space design - jeddah متجر ومشتل سبيس ديزاين

من كم يوم زرت محل فراغات التصميم
أعطيتكم فكرة عنه بالأنستغرام وحطيت كم فيديو بالستور هاوس

الآن بعطيكم تقرير كامل عنه

المحل مختص بالزراعة
ديكور
تحف
نباتات
تصميم حدائق ، منازل

اللي شجعني عليه هو كواتته المحل
فكرة صاحبتة
طموحها وحبها له

قالت لي تبغي الناس يصير عندهم وعي أكثر بالنباتات الطبيعة
ضروري كل شخص يهتم بنبتة
المحل فيه روح ، حيوي ، فيه ظرافة واهتمام
أكثر شي أقدره بصاحبة المحل انها هي اللي قايمه فيه
هي وبناتها
ماتبغى تجيب عامل ولما يدخلو الناس يسألو مايعطيهم معلومات كافية
جد احترمتها ، حبها واهتمامها بشغلها جدا واضح عالمحل

فكرة النباتات حلوه مسويتهم بأشكال ديكورية صغيره وملفته
بكل بساطه تاخذيها تعطي ديكور حلو وبنفس الوقت تعطي حيويه وروح للمكان
كلنا اتفقنا انو النباتات والورود بالبيت تحسن النفسية

الشي اللي عرفته منهم أنو مو كل النباتات تحتاج اهتمام كبير 

لا 

البعض منها ماتحتاج لمويا ، البعض مايحتاج لشمس
شي بره البيت ، وشي جوه البيت

بعضها تقدري تسقيها مره كل أسبوع او أسبوعين زي نبات السجاد اللي بالصوره فوق 

من أكثر النباتات اللي حبيتها هي السجاد 

ألوانها ، شكلها لحالها ديكور 

فيه منها كذا لون وعلى حسب اهتمامك فيها يتشكل اللون 

ندى بنت صاحبة المحل قالت لي انو هي أكثر شي مطلوب عندهم 

لما تهتمي فيها اللون والنقشه اللي فيها تبرز أكثر 

لما تبعديها عن الشمس تعطي لون ساده مايتغير 

المحل فيه بعض التحف الخشبية 

زي  HOME 

قلوب خشبية تتعلق عالسقف والباب 

كل فازه فيها اهتمام منهم ، شي رمل ، وشي صدف 

الصبار 

مايحتاح لاهتمام كبير 

وفيه أنواع منه كبير وصغير 

شوفو الصباره الصغيرة اللي بالكاس الصغيره 

نقطه :) بس تجنن 

هذه كمان صبار بشكل مختلف جدا جميله 

حبيتها السجاد بس باللون الأحمر ، روعه 

وفكرتها كمان حلوه جايه بفازة مع صحون تقدري تستخدميها في التقديم 

حتى لو كان عندك طقم وحبيتي تزرعي فيه تقدري توديها لهم وتختاري النبات واكيد حيزرعو لك فيها 

أكواب كبيره 

أكواب صغيره وفكرتها جدا جميلة 

قالت لي صاحبة المحل انها عملت هذه الأكواب للأطفال 

مره الفكره حلوه ، تقدري تهديها لطفلك وتقوليه يهتم فيها 

هذه كمان عجبتني مدري اتخيلت بدال الورد المجفف لو تحطي تقديماتك عليها مكسرات ولا معجنات ، يطلع شكل التقديم مره حلوه ويعطي روح للطاولة 

حبيبتي نبتة السجاد 

هذه كمان السجاد بس لون أحمر تجنن 

النبته المنكوشة ام شعر ههههه روعه مره عجبتني كذا مسويه اكشن 

شايفين البطاقة اللي عليها 

موجودة على كل نبته ، ومكتوب فيها ايش تحتاج وكيف تعتني فيها

البامبو العجيبه ، كلنا نحبها 

وهذه كمان حبيبة الكل ، مافي بيت ماعنده 

أكثر شي يبرز المحل الأعمال الفنية المعروضة 

اذا كان عندك موهبة حابه تعرضيها بالمحل تواصلي معاهم 

صاحبة المحل قالت لي انها مستعده تتبنى أي موهبة 

الكراسي والطاوله هذه شغل باكستاني اعتقد 

حلوة 

هذا الكرسي كمان انتيك 

شغل أفغاني برضو مميز 

حتى عندهم زينه لأحواض الزرع
شايفين البنت المدسوسه :) حبيتها

هذ السجاد بس لونها فاااتح مره 

 اعشاش البيض ، برضو من زينة أحاض الزرع 

كل شغلة موجودة بالمحل فيها لمسه اهتمام حلوة 

تحسو المحل قريب من القلب مو بس بزنس والسلام 

هذه الكروت برضو شغل يدوي ، لكل طلب هديه يحطولك كرت تكتبي علية 

حبيتهم وحبيت أهتمامهم بالتفاصيل 

جد كانت زياره ممتعه وقريبه من القلب 

بإذن الله راجعتلهم ، اول ما اسكن البيت الجديد 

تحياتي لأم ندى وندى المرحه 

بيانات المحل 

أسمه فراغات التصميم 

جدة 

شارع الأمير سلطان - حي النهضة - بجانب عيادات الرقبان 

رقمهم 0599716669 

وترى عندهم توصيل في جدة بس ، وكمان خدمة مابعد الشراء
لو صار اي شي للنبتة تقدري توديها لهم وبيصلحوها ويسعفوها ان شاء الله 

أنستغرامهم spece.design