مطعم لبيب

سلااااام عسولات 

هدا الريفيو له اسبوع تقريبا كل مره بنزله وانشغل 

صادفت ثاني مطعم برضو مشويات خخخخ بس هدا تركي 

واللي قبله لبناني 

يعني فيه اختلاف بسيط

في البدايه
مكانه جنب  الدانوب اللي بالتحليه
المحل كان مره زحمه وماقدرت اصور الديكور ولا الجلسات




صورت لكم هده الزاويه البريئه هههههه

كل المحل ديكوره كدا اسلامي حلو ومنور المكان 

كنا حنموت جوع وطلبنا بسرعه 

يالله بسم الله 

شوربة كريمه بالدجاج لازم اطلبها لي ولبناتي بكل مطعم نروحه هههههه 

 تقيمي لها 7-10 

عاديه 

حمص تقيمي له 5 - 10 

فتوش مره لزيز تقيمي له 

9- 10 

بطاطا حاره ( مشهورين فيها ) 

لزززززيزه 

10 - 10 

وتستاهل 

شاورما دجاج 

لزيزه 

9- 10 

مشاوي مشكله 

عاديه جدا 

تقيمي لها 6- 10 

التقيم العام للمطعم 7- 10 

اول شي كان عندهم اشهر طبق وهو اسكندر يقولو خطير بس قالولنا مافيه ونحن رايحين قبل المغرب 

ثاني شي الويترز مره دفشين ومايضحكو وطاولتنا قعدت بدون شوك وملاعق ولا ملاحات ولا شي الين جا الاكل وبرضو ماجابوها الين طلبناها منهم 

الجلسات مو مريحه ابدا كلها مكشوفه وقريبه من بعض 

الاسعار مره حلوه 

المقبلات في حدود ال14 ريال 

والطبق الاساسي حدود 40 ريال 

ماني متدكره الحساب كم بالزبط 

بس في حدود 200 ريال وماشاء الله طلبنا كثير 

وبس 

اللي جربه يقولي رأيه 

اشوفكم في البوست الجاي حبوبات 

colorful girl