3 Different Makeup Looks ٣ لوكات مختلفه

مرحبا قيرلزز 

سالتكم بالانستقرام ادا حابين اعملكم بوست عن لوكات الميك اب 

واتحمستو وحمستوني معاك 

اخترنا ثلاث لوكات 

اللي هي 

لوك للعيد والعزايم 

ولوك للجمعات والطلعات الخفيفه 

ولوك منزلي في بيتك على طبيعتك بس يحليكي اكثر 

في البدايه فيه بنات حابين يعرفو كيف يعملو ميك اب برونزي تقريبا الفاونديشن له اكبر دور 

وهنا في دا الموضوع حتلاقوه كل شي عن الفاونديشن العادي والبرونزي بالنسبه لي طبعا 

FOUNDATION For Flawless Skin

OK

نبدأ بسم بالله باول لوك وهو لوك العيد والعزايم 

بس حبيت اوضح لكم اني لسه مو متعوده اشتغل ميك اب على الفيس شارت بس لعيونكم نتعلم 

وترى ماعندي حرف الدال ابو نقطه بالكيبورد ههههه 

OK

بحطلكم شغلي اول وبعدين بوضح لكم ايش عملت بالخطوات 

اخترت السموكي للعيد لاني مره احب الشغل يكون عالعين بس 

حلو تكون العين دراميه وباقي الميك خفيف 

أول شي تسوي الفاونديشن تبعك زي الرابط من فوق 

بعدين تحطي برايمر العين 

انا استخدم من اربن ديكاي 

هدا هو يجي مع علبة نيكد 1 وتقدري تشتريه لحاله

وظيفته يثبت الايشدو ويوضح اللون اكثر 

بعدين تحددي انتي ايش تبغي لون السموكي افضل ثلاث الوان هي الاسود والرمادي والنيلي 

في الصوره عملت الرمادي 

بعد ماينشف البرايمر تعملي بيس او طبقه اولى من الايشدو وتكون اخف لون من الوان السموكي 

مثلا بيج او دهبي او اوف وايت او سماوي بهده الفرشه

بعد كدا تحطي اللون الغامق بنفس الفرشه تحطيه قريب من الرموش مو على كل الجفن خطأ 

بس كانك بتعملي خط عريض فوق الرموش 

بعدين تدمجيهم مع بعض هده هي فرشة الدمج 

وبعدين تعملي خط ايلاينر 
حاليا استخدم سليك عاجبني لونه مطفي واسود 

وهده صورة توضح الخطوات

وفي الاخير باللون الرمادي اول النيلي حسب لون السموكي تبعك 

بفرشة البنسل برش هده صورتها 

تمشي على رموشك اللي تحت
بالاخير تكحلي عينك كم جوا زي دايم ولاتنسو الماسكارا 

والبلاشر 
أفضل ماسكرا بالنسبه لي هي شانيل وتختلف انواعها بس هده اخر نوع واحسن نوع 

والروج لازم يكون فاتح نود او بيبي بينك عشان مايكون ميك ابك اوفر 

وووووو خلصنا اللوك الاول 

نجي للوك الثاني 

لوك الطلعات الخفيفه والجمعات 
مره سهل ومعتمد عندي دااااايم 

يمكن مو واضح مره بس تقريبا هو كات ايز 
نبدأ 
بفرشة الايشدو نوزع اللون البيج او الدهبي بعد البرايمر طبعا 
وبفرشة الدمج تختاري لون اقوى شويه بني فاتح او بني غامق وبس تحطيه على ثنية الجفن 
زي الصوره الأخيره اللي تحت 

بعدين ايلانر 
وماسكارا 
انا احب الكات ايز بدون كحل اسود جوا العين 
ممكن تحطي كحل لولي زي حق بودي شوب 
او تحطي اضاءه على مدمع العين برضو بيعطيكي لوك حلووو 

الروج تبعه فاقع 
لان الرسمه والأيشدو هاديين 
تقدري تحطي فوشي 
احمر 
بنفسجي 
كورال ( خوخي ) 
اللي يعجبك 



اللوك الثالث 
هو المنزلي 
عملته عالفيس شارت بس ماحسيت انو مهم لانو مره طبيعي هههههه

طيب
انا عشان نظري ضعيف شوي البس عدسات 
ودايم تكون ملونه 
اكثر شي عسلي 

ماتستخدمي الفاونديشن ابدا حرام في البيت يعدم بشرتك 

انا احط رول للهالات السودا من غارنيه كانه كونسيلر 

وبعدو البي بي 

وبعدو بودره اي نوع تحبي طبعا بس انا مره ناسبتني ستاي مات 

كدا احسن لبشرتكم 

بلاشر خفييف ولو كريمي افضل 

ولو بتقابلي احد ممكن كحل لولي بسيط او اضاءه لمدمع العين وماسكرا بس ما افضل تحطيها بالبيت 

وقلوس او مرطب شفايف ملون وخلاص

حيكون اللوك زي كدا 

 فيه شي ضروري يكون عند كل بنت

نيكيد باليت 1 او 2 لازم يكون عندك وحده منهم 

ادري يابنات مره سمعتو كلام كثير عنها بس منجد مره ضروريه انا اشتريتها من هنا ورميت اللي عندي من هنا 

ضروريه لكل اللوكات سواء سهره او طلعه او بيت فيها كل الالوان المهمه 

هده 1

وهده 2 

وخلصنا بناااات 

يارب يكون البوست عجبكم واستفدتو منه 

اشوفكم في البوست الجاي بادن الله 

وكل عام وانتو بالف خير يارب والله يبلغنا رمضان نحن ومن نحب ونعز يارب