maison du macaron مطعم بيت المكرون

لما تجيكي دعوه من مطعم مره تحبيه 

ايش يصير ؟ تحبيه زياده هههههه 

مطعم وكافيه ميزون دو ماكرون 

انا قلت لكم من قبل انو أفضل ماكرون ممكن تاكلوه 

حتلاقوه في فاب سويتز ( ستارز أفينيو مول الدور الثاني )

ميزون دو ماكرون تابع لفاب سويتز( برضو ستارز افينيو  مول في الدور الأرضي )

وصلتني دعوه من انستغرامهم لانهم عارفين اني اعشق الماكرون 

وانبسطت لانو ماقيد جربت الاكل الفعلي للكافيه الجديد 

مكان المطعم جدا راقي وكلاسيك نفس طريقة ديكورات المطاعم الايطالية 

احب هذا الديزاين احسني جالسه في بيت مو بمول 

كنتت انتظر لصلاة المغرب تخلص وعيوني طايره بهذا الماكرون هههههههه نفسي فيه 

بعد المغرب كعادة ستارز افينيو مول تشتغل النافوره الراقصه 

ومن مكاننا جدا واضحه 

صورت هذه الصور وأنا جالسه بمكاني 

قدمولنا المنيو وكنا ميتين جووووع

طلبنا 

شوربة  الماشروم 

فوتشيني الفريدو

فيلية لحم 

عصيرات وبيبسي 

وصلت الشوربه مع الخبز 

الخبز حبيته كثير لين وطري 

الشوربه للأمانه ماعجبتني ثقيله ومافيها نكهات 

بس طريقة تقديمها كيوت ( فيه قلب بالكريمه ترى )هههههه

عشقي الأول والأخير 

فوتشيني الفريدو من كثر ما اطلبه بالمطاعم صار عندي خبره مين اللي يزبطه ومين لا 

وبكل سعاده أقولكم هذا الطبق عندهم جدااا مزبوط ولذيذ 

استمتعت فيه كثير 

طريقة تقديمه عاديه 

فيلية اللحم بصوص الفلفل الأسود 

هو لزوجي فعشان كذا طلب كل شي لحاله حتى الصوص 

فمارح احكم على طريقة التقديم 

الفيليه مره حبيته جدا لين وطري وسهل أكله 

التتبيله لزيزه 

الفرنش فرايز لزيزه

يتقدم معاه غراتان البطاطا شي جدا جدا جدا لزيز المره الجايه بطلبه لحاله هههههه 

شرايح بطاطس بالكريمه وجبنة الموزاريلا 

بعد الأكل أذن العشا وحبينا نروق على قهوه وماكرون 

طلبت انواعي المفضله 

الاحمر والبينك والأبيض 

الشوكلت عشان بنتي وليته عجبها 

بس أنا اكلته ماعليكم ههههههه 

القهوه مو ممتازه بس عاديه تفي بالغرض 

والماكرون شهادتي فيه مجروحه اصلا ( عشق )

الخدمه كانت جدا سريعه وحلوه 

حبيت المطعم واكيد بزوره ثاني بإذن الله 

بالذات انو فيه مطاعم في ستارز أفينو مو بمستواه صراحه 

اشوفكم في البوست الجاي بأذن الله