خخخخخ 

ألف حمد وشكر لك يارب 

السعر كامل مع عصير برتقال وكوب شاهي 114 ريال 

اه صح اخذت من عندهم مخلل كمان

مررررره رهيب 

الحجم الكبير ب65 ريال 

والحجم الصغير ب45 ريال 

نجي دحين لرأيي وتقييمي 

الأكل جيد وحيكون راااائع لو انه وصلنا حار او دافي عالأقل 

للأسف الأكل كان بااارد ونحن طلبنا كبده وفول وبيض عالاقل هذول يكون ساخنين شويه 

مره استغربت 

المكان جددددددا جدااااا ضيييق 

يعني شلت الكاميرا بصور بس ابدا ماقدرت احس اني ممكن اكل من صحن الطاوله اللي جنبنا 

الطاولات مره قليله عشان كذا دايم يكون فيه انتظار 

وللاسف مافي مكان انتظار يعني استني بره بالشارع 

هذه الأشياء اللي ضايقتني بس هذا شي مايمنع انو الأكل جيد وانو المطعم في بدايته 

وقاعدين يزبطو ويسمعو للتعليقات والأنتقادات اللي تجيهم 

وبسسسسسس

اذا حبيتو البوست لاتبخلو عليا بالتقيم والمشاركه بتويتر وفيس بوك وقوقل بلس 

بأنتظار تجاربكم وتعليقاتكم 

أشوفكم في البوست الجاي بأذن الله 

khlood