تنسيقات العيد 2013

بناء على طلب بنااااات كثير 

سويت هالبوست 

عن تنسيقات العيد

حبدأ معاكم بالتدريج من الفساتين الين الأكسسواريز 

أول شي ادا كنتي حابه في العيد  تلبسي فستان 

عندك طريقتين 

الطريقه الأولى 

الفستان يكون ملفت وتحاولي تنقصي قد ماتقدري من الاكسسوارات عشان الفستان اللي يبرز زي هنا بالصوره اللي تحت

كدا يكون الشوز والباق مرررره بسيطين وساده

 الطريقه الثانيه
 اللي حترجعي لها  لها دايم ادا راح عليكي الوقت ومالقيتي شي يناسبك 

هي انك تشتري فستان كلاسيك ساده زي كدا 

وتبدأي تلعبي بالأكسسوارات والشوز والباق

يعني تلبسي ستيتمنت نيكلس كبير

ابدا ابدا لايكون فستانك الوان ولا موديلات وتلبسي ستيتمنت 

شوفي كيف حيطلع شكلك 

مره زحمه ومزعج للعين 

دول الاثنين كمان حبيتهم فساتين كلاسيك والشغل عالاكسسواريز 

التنانير 

أوك نجي للتنانير الماكسي موضة هده السنه 

وانا تكلمت عليها وفصلتها هنا 

maxi skirts

برضو
 في التنانير لاحظت بالأنستغرام بنات كثير يستشيروني في التنانير اللي تجي قصيره من قدام وطويله من ورا 

حبيباتي مره سهله 

ادا كانت ساده 

حاولي تختاريلها شي من اثنين 

يا مخطط او ابيض واسود او مورد 

لان التنانير من موضة عام 2012 

ولو حطيتي معاها دول الاثنين حتكوني تريندي اكثر 

وهنا اتكلمت اكثر عن 

المخطط 

المورد 

طيب ايش باقيلنا 

الملابس الكول اللي تنفع للأستراحات والجمعات البناتيه 

عندك تيشرتين  دارجه بقوه 

تيشيرت سيلين 

تيشيرت كينزو التايقر 

ادا اسعارهم ماناسبتك السوق مليان بنفس التصاميم 

يعني لازم يكون عندك تيشيرت تايقر دي السنه نشوف كيف تنسيقاته 

بالنسبه للشنط والشوزات اكثر شي تريندي هو المشجر والمخطط

والشنط اكثر شي تريندي الكروس باق اللي سيرها طويل

وبس حبوبات
بالأخير البساطه هي اللي تبرز جمالك
لاتكثري اكسسوارات ولاتكثري تريندات كثير بنفس اللبس اختاري شي واحد واكتفي فيه

ويالله انطلقوو عالسوق
هههههههه


أشوفكم بالبوست الجاي
colorful girl