MAKEUP REVIEWS 1 مراجعه للميك اب ١

سلاااااام بنات 

اخبار الجميع يارب تكونو بخير 

قبل كم يوم في الانستغرام

 قلت لكم اختارو منتجات من الصوره واعملكم عليها ريفيوز 

لان لي فتره استخدمهم 

للاسف اكبر طلب كان عالكونسيلر ههههه بس انا صراحه ماعطيته حقه في الاستخدام فا راح أاجل الكلام عنه حاليا 

كمان كان فيه طلب كبير على

 أضاءة هارد كاندي 

والايشدوات الكريمه كلر تاتو 

وبرونز بهاما ماما من ذا بالم 

وكمان بعملكم مقارنه بسيطه بين فرشتين فاونديشن مشهوره 

sigma flat kabuki f80

real techniques buffing brush

ريل تكنيك بافينغ برش

فلات كابوكي من سيقما 

نبدأ بسم الله 

1

 GLOW all the way

hard candy

قلو من هارد كاندي 

الاضاءه هذه مره مره حبيتها لانها اول شي توزيعها سهل جدا 

لونها بلون الجسم بس تعطيك لمعه رائعه 

خياليه في التصوير 

تقدري تستخدميها للوجه والجسم

انا استخدمتها لعظمة الخد مره حبيت النتيجه وبتطلع احلا عالجسم اليد والساق وكذا 

في البدايه ملمسها زيتي بعدين تنشف ثباتها تقريبا على 6 ساعات 

واشوفها ممتازه

عادي تروح بالمويا والصابون او مناديل معطره 

وهنا سواتش لها 

بجد جميله وباذن الله اجرب اللون البينك منها 

2

Color tattoo 

من MAYBELLINE

ايشدوهات كريميه كلر تاتو من ميبلين 

اخذت اربع الوان

الكريمي 70 Barely مره يشبه البينت بوت من ماك 

الذهبي 65 gold rush 

البينك 55 inked in pink  

الرمادي  15 audacious asphalt 

الذهبي ماحبيت لونه جاي اصفر 

الوردي مره مره صباحي ورايق 

الرمادي اكثير شي حبيته وسويت له كذا لوك وكلها طلعت جمممميله 

الكريمي استخدمته زي البيس للايشادو 

اكثر شي انصحكم فيه الرمادي والكريمي 

حلوين صراحه وتقدري تثبتيها بايشادو باودر عشان ماتخطط معاك 

وهنا سواتشات للالوان 

3

 Bahama mama

برونز  بهاما ماما 

من الاشياء اللي مره حبيتها من ماركة ذا بالم 

مره مره حلو للكونتور واللون واضح ويطلع معاك بسرررعه 

لاتكثري منه لانو غاااامق 

احسه فقط كونتور .. يعني مايستخدم زي البرونزات لباقي الوجه 

4

دحين نجي للمقارنه بين فرشتين الفاونديشن 

real techniques buffing brush

ريل تكنيك بافينغ برش 

وسيقما فلات كابوكي F80

real techniques buffing brush

 فرشة ريل تكنيك من زمان استخدمها صراحه مره حلوووووه وسعرها حلو 

شعرها صناعي ناعم 

هي تجي في مجموعه للوجه زي كذا سعرها حدود السبعين ريال 

اخذتها اونلاين 

المجموعه كامله مره حلوه فيها فرشة كونسيلر وفرشة اضاءه وفرشه صغيره تقدري تستخدميها للكونسيلر او للاروج 

عيبها المسكه لونها مطفي مات ومره مره تتوسخ بسرعه 

بعدين جاتني فرشة سيقما هديه 

بعد ماجربت سيقما حسيتها عشششق مره حبيتها شعرها كثيييف وناعم وبجد توزيعها حلووووو ونظيف 

الفرشتين رائعه 

بس حاليا انا مفضله سيقما على ريل تكنيك 

صح هي اغلا منها 

بس جودتها عاليه جدا 

وانصح فيها من قلب 

بسسسسسسسس خلصت 

يارب يعجبكم البوست وتستفيدو منه لو شويه 

اشوفكم في البوست الجاي باذن الله 

colorful girl