lenoshop ♥ متجر لينو الكوري

أنيووووووووو ( سلااام ) 

اليوم بقط لكم كم كلمة كوريه على اساس اني فنونيه واعرف كلمات كوريه وكذا

اللي مايعرفها يفوت 
والأونيات ( الأخوات ) اللي يعرفوها لازم تردولي كومنت بالكوري اشوف الثقافات 

واللي ثقافتها فرنسيه برضو ترميلنا اي شي من عندها خلنا نتعلم شويه هههههههه

يمكن البوست الجاي يكون تركي ههههه عاد ما اقولكم قد ايش انا فنااااانه في التركي هههه

ندخل بموضوعنا اليووووووم واللي جد مستمتعه وانا اكتبه واصوره 

وهو منتجات وصلتني من  متجر كوري << عشق ♥

ملابس 

عناية 

ميك اب 

اشيااء منوعه 

كل شي كان جميل وكيوبتا << كيوت يعني خلاص تعبتوني  ؛)

المتجر هو 

http://www.lenoshop.com/

هذه الاشياء اللي طلبتها وبتكلم عنها بالتفصيل 

♥ ♥ ♥ ♥ 

أول شي حبيت اطلبه هو بخاخ زيت الأرقان للشعر
 ذي الايام الكل يتكلم عن فوائد الأرقان للشعر وهذا الماركه  بالذات سمعت عنها مدح كثير



فرحت لما شفتها بالموقع واتحمست للبخاخ اكثر شي لاني احب الأشياء الخفيفه للشعر
بس فيه منها سيروم وزيوت وامبولات ومعالج  كل شي .. تقدري تاخذي اللي يناسبك
طبعا كل اللي طلبته  بالبوست حجربه واكتب لكم رأيي عنه بالتفصيل 

♥ ♥ ♥ ♥ 

ثاني شي طلبته هو جل الصبار 

اللي حبيته فيه هو انه متعدد الأستخدامات 

تقدري تستخدميه مكان ماحبيتي للشعر للبشره للأظافر قبل الميك اب 

لترطيب اليد والرجل . اي شي 

هو جل شفاف 

لما تحطيه تحسيه بااارد وخفيف 

مره حبيت فكرته واحس اني بعشقه 

حتى سعره مره خورافي بالنسبه لحجمه الكبير 

وريحته حلوه ومنعشه .. منجد رهيب 

تلاقوه هنا ( اضغطو عالصوره ) 

♥ ♥ ♥ ♥ 

ثالث شي طلبته

هو بي بي كريم ايتود هاوس 

بقولكم شي دايم لما تجو تختارو بيبي ولا فاونديشن كوري 

حاولي تختارو الوان غامقه اغمق من المعروض بدرجه او درجتين 

لان الكوريين بشرتهم جدا فاتحه حتى تدرجاتهم ماتناسبنا كثير 

انا دايما اخذ الدرجات الغامقه منهم وتجي مناسبه عليا 

هنا في البيبي بي هذا اخذت درجه w24 تقريبا اغمق درجه معروضه والحمدلله جات نفس لوني بالزبط 

عاد تمنيت لو فيه اغمق بدرجه كان اخذته 

جربته مره وحده حسيته مره يرطب ويعطي لوك ديوي لامع شويه 

نشوف مع الميك اب كيف بيصير وبوافيكم بالأخبار ان شاء الله 

وهنا تلاقوه 

♥ ♥ ♥ ♥ 

طلبت هذا الروج كمان من ماركه clio

هذه اول مره اجرب ميك اب كوري بس متحمسه لان اللون مره جرئ 

هو رقم 2 لونه جاي فوشي على احمر مره حلو

ومن هنا تقدرو تشوفوالسعر و بقية الألوان 

♥ ♥ ♥ ♥ 

الشي الأخير هو الكواته بعينها هههههه 

اعواد الأكل الكوريه .. معدن مطبوع على اطرافها 

ومعاها زي الحافظه قماش حبيتها للنودلز واندومي اخر الليل هههههه 

فيه منها الوان واشكال 

تقدرو تشوفوها هنا 

http://www.lenoshop.com/collections/mixed/products/ch501

بالأخير ارسلولي هذه الهديه الكيوت فاصل للكتب 

على شكل الزي الرسمي لكوريا مره حبيته وفيه منه اشكال تلاقوها هنا 

http://www.lenoshop.com/collections/mixed/products/bm302#

♥ ♥ ♥ 

طيب اكلمكم عن التوصيل وطريقة الدفع بالمتجر 

اول شي انا من جده زي مانتو عارفين 

طلبت يوم الاحد 14 ديسمبر 

والطلب وصلني عن طريق فيديكس يوم الاربعاء 

يعني وصل في ثلاث ايام ويعتبر شي جيد جدا 

اللي عجبني اكثر في طريقة الطلب انو البيانات ماتحتاجي فيزا ولا بريد عشان تطلبي 

تحطي بياناتك الأسم والجوال والمدينه ( وتقدري تختاري الحي كمان ) عشان يوصلوها لأقرب فيديكس عندك 

♥ ♥ ♥ 

بالنسبه للدفع انا اي متجر اشوفه معتمد الدفع عن طريق الباي بال اعتبره مضمون ميه بالميه 

هنا عندك خيارات لطريقة الدفع 

اول شي تحويل بنكي 

او عن طريق الباي بال 

او تسليم يد بيد ومذكور انو فقط  لسكان الرياض وجده
وكمان تقدري تبدلي وترجعي << مو كثير يعملوها 

♥ ♥ ♥ 

حتى طريقة تغليف الباكج كانت جميله وتدل على الأهتمام 

البوكس مليان بابلز وشرايط ورقيه عشان المنتجات اللي طلبتيها مايجيها شي ان شاء الله 

♥ ♥ ♥ 

فيه كمان ماركات ومنتجات كثير معروفه 
زي هوليكا هوليكا وتوني مولي 
بيضة التفتيح والمسامات وكريم الطماطم والتفاح كل شي كوري مشهور بتلاقوه بالموقع 

♥ ♥ ♥ 

وبس هذا كل شي لو جربتو واحد من المنتجات اعطوني رأيكم 
وكمساميدا :)  ♥ ( شكرا )