Buffalo Chicken دجاج بصوص البافلو

سلاااام بنات اخباركم حبايبي 

أنا من متابعين الحلوه @memokitchen 

بالأنستغرام 

وهي حطت الوصفه ومره شهتني صراحه بس لما جيت اعملها اكتشفت اني خرفت اشياء كثير من عندي ههههههه 

فقلت احطلكم طريقتي واللي يبغى طريقة ميمو يضيفها بالانستغرام 

اوك يالله حريم عالمطبخ 

حقول المقادير مع الشرح مايحتاج قليله مره 

اول شي صدور دجاج قطعيه شرايح كبيره وتبليه في 

بابريكا ملح فلفل شويه خل وبهارات دجاج انا كثرت بس انتو حطو شويه بس 

دحين اقولكم ليه خليه تتبل بالقليل ساعتين 

بعدين تجيبي من ماجي هدا الشي الجميل 

تغطية بروست او كرسبي اللس تسموه 

فيه نوعين بنكهة المشاوي وبنكهة الثوم 

انا استخدمت المشاوي ونكهته مره قويه عشان كدا قلتلكم خففو التتبيله 

حطيت مع الخلطه ملعقه دقيق عشان تمسك بالدجاج لاني ماحطيت بيض ماحب ريحته 

تغطي كل القطع بهدا الشكل وتصفيها في صينيه ملبسه بورق الشمع وتدخليها الفرن من 15_20 دقيقه  وبس تخرجيها 

وتحطي فوقها صوص التشكين وينغز اللي مررررررره لزيز يابنات من فرشلي هده صورته 

وخلاااص بالعافيه قدميها مع اي شي تبغيه انا قدمتها مع بطاطس 

ممكن رز 

ممكن سلطه لو عامله دايت 

يابنات مررره لزيز وخفيف وسريع وينفع سحور برمضان 

وكل عام وانتو بخير حبايبي 

اشوفكم بالبوست الجاي 

colorful girl