الآسبوع اللي فات رحت زياره لمركز العناية بالشعر والبشرة
بناء على دعوه منهم
اليوم إن شاء الله اعطيكم تفاصيل تجربتي
ايش عملت
ايش لاحظت
وتور بسيط صور من الصالون
لما عرفت انو فيه أخصائية قلت لهم بخليها تشوفني وهي تحددلي الخدمات اللي احتاجها
اول مادخلت اخذوني في جوله بسيطه
هذه غرفة الميك اب
حبيتهاااا اكثر شي بالصالون حستها مريحه وانيقه جدا
بعدين رحت لأخصائية الشعر والبشرة
اللي كانت معايا هي الآخصائيه خديجة
هذه صور من غرفتها
حبيت في الأخصائية انها مريحة بالتعامل
كلمتها عن طبيعة شعري وبشرتي
وهي معاها جهاز تكشف على فروة الراس وتعرف المشاكل اللي بيمر فيها الشعر
انا قلتلها اني بالفتره الاخيره صرت اشتكي من القشره
وبالفعل كل شي كان واضح بالجهاز
حبيت ضيافتهم انها شي هيلثي وصحي
اقترحت عليا جلسه لتوحيد لون البشره
تعمل فيها تقشير كريستالي واقنعه وماسكات صحيه تعطي بشرتك نضاره وكمان توحد اللون
قالت لي هذه الجلسه عشان تكون بشرتك بيرفكت يبغالها جلسات متعدده اكثرها سته جلسات بس كلو على حسب المشاكل اللي عندك وقالت لي بتشوفي الفرق من اول مره
بدأنا بالجلسه وبصراحه ماني عارفه ايش كان يصير على وجهي ههههه
كان تحط ماسكات وتمسحها ،تحط ثاني وتمشي جهاز صوته جدا جدا مزعج على وجهي
تقولي انه ينظف التقشيرات اللي عملتها
بعدين غطت عيني وحطت لي ماسك وفوقه شبكه وغطت وجهي لمده ٢٠ دقيقه استرخاء
خلصت العشرين دقيقه وشالت ومسحت كل شي
بنفس الوقت كانت حاطه ماسك على يدي كمان
ــــــــــــــ
لما مسحت كل شي وقمت صراحة اتفاجأت بالنتيجه
من كلامها اتوقعت اني بشوف شي مره واو
لكن النتيجه صراحه كانت عاديه ما ابهرتني
انا متفهمه انو الشغله يبغالها جلسات كثيره
بس هي قالت لي بتشوفي فرق من اول مره فاتوقعت شي مره رهيب
بس للأمانه اقولكم كانت النتيجه كأني حطيت ماسك عادي بالبيت
يعني القلام قلو شفت معاه فرق اكبر بكثير
سألتها عن سعر الجلسه اللي هي عملتها لي قالت لي ٤٦٠ ريال تقريبا
ماني عارفه قصدها جلسه وحده ولا جلسات ماني عارفه
الحلو في المركز انه بيعمل عروض كثيره
وانتو لازم تستفسرو كووووووويس عن العروض الموجوده
فيه بنات يقولو المركز غالي
يمكن انتي سمعتي سعر فكرتيه لجلسة وحده بس هو يكون يكون مخصص لعدة جلسات
لازم تركزو وانتو بتسألوهم عن العرض
مثلا اعطوني برشور فيه ان البرافين رجل ويد ب٤٠٠ ريال
بالبدايه استغربت قلت غالي مره
بعدين قرأت انو ٤ جلسات مع بعض ب٤٠٠ ريال
فهمتو عليا
لازم تركزو
حبيت في هذا المكان قدام الأستقبال حاطين برشورات بكل انواع الجلسات اللي عندهم
تقدري تشوفيها وتستفسري عنها
بالنسبه للجلسات
انا اقولكم الأفضل انك تشوفي الأخصائية اول قبل ماتحددي لنفسك اي شي
خليها تشوفك وتشوف بشرتك وتقولك انتي محتاجة ايش بالزبط
بعد ماخلصت من جلسة البشره
وروني غرفة المساج والعناية بالجسم
ونزلت للقسم الخاص بالشعر
اقترحولي جلسة عناية ملكيه
ماسك للشعر
ماسك الشعر يكون خليط من
ماسك الأرغان + زيت المكاديميا + زيت جوز الهند + زيت اللوز + ذهب ٢٤ قيراط
أول شي عملتلي شعري بجهاز زي البخار اسمه نانو اعتقد
بعدو غسلت لي شعري وحطت الماسك
وبعدين جلست تحت جهاز البخار
بعدين تغسل الماسك
وبعدين تعملك فريزنغ
جهاز زي الستريتنر تقولي عشان يحفظ الرطوبه داخل الشعر
وبس
انا شعري ناعم
ثاني يوم اتروشت عادي
حسيت شعري مره مره مترطب كاني حاطه بلسم وكريم شعر
حسيت في هذا الشي اليومين الأولى
مرررره انصح فيه للبنات اللي شعورهم جافة وناشفه منجد مره حتعجبكم النتيجه
سعر جلسة الشعر الملكية ٢٩٥ ريال
بالأخير كان يوم حلو جدا استمتعت وشكرا لمركز العناية بالشعر والبشرة
شكرا للأخصائية خديجة
وشكرا عالمنتجات اللي اعطتوني هيا
اعطوني مجموعتين للشعر
مجموعة الكيراتين وتتكون من ٣ خطوات شامبو وماسك وبخاخ حماية للشعر
ومجموعة الآرغان والمكاديميا بإذن الله بس اجربهم اعطيكم كل التفاصيل
مركز العناية بالشعر والبشره موجود في جدة والرياض والخبر
هذا رقمهم الموحد تقدر تتصلو عليهم وتستفسرو عن العروض
٩٢٠٠٠٠٠٣٧
يسلموا على البوست الرائع ومشكورة على ذكر تجربتك .
ReplyDeleteيسلموا على البوست الرائع ومشكورة على ذكر تجربتك .
ReplyDelete