My Favorite Makeup مفضلاتي ٢

مساء الخيرررر صبايا 

لي فتره مأجله بوست فيفورت الميك اب 

عملت حق البيوتي 

وانشغلت ببوستات ثانيه 

بالنسبه لي هذا مو بس فيفورت لاااااا بالنسبه لي بيسك 

يعني لو فيه بنوته لسه دوبها بالجامعه وماعندها خبره كافيه بالميك اب 

تقدر تاخد دي الاشياء وهي واثقه وبدون تخوف 

الحلو كمان انها كلها اسعارها بمتناول اليد وبعضها كمان مره مشهوره وكثير منكم اكيد اكيد عندهم منها 

يالله نبدأ بسم الله 

1

naked palett

مره مره مره مست هاااااف 

لازم وضروري كل بنت يكون عندها 

وفيه ماركات كثير حاولت تقلد الوانه وتسويها بباليت واحد بس اظن مانجحت لان نيكد باليت صار اشهر من النار عالعلم 

خذي ون او تو الوحده منهم بتكفيك ماله داعي الاتنين 

بنت عمي معاها تو وعملنا مقارنات 

تقريبا نفس الالوان بس درجات مختلفه 

يعني الذهبي في ون غامق 

في تو افتح 

تو فيها لون بلاك 

ون فيها كحلي 

يعني زي كدا 

2

Soft and Gentle MAC

هايلايتر سوفت اند جنتل
اعترف لكم بالبدايه حسيته مره مره عادي مو قد الصجه اللي مسوينها عليه
بعد كدا بديت اعجب فيه شويه شويه
بس
مو هو احسن حاجه في الكون اتوقع بلاقي شي مره واو
سوفت اند جنتل اسم على مسمى مره هادي واضائته رايقه
سواتش على يد بنتي

3

 Honey Bronze

face gel

 Body Shop من

قبل سنه مره مره اتحمست عالتان ورحت بودي شوب ولميت كل السيت تبع هاني برونز 

اخدت فاونديشن وبودره وقلوس واويل تان 

الفاونديشن اللي فوق مره مره غامق صرت ايش اسوي فيه

 احط منه عالفاونديشن الطبيعي اللي بلوني وبكدا صار عندي فاونديشن تان 

مره مره حبيت الحركه وصرت انصح الناس يعملو كدا كمان وصار اسااااااسي بالنسبه لي ومره مهم  

بدل ماتشتري فاونديشن غالي ومره غامق عليكي خدي هذا وفتحي وغمقي زي ماتبغي 

سواتش على يد بنتي 

4

Honey Bronzer Powder

من Body Shop

وهده برضو بودره الهاني برونز من بودي شوب 

مره مره حبيتها واستخدمها مره كثير 

تعطي لوك طبيعي اوقات اعمل فيها كونتور بسيط 

مات مافيها اي شيمر وهدا اكثر شي حبيته فيها 

5

Concealer Palette Forever

الكونسيلرات موضوع كبير باذن الله بتكلم مفصل عنه 

لكن لو كان عندك هالات ومع الكونسيلر لونها يصير رمادي بعد كم ساعه 

انصحك بباليت ميك اب فوريفر 

انتبهو فيه منه انواع كثيره ادا ماعندك عيوب بالوجه غير الهالات خدي النوع اللي بالصوره 

فيه نوع للاثار وفيه نوع للحبوب والاحمرار وكل شي انتبهي تتلخبطي 

طريقته 

انك تحطي  الكوريكتور اللي هو اللون البني اغمق شي على الهالات بطريقة الطبطبه 

بعد ماتخلصي الميك اب تحطي لون الكونسيلر اللي يناسبك وزي ماقلت لازم يكون اللون افتح بدرجه فقط 

جربت ستوديو فنش من ماك نوعا ما ماحبيته وصار مرزوع على جنب بعد باليت فوريفر 

6

Lipstick INGLOT 

قلت لكم قبل كدا بالانستغرام اني وقعت في غرام هاللون تحديدا 

موف فاتح مرررره مناسب للتان والميك اب البرونزي 

درجته 420 مات 

تفاصيل اكثر هنا 

7

Wet&Wild lipstick

الدرجه هده مررررره رايقه وجميله ماني عارفه ايش اللون بالزبط بس تحسيه بينك  بس على نود مدري 

بس مره عمليه 

اسمها 

Wine Room

سواتش من النت 

8 

Chanel Mascara Volume

العشششششششششششششق 

هده اللي اقول عليها ماسكرا منجد 

شي مو طبيعي كثافه وطول 

وانا حسيت انها تلف رموشي طبيعي بدون ما اعكف الرموش بالتولز 

مره مره احبهااا وحشتري منها تاني وثالث ورابع 

الين يقولو خلاص ياكولورفول وقفناها هههههه 

9

 Dream Matte Mousse Foundation

برضو كان من مشتريات العيد بس يابنات مررره حبيته يعطي لوك مخملي مات وتغطيه مره جيده 

مره مره كويس 

بس ينرفز لما تحطيه 

توزعيه كوووويس والنتيجه مره جيده 

تفاصيل تانيه   هنا 

10

the porefessional 

من

 benefit

برايمر الوجه المخملي اللي اتوقع انكم حفظتو الكلام اللي انقال كثيررررررر عليه 

لكن بصراحه يستاهل بجداره 

مره مره ممتاز اصلا اول ماتروحي لسيفورا وتجربيه على يدك حتحبيه 

البرايمر مره ضروري قبل ماتحطي الميك اب تهيئي بشرتك ووجهك ببرايمر 

يثبت الميك اب اكثر 

11

 +FIX من 

MAC

هدا الشي لازم يكون بكل تسريحه 

ماقدر اعددلكم فوايده كلها كل بنت ولها اختراع فيه 

هو سبراي بدون ريحه من ماك 

مثبت 

مرطب 

تحطيه قبل الفاونديشن تبخي شوي عالفرشه وحيطلع اللون مره واضح 

فيه فيتامينات 

تقدري تستخدميه قبل الميك وبعد 

تصلحي فيه الميك اب المكسور

اقرو عنه بقوقل فوايده مره مره كثيره 

12

Bourjois Eye Pencil

مره سهل وسريع واللون يطلع من اول سحبه 

ندمت اني ماخدت باقي الالوان بس برجع لها باذن الله 

13

Eyebrow Mascara

 موضة السنه 

برضو من الاشياء اللي ما اقتنعت فيها بالبدايه 

بس بعد ماشفت شغل الميك اب ارتيست  حنان النجاده مررررره دخلت مزاجي 

والشي الثاني اني احتجتها لما صبغت شعري 

هده من سيقما حبيتها لونها رايق مو صارخ زي حق ماك 

وكمان فيها ماسكارا شفافه لترتيب الشعر 

نايس 

وصلنا عند الاشياء اللي ماحبيتها وما انصحكم تشتروها 

1

اعواد sephora 

مدري ليه اول ماشفتها حسيتها حلوووه وعمليه وكل شي جميل 

بصراحه لما فكيتها فطست ضحك 

الفكره حلوه بس مره مو شي ضروري تشتريه 

عود اذان عالطاوله خدي واحد واغمسيه في مزيل الميك اب حقك وانتهينا هههههههههههه 

وتقدري تستخدمي الطرفين كمان

هده لاااا طرف واحد بس خخخخ التاني دوبك كسرتيه 

المهم اخذتها بثلاثين من سيفورا دبي 

وموجوده هنا ب26 اعتقد 

الخلاصه ماتستاهل خمسه ريال 

2

Make Up Forever All Matte

برايمر ميك اب فوريفر مات 

ابدا ماشفت له اي نتيجه 

كاني حاطه كريم عادي 

حتى ماني عارفه ايش اقول عنه ابدا مايستاهل 

خدو برايمر بينفت افضل مليون مره 

3

Scandals Eyes Mascara

مسويه زحمه والطريق فاضي
ههههههه مره مره ماعجبتني
صراحه احس ماسكرات الدرق ستور مو قد كدا
تنفع للصباح
للبنات الصغار
مره خفيفه وماتعملي شي
هدا سواتش من النت بالزبط زي النتيجه اللي ماحبيتها



مره لا ماحب الرموش كدا كل واحد بمكان 

4

Honey Bronze Shimmering Dry Oil

الشي اللي مدري ايش سالفته 

ريحته معفنه وماينشف ومايثبت ومافي لون اصلا 

:( 

يا انا غلط يا اللي كان بالمحل وشرحلي غلط 

المهم انو مركون بالدرج من سنه 

واللي استخدمته وعاجبها تشرحلي كيف تستخدمه هي 

AND DONE 

وبسسس خلصت البوست اللي مابغى يخلص 

يارب يكون عجبكم واستفدتو منو 

شاركو بتعليقاتكم هنا او على الانستغرام 

حكون مبسوطه فيكم وبتجاربكم اكيد 

اشوفكم بالبوست الجاي باذن الله 

COLORFUL GIRL