My Favorite 4 Rajab & Sha'ban مفضلاتي ١

هلا بنات 

كيفكم واخباركم يارب كلكم تكونو بخير 

اليوم حبيت احددلكم مفضلات البيوتي كير لشهر رجب وشعبان وهي من بداية البلوق الى الان 

اشتريت اشياء كثير وجربتها بس هده هي Top 10

واللي بادن الله لو خلصت حرجع اشتريها على طوول 

البوست طويل شوي جيبو كوفي او شاي وتعالو 

يالله نبدأ 

1

اول شي هو أله نزع الشعر من امجوي 

صراحتن صراحتن اخدتها عشان الشنطه ههههههه مره جميله وكيوت 

ولما رجعت البيت وفتحتها وجربتها انبهرت فيها 

نشوف كم عدد قطعها وايش استخداماتها 

هي من داخلها جهازين 

جهاز للجسم وجهاز  للاماكن الحساسه او تقدري تخليه للوجه بس حددي من البدايه انتي في ايش تبغيه 

الجهاز الاول 

معه راس نرع شعر 

وراس حلق 

وراسين تقشير هدا الشي مره حبيه تقدري تستخدميه للركب او الاكواع 

وفيه فرشه صغيره للتنظيف 

والاحلا انو ينشحن يعني تقدري تشحني وبعدين تاخدي بس الجهاز معاك سفر او حمام او اي مكان 

الجهاز التاني 

صغيرر ورهيب 

وببطاريه برضو تقدري تشيليه معاك لحاله 

معاهم شنطه مره حلوه 

والشفرات تبعه ملبسه  دهب عيار 24 عشان جسمك مايتحسس او عشان ماتصدي وتقعد معاك عمر بادن الله 

نجي للتجربه 

صراحه لما جربته مره انبسطت مره مايعور زي براون بالعكس هادي وتشيلي وانتي مرتاحه من غير توتر 

اخدته من صيدلية النهدي ب400 ريال 

سعره روعه بالنسبه للمميزات هده كلها ولا ايش رايكم ؟؟ 

نرجع للمفضلات البيوتيه 

 2&3 

مين فينا مايحب المناكير 

كل بنت تحب المناكير 

بس هي فيها شغلتين مزعجه 

تنظيفها وتنشيفها 

صح ؟

هده الشيئين حلت لي الموضوع 

الاول مزيل المناكير من سيفورا منجد اختراع عجيب 

فكي الغطا ودخلي اصباعك وانتهى الموضوع مره مره جميل سعره 49 من سيفورا 

فيه زيه في برجوا كمان جربته حلو 

الشي الثاني مجفف المناكير 

هو زي القطره وجوته زيت 

تحطي مناكيرك وبعدها تقطري عليها نقطه من الزيت دقيقه بس والمناكير ناااااشف 

انا بالعاده اخد ساعه كامله عشان اتاكد انو نشف تمام اوقات تحسيه ناشف بس من اي دقه او خبطه انعدم 

هدا المجفف حل الموضوع كليا 

وزي ماقلت هو من جوه زي القطره وهدا الشي حبيته اكثر لانو فيه مجففات ثانيه من ايسي ومن ماركات ثانيه بفرشه زي حقة المناكير 

طيب ادا حطيت مناكير ومشيت عليه بمجفف فرشه برضو حينعدم صح . هدا بقطره من بعيد حطيها وانتهينا 

سعره ناسيه بس تقريبا 60 ريال من سيفورا 

 4&5

هده الشغلتين عنايتي برجلي وما احتاج اكثر بس اداوم عليها وخلاص 

الاول Foot cream ماركة Avalon pharma 

يابنات مره مره جيد 

ريحته حلوه ومن مكوناته فازلين وجيلسيرين 

مره حبيته احطه يوميا وبعدين البس الشراب حق البيت وخلاص 

الثانيه يمكن الكل عارفها بس انا مره مره احبها وهده ثاني مره اشتريها هي زي الاسفنجه خفيفه مره بس قاسيه 

تعملك تقشير للرجل وتزيل الجلد الميت 

كلهم من صيدليه النهدي الاسعار مافتكر صراحه 

بس الكريم حدود 30 

والاسفنجه 15  

اتوقع كدا 

يمكن 

خخخخخخ 

 6

وهل يخفى القمر 

Anti bacteria from Bath & Body Works

انتي باكتيريا من باث اند بودي 

روائحهم ادمااااان روعه وخفيفه وشكلها كيوت وصغير وينحط بسهوله في الشنطه 

او له اكسسوار تحطيه جوتها وتعليقه بالشنطه لسعوله الوصول اليه هدا الشي مره مفيد لان معايا بناتي فابسرعه اعطيهم بدل ما اقعد ادور عليه 

اسعارهم عاده 15 ريال 

لكن الافضل تاخديهم وقت التخفيض ب8 ريال 

رقم 7

سكراب Rub Rub Rub 

اعشقه واعشق ريحته وكل شي فيه 

تكلمت عنه هنا  فيه كل التفاصيل 

8

لوشن ومرطب Ros Argan من lush 

برضو اتكلمت عنه والتفاصيل هنا 

9

مرطب eos 

اتكلمت عنه كثير بانستغرام  بس بصراحه هو شي مره رائع

وناس مره كثير مدحوه واتكلمو عنه مره خفيف وريحته حلوه وطعمه حلو وفوق كل شي طبيعي مصنوع من زبدة hلشيا وفيتامين e وزيت الجوجوبا ب 35 من التاجرات 

وبودي شوب منزلين مرطب مستنسخ منه بس ماجربته 

الوردي بالفراوله و الاحمر فواكه واحسه جاي اكثر شي على بيتش وخوخ ومشمش 

10

غسول كلين اند كلير للبشره الدهنيه 
مره مره احبه بعد ما استخدمه احس بشرتي منتعشه وتتنفس وبااارده 
شي مره جميل سعره 17 ريال 


and done 
خلصت 
يارب تكون المفضلات عجبتكم 
ادا جربتو شي منها حبيتوه او ماحبيتوه قولولي بالتعليقات 
تحت 
اشوفكم بالبوست الجاي ان شاء الله 
colorful girl