السلام عليكم ورحمة الله وبركاته
بوست اليوم مهم لكثير منكم
Clarisonic VS Sigma
وبنات كثير كانو بأنتظاره عشان يقررو أي واحد يختارو
المميزات مختلفة
والأسعار مختلفة
وطريقة الأستخدام مختلفة
الحمدلله جاتني الفرصة أني أجرب الأثنين
يعني بتكلم معاكم بوضوح ومن تجربتي للجهازين
وبقدر أوضح لكم وأحددلكم الأفضل
يالله تعالو معايا نشوف الفرق بين جهازين تنظيف الوجه من سيقما ومن كلاراسونك
قبل 8 شهور تقريبا أشتريت سيقما
جربتها وذكرت لكم تجربتي معاها هنا
ذكرت سعر الجهاز ومحتوياته ورأيي فيه
اليوم بذكر مميزات جهاز كلاراسونك ومحتوياته وسعره طريقة أستخدامه ورأيي فيه
بالأخير بقارن بينهم وبقولكم سلبيات كل جهاز وأي واحد الأفضل لك
كلاراسونك ميا 2 Clarisonic mia
أول شي محتويات الجهاز وسعره
الجهاز نفسه + فرشة للبشرة العادية + شاحن + عينة من غسول كلاراسونك + علبه تحفظه بنفس شكل الجهاز
سعره
700 درهم من سيفورا دبي مول
أماكن تواجده للأسف غير متوفر بالسعوديه
تلاقوه عند التاجرات أو أفضل انك تطلبيه من الموقع حقهم
لان عندهم أشكال وألوان روووووعه وكمان تقدري تطلبي منهم يكتبو لك أسمك عالجهاز ❤
أنتبهي
كل جهاز مختوم عليه رقم تسلسلي هذا حق الضمان
اول ماتشتري الجهاز افتحي موقهم ودخلي الرقم التسلسلي ونوع الجهاز عشان يتفعل ضمانك
عجبني في البوكس حقه موضح لك كل شي وموضح النتايج
شايفين الصورتين الصوره اللي عاليسار قبل الاستخدام وموضحين الأماكن تحتاج تنظيف , الدهنية واللي فيها بقايا ميك اب
والصورة اللي عاليمين النص الأول للتنظيف العادي اللي بالغسول واليد والنص الأسود هو التنظيف بعد أستخدام جهاز كلاراسونك
أحلا شي بكلاراسونك أنه ينظف أعمق وأكثر ب6 مرات من تنظيفك العادي
له شاحن كيوت مغناطيسي طبعا أول ماتشتري الجهاز اشحنيه 24 ساعه
بعد كذا الجهاز بيقعد معاك شهور بدون ماتحتاجي أنك تشحنيه
يعني الشحن يدوم فتره طووووويله
كيف تستخدميه
الجهاز فيه تايمر كل أستخدام 60 ثانيه
أول 20 ثانية للجبهه ( بعد كذا يطلع صوت خفيف )
وتنتقلي للـ 20 ثانيه اللي بعدها مخصصه للدقن والأنف
ونفس الطريقه يطلع صوت
بعدين 10 ثواني لكل خد
بعدين يوقف
جهاز ميا 1 فيه سرعه وحده بس اذا كانت بشرتك حساسه الأفضل تاخذي ميا 1
ميا 2 فيه سرعتين وهو الأفضل للبشرات الدهنيه والعاديه
يقول موقعهم ان كلاراسونك تعالج :
التجاعيد
الرؤوس السوداء
المناطق الدهنية
الأماكن الخشنه
الأحمرار
حب الشباب
فقدان المرونه
المسامات الواسعه
كلها نتايجها تبان بعد 12 اسبوع تقريبا
أوكي أنا أستخدمه لي تقريبا 15 اسبوع كونت رأيي ونتايجي معاه
أول شي لاحظته بعد كل استخدام النعوووووومه بشرتي تقعد ناعمه لليوم اللي بعده
اكثر شي أنبسطت بنتيجته هو تغيير نوعية بشرتي .. كيف يعني ؟
يعني بشرتي كانت دهنية بعد كلاراسونك صارت عاديه
أستخدامي لها مرتين أو ثلاث مرات بالاسبوع
حسيت وجهي أنظف بكثيرررر
وأحلى شي انه ينظف الميك أب
نظفي الميك اب بطريقتك العاديه اللي دايما تسويها
وأستخدمي بعدها كلاراسونك وشوفي البلاوي والمصايب اللي تطلع
ماكنا داريين عنها نحسب أننا نظفنا وأتاريها كلها تترسب في المسامات
ايش أستخدم غسولات
طبعا ما أستغني عن غسولي المفضل من كلين أند كلير اللي غثيتكم فيه
جربت الغسول الصغير اللي جا معاه برضو حلو بس يرغوي كثير يضايق أوقات
أخر شي أستخدمه معاه غسول من جيفينشي حلو بسسسس مره ينشف الوجه يبغالك أكسترا ترطيب بعد ماتستخدميه
نصيحه
في بداية استخدامك للجهاز لاتستخدميه كل يوم
استخدميه يوم في الاسبوع وكل فتره زيدي المرات
لان بشرتك مو متعوده عالتنظيف العميق وبتطلع لك حبوب
اذا طلعت لك حبوب استمري لاتوقفي
لان الجهاز بدأ ينظف بشرتك ويطلع كل الرواسب لبره
لاتخافي
السلبيات
عدم توفره
سعره
كل ثلاث شهور لازم تغيري الفرشه
والفرشه كمان غاليه الوحده ب120 درهم
مين الأفضل سيقما أو كلاراسونك
بصررراحه كلاراسونك افضل مليون مره
تنظيفها عميق وتحسيه ينظف الوجه ومع الأستمرار يعالج
لكن سيقما ابدا ماكانت تنظف الميك اب وهذا دليل انها ماتنظف البشره كويس
كلاراسونك انتي تحركيها وهي تشتغل بالذبذبات
سيقما الفرشه تتحرك وتخبص أم وجهك وشعرك بالغسول وأنتي تنظفي
جودة كلاراسونك أعلى كثيرررر ويميزها وجود ضمان سنتين
سيقما للان مو موجوده بالموقع لاهي ولا فرشها .. طيب بغير الفرشة .. من فين أجيب .. للان سيقما مكانك سر ألين ينزلو الفرش حقتها
سيقما حلوه من ناحية السعر ومعاها فرش اكثر
لكن اذا تبغي شي منجد ينظف وجودته احسن أنصحك بكلاراسونك
أقتراح صغير للأخوات
اذا كانت ميزانيتكم قليله تقدري تشتركي أنتي وأختك بجهاز وكل وحده تشتري فرشه مخصصه لها
أقتراح صغير للأخوات
اذا كانت ميزانيتكم قليله تقدري تشتركي أنتي وأختك بجهاز وكل وحده تشتري فرشه مخصصه لها
خلصنا البوست صح طويل بس حاولت أني اغطي أغلب الأسئله اللي تسألوني هيا
اتمنى أنكم أستفدتو من البوست اذا حسيتي البوست مفيد وحابه تفيدي فيه غيرك لاتنسي المشاركه بقوقل بلس وفيس بوك وتويتر واللي تقدرو عليه
وأشوفكم في البوست الجاي بأذن الله
ووانا طلبت كلاراسونيك برو من تاجرة في جدة وحيوصلني قريب طلبت
ReplyDeleteمع فرش اضافيه الفرش تبع الوجه تبيعها ب 50 ريال ماعدا اللي للجسم ب60
ومرا متحمسة للجهاز
الشي اللي استغربتو يحطو اسمك ع الجهاز *حماس*
ومافهت شيء دحين اول م يوصلني الجهاز ادخل رقمو التسلسلي فين بالزبط ؟
ودي التاجرة اللي اخدتو منها
Bello24shop
This comment has been removed by the author.
Deleteواه عندي مشكله ف الانستقراام مو راضي يكتبلي تعليق
ReplyDeleteالحمدلله اني م حولتلها المبلغ لانو الدفع عند الاستلام وانا وللله كنت مخططة من البدايه اني اطلبو من موقعم بس شوفت دي التاجره ومررا مشهورة ما اتوقعتها كدا وانا ماقد طلبت منها دي اول مره يلا الحمدلله انتي كتبتلك تعليق ونبهتيني الحمدلله ولا ادفع 1200 ع شيء تقليد واللي تقول مافي
واللي تقول مافي كلاراسونيك بروا انا شوفت دا http://m.youtube.com/watch?v=6Q6gLLYzdi8 ع قناتهم في لليوتيوب
ReplyDeleteوبس مررررا شككككككرا ع التنبييه
وغير كدا انا اتاكدت من سعر الاجهزة زي مثلا ميا2 كنت باشتري منها ف البدايه تبيعو ب600 تقريبا
ReplyDeleteبس الفررش ابدا م جاء ع بالي اتاكد من سعرها