My Chanel choices اختياراتي من شانيل

أختياراتي لكم للعيد من شانيل 

هذه مجموعة منتجات من شانيل جربتها وحبيتها وقلت لازم اقولكم عليها بالذات الفتره هذه كل وحده بتجهز للعيد 

وبالنسبه لي هذه اختيارات ممتازه لعيدك

الريفيو حيكون عن 

البرونز الكريمي SOLEIL TAN DE CHANEL BRONZING

الفاونديشن الجديد chanel perfection lumiere velvet

ماسكارا le volume de chanel mascara

محدد شفايف lip liner

روج  ROUGE ALLURE INTENSE

مناكير chanel nail polish le vernis

عطر كوكو نوير  chanel coco noir perfume

SOLEIL TAN DE CHANEL BRONZING

أول شي بتكلم عنه هو البرونز الكريمي 

حاولت اصوره كثير ابغاكم تشوفو لونه الطبيعي والحمدلله الصورة هذه اعتبرها 99% من لونه الحقيقي 

علبته جميله وأنيقه وانا اعشق التعليب الأسود الرايق واحب تعليب شانيل عموما بسيط وراقي 

كميته تشوفيها قليله بس حتطول معاك لان مسحتين عالفرشه تكفي 

بالنسبه لطريقته كثير يستخدموه بطرق مختلفه فيه بنات يستخدموه كونتور وانا ماشوفه كونتور صراحه لونه بسيط مو اللي يعطيك تحديد لا 

جربت قبل الفاونديشن وجربت بعد الفاونديشن 

صراحه قبل الفاونديشن ماحسيته عمل اي شي ماكاني حطيته 

بعد الفاوندشين روعه 

طريقتي فيه استخدم معاه فرشة البافنغ برش من ريل تكنيك اتكلمت عنها 

MAKEUP REVIEWS 1

اول شي ازبط وجهي زي دايم برايمر كونسيلر و فاونديشن بالأخير احدد اطراف وجهي 

انزلها عالخدود كانه بلاشر 

واحط كمان على عظمة الحنك او الفك مدري ايش بقولو لها هههه 

يعطيك لون برونز طبيعي يزبط لون الفاونديشن يعمل ابعاد لوجهك فقط 

هذه وظيفته بالنسبه ليوالنتيجه حلوه وطبيعيه جدا جدا 

عيبه مافي غير لون واحد يعني اذا كنتي سمرا غامقه او لونك عموما غامق مارح يعملك شي 

مناسب للبنات الفاتحات واللي لونهم قمحي فقط 

chanel perfection lumiere velvet

فاونديشن بيرفكشن لوميير فلفت 

اول شي صدمني اول ماشتريته الكل قاللي موووو حلوو ويسبونه ومدري ايش 

 استغربت كيف تحكمو على فاونديشن من بعيد 

او عشان وحده قالت مو حلو 

طيب انتو تعرفو وجهها .. تعرفو طبيعة وجهها ولونه تعرفو هي اخذت اللون المناسب لها او لا 

انا اقل شي اتكلم عنه هو الفاونديشن لان بجددددد بجدددد يختلف من وحده لوحده 

فاونديشن فوريفر اتش دي انا حبيته اختي ماناسبها وعملها قشور مع انو طبيعة بشرتنا وحده 

الان بتكلم عن فاونديشن شانيل بس بتكلم عنه من تجربتي انا

واقولك ياجميله روحي جربيه وكذا مره اقولكم خذو معاكم علب صغيره خذو عينات جربوها وبعدين قررو 

شراء الفاونديشن المناسب هو اصعب شي في شراء المكياج 

قاعده 

فاونديشنك غلط 

مكياجك كلو غلط 

الفاونديشن هذه فلفت يعني مخصص للبشره الدهنيه 

الفاونديشن اللي قبله كان للبشره الجافه لانه كان يعطي لوك ديوي لامع 

مجرد انك تقري فلفت او مات هذا سيدااااا حيكون للبشره الدهنيه 

حاولي تقري قبل ماتروحي الفاونديشن ذا مخصص لمين 

الفاونديشن بططططططططططل 

بطل 

بطل 

نتيجه طبيعيه رااااايقه 

تغطيته متوسطه مناسب البشرات اللي مافيها عيوب 

منجد فلفت ناعم وتحسي وجهك طبيعي روعه 

اعشق الفاونديشنات اللي تكون تغطيتها متوسطه لان تعطيك اللون الطبيعي ماحب الفل كفر ابداااا 

اذا كان وجهك مافيه حبوب مافيه تصبغات ليه تاخذي فل كفر ؟؟؟؟ 

حيبين وجهك مو طبيعي 

جدا حبيت الفاونديشن هذا جدا جدا 

وكمان فيه حمايه من الشمس 

هذه نتيجته عالوجه 

le volume de chanel mascara

معشوقتي اللي اتكلمت عنها كثيررررر من العام وانا امدح فيها هههههه 

ماسكرا لي فوليوم دي شانيل 

وحده من البنات اشترتها ورجعت تدعيلي ربي يسعدها 

ايش اقولكم عنها سوااااد 

ماتكتل 

تلف الرموووووش وهذه ابرز مميزاتها 

تنزل بسرعه بمزيل الميك اب 

رائعه وقلت ومازلت اقول عنها افضل ماسكارا جربتها 

محدد شفايف lip liner

محدد الشفايف من شانيل 

حبيت هذه اللون بينك لحمي 

حسيته اساس ممتاز لكل روج وكمان لو حطيتيه لحاله روووووعه 

اوقات لما اكثر ميك اب عالعيون اكتفي بليب لاينر على الشفايف وفوقه قلوس او اسيبه مات 

جدا حلوه وماتشقق وتقشر الشفايف تعليبها ممتاز جهه ليب لاينر وجهه فرشه 

ويجي معاها برايه 

روج  ROUGE ALLURE INTENSE

احس انو عشقي الجديد بيكون ارواج شانيل 

لما  كوني تبغي لون اساسي بصراحه انصحك سيدا تاخذي شانيل 

احمر 

نود 

بينك 

مشمشي 

ارواج شانيل ماتتحسفي عليها بصراحه راااائعه ثابته وكمان ماتقشر شفايفك حتى لو هي مات 

المات حقها بنسبة ترطيب ماتبين بشفايفك بس انتي تحسيها لما تحطي 

عششششقته وباذن الله برجع لكم لون كنت ابغاكم بس وقتها كانو مخلصين 

هذا اللون رقم 99

chanel coco noir perfume

عطر كوكو نوير 

عطر الفخامه والمناسبات الجميل :) 

من العطور القووووويه واللي انتشرت بشكل كبير بسبب شكله هههههه صراحه ماينلامو الشكل فخمممم 

مره ماعرف اوصف عطور يعني لاتستنوني اوصفه هههههه بس روحو شموه

عيبه من قوته اوقات احسه رجالي :( 

بس ثباته جدا عالي لليوم اللي بعدو ماشاء الله 

chanel nail polish le vernis

نجي لمناكير شانيل وهنا جاء وقت الصراحه 

صراحه صراحه كنت اشوف اللي يشترو مناكير من الهاي اند ماعندهم سالفه وطلعت انا اللي ماعندي سالفه 

يابنات المناكير ذا خلاني اكره كل المناكيرات اللي عندي ودي ارميهم وابدأ اجمع من جديد ههههههههه

ايش العذاب اللي كنت فيه انا 

خذي مناكير وحطي طبقه وطبقتين واشتري بخاخ ونشفيها وياليللل ماطولك 

ذا المناكير من اول طبقه خلصنا وفجاه ينشف 

والله يابنات مرتين حطيته لاول مره اظافري ماتتخدش فرحانه فيها كنت 

ما اقولكم الألوان غير ومو زي الرخيص ومدري ايش لااا لا عادي اللون عجبك تقدرين تجيبيه من الرخيص 

لكن جودته خلتني اعشقه لون متماسك وبسرعه ينشف 

معليش جربت كثيرررر ايسي سيفورا برجوا او بي اي كلللهم موووو زيه ابدا 

هذا سواتش للون اللي عندي وبأذن الله الكوليكشن بيكبر وبشتري الوان اساسيه ثانيه سعره 120 ريال 

والفازات من ايديا وحياة عينيا اللي بيشوف كيف عملتها يدخل 

DIY : Chanel Vase

وبسسسسسسسسسسس 

خلصنا هذه المنتجات كلها اشتريتها بفترات متباعده وكل مره أأجل الريفيو الين قررت انزل الشانيلات كلهم مع بعض 

ويالله سلاااام