The difference between the BB&CC&DD creams انواع البي بي كريم

كثير كثير كثير تجيني أسأله عن البي بي كريم

ايش افضل شي 

وايش ناسبك 

وايش رايك في حق هده الماركه وهده الماركه 

ونحن نجرب في البي بيهات 

طلعو في الCC والـDD 

تعالو نشوف 

ايش يعني 

BB

CC

DD 

وكمان حذكر لكم تجربتي مع ثلاث انواع من BB 

ايش يعني BB 

beauty balm

مكون من فاونديشن 

واقي شمس 

ومرطب 

ممره مره يناسب بنات الجامعه والثانوي 

 ايش هو الـ CC 

color cover & correct

مصحح لتلون البشره 

احمرار كلف بقع اي تصبغات للبشره هو يصلحها 

كمان مع واقي شمس ومرطب 

ايش هو الـ DD 

dynamic do all

مخصص لمقاومة شيخوخه البشره 

يرجع لها الحيويه والنضاره وكمان ترطيبها 

كمان فيه واقي ومرطب 

الين دحين كلو تمام 

الين وانا ابحث لقيت انهم طلعو كمان EE 

قلت لااااااااااااا ذا منجد نصب وضحك عالعقول 

ماشافو شي نجح الا وطوروه وبهروه وباعوه ونحن زي المجنن نروح نشتري 

نشوف ايش قصدهم بالـ EE 

Energy Enhancing 

يعني 

محسن للطاقه 

يصحح التجاعيد ويرطب البشره 

ويضيف لها حيويتها 

يوحد لونها ويعطيها نضاره

ها شرايكم بتروحو تجربو هههههههههههههه 

_____________________ 

يالله نشوف مع بعض تجاربي مع البي بي كريمز 

- bb cream skin79 المشهور بالبي بي الكوري 

- bb cream garnier 1 بي بي غارنيه الاول 

-bb cream garnier 2 بي بي غارنييه الجديد 

البي بي كريم الكوري كان لازم اجربه لان عليه صجه ورجه مو طبيعيه 

لكن 

للاسف ماحبيت تجربتني معاه ابدا 

الكريم ثقيل جدا 

كانك حاطه طبقه دهن بوجهك .. ابدا مايناسب البشره الدهنيه 

احتمال يناسب الجافه البيضاء الفاتحه 

اقولكم ليه 

شوفو لونه 

 الصوره بدون تاثير عشان تشوفو لونه صح 

رمادي 

يندمج بالبشره بس مايناسب الحنطيه والسمرا والغامقه ابدا 

من سلبياته كمان 

السعر وعدم توفره باسواقنا 

جيت بطلبه لبنت عمي لقيت امازون وايباي اسعار رخيصه ب8 دولار بس مره منتشر التقليد بشكل خيالي 

خفت اخذ لها شي تقليد قلنا الافضل نروح لموقعهم وناخده 

سعره بالموقع 30 دولار مع رسوم الموقع صار ب35 دولار 

يعني 140 ريال مع الشحن 68 ريال وصلنا للـ 200 ريال 

ابدا ماشوفه يستاهل السعر هذا بس بنت عمي كانت مصره عليه هههههههههه 

اللي بعدوووو 

BB كريم غارنييه الاول 

كان عاجبني لولا انه برضو دهني جدا وكنت لازم ضروري بعده احط باودر 

يقولو الوانه غامقه انا ناسبني اللايت منه 

بس ممكن اللي مره بشرتها فاتحه مايناسبها يكون برضو غامق عليها 

برضو للبشرات الجافه 

الحلو فيه سعره وتوفره في الصيدليات 

يعني حتى لو اشتريتيه وماناسبك ماتنقهري عليه في حدود 25 ريال تقريبا 

بعدو بفتره نزلو غارنييه بي بي كريم جديد مخصص للبشره الدهنيه 

مره انبسطت 

وجري رحت اشتريته 

للان هذا افضل شي عندي 

مره حبيته 

خفيف ومايعطي تغطيه قويه .. والاهم مايدهن بالبشره وماتحتاجي بودره بعدو 

سعره جميل 

متوفر بكل الصيدليات و الدانوب اي مكان بتلاقيه 

جربتي كثير وماناسبك 

او مو متوفر لك 

اخلطي واقي شمس مع مرطب وجه مع الفاونديشن حقك وخلاص 

صار عندك BB بمزاجك هههههههههه 

_______

فيه ماركات ثانيه برضو يمدحوها 

BB كريم ديور ( بس سعره صراحه ماينبلع على بي بي . 200 وشي اروح اشتري فيها فاونديشن افضل ) 

BB كريم بودي شوب ( ماجربته ) 

BB كريم ريميل برضو ( ماجربته )

كل ماركه نزلت BB كريم 

شوفي اللي يناسب لاتسمعي للي يقولك الافضل 

لان مافيه شي اسمه افضل 

فيه شي يناسب بشرتها ومايناسبك 

فيه شي يناسب ميزانيتها وماتناسبك 

وبسسسسسس

 خلص البوست يارب تكونو استفدتو 

اشوفكم في البوست الجاي باذن الله 

colorful girl