Christian Louboutin nail polish مناكير كريستيان لوبوتين

كثير كثير تجيني أسالة عن مناكير لوبوتان 

كل الأجابات حتكون هنا أن شاء الله 

في البدايه بذكر نبذه صغيره لقصة روج لوبوتين ( الاحمر ) 

في عام 1993

كان كريستيان لوبوتين يصمم شوز بس كان حاس انو فيه شي ناقص 

بعدين شاف المساعده حقته ساره تصبغ أظافرها باللون الأحمر 

وهنا خطرت بباله فكره اخذ المناكير وصبغ أسفل الشوز بالمناكير الأحمر 

من هنا بدأت حكاية المناكير وقال 

"I am giving back to nails what the shoe took from the nails many years ago."

رح ارجع للمناكير الفضل اللي اخذته منها الأحذيه 

الكل استغرب من الشكل اللي طلع فيه كريستان 

ناس ماحبته 

وناس اعجبت فيه 

انا من الناس اللي جدا جدا جدا أنبهرت وحبيته و حسيته تحفه فنيه 

لما اشتريته كنت عارفه انو مناكير والسلام 

 انا اشتريته عشاني ابغاه  لاني حابه هذه التحفه الفنيه . شي مميز وحبيت يكون عندي فقط 

في البوست اليوم ما رح اقولكم مميز وعجيب ومارح تلاقو نفس الوانه في السوق 

تبغي اللون؟ .. فيه ماركات كثيرعندها نفس الالوان 

بذكر لكم اليوم ملاحظاتي عالمناكير 

أنواعها وسواتشات 

اسعاره واماكن وجوده 

فيه اربعه انواع لمناكيرات لوبوتين 

Rouge

روج لوبوتين ..  هو الأحمر الوحيد 

 Pops

بوبز اللي هيا الألوان الناريه الصارخه ( لون غطاها فضي )

 Nudes

نودز البيجيات والالوان اللحميه والترابيه ( لون غطاها ذهبي لولي فاتح ) 

 Noirs

الالوان الغامقه ولون غطاها ( رمادي )

louboutin rouge 

أول شي بتكلم عنه هو روج لوبوتين 

انا احب اسميه الملك ههههه لان بجد احسه ملك 

على فكره هو اطول من الباقيين وهو الوحيد اللي قزازته أومبري 

جايه متموجه مع الأسود 

جددددا جدااا انيق ايش المميز فيه 

درجة  اللون الأحمر هذه تناسب كل ألوان البشرات 

احمر احمر احمر صريح 

هنا صوره لكل البشرات وهما حاطينه وزي مانتو شايفين مناسب للكل 

وهنا سواتش من عندي 

طيب ايش لاحظت عالمناكير نفسه 

جودته ممتازه ( تقريبا أغلب المناكيرات الهاي اند تكون جودتها روعه ) 

 حاولي ماتحطيه بمكان فيه هواء 

لانو ينشف مرره مره بسرعه .. مايبين خطوط 

ويوضح من طبقتين .. فيه لمعه جدا راااااائعه 

نزل كمان نوع ثاني من الأحمر المختلف فيه الفرشه جايه على شكل مبوز 

عشان يساعدك تصبغي داخل الأظافر 

يعني ياكريستيان ) لاتسوقها علينا 

اذا حبيتي الحركه بأمكانك تشتري فرشه وتستخدمي نفس المناكير اللي عندك 

طيب نجي للمناكيرات الثانيه اللي اخذتها 

Alta perla

اللون هذا ثاني عشق عندي 

اسمه التا بيرلا Alta perla

من مجموعة النيود 

لونة جدا جدا عجيب 

لما تشوفيه تقولي زيتي 

مرات يصير جاي على رمادي 

ماعرف بس اللون مره حلو ومميز جدا 

وهذا سواتش له 

مره اعشقه ( قلوب ) 

ME NUDE

هذا اللون الثالث 

اسمه مي نيود me nude 

كمان من مجموعة النيود 

اللون مع الأضاءه طالع  فاتح مره بس هو اغمق تكه من الصوره 

لونه لحمي انيق 

وهنا سواتش له 

مره حبيته وحسيته عملي حق كل يوم 

 استفدت منهم وصارو حوامل الخواتم اليوميه  :)

نسيت اذكر عيبها الوحيد انها صعبه في التنقل
تعرفو مناكير شانيل لما تفكي الغطا تلاقي غطا ثاني جوه
اتمنيت لو كان فيه غطا صغيرأضافي
 يسهل عليك انك تاخذيها بالشنطه وماتاخذ مساحه 

طيب 

سعره 50 دولار 

اخذت اثنين من اوروبا تقريبا الواحد 230 ريال 

والاحمر من دبي 250 ريال تقريبا 

اماكن وجوده في بوتيكات لوبوتين 

سمعت انها مارح تتوفر عندنا :( 

موقع سيفورا يبيعوها كمان 

اذا كان لك اي احد مسافر تقدري توصيه 

لان صعب تطلبي اونلاين ماحد بيشحن لك مناكير 

الخلاصه 

اذا كنت حابتهم وناويه عليهم الله يعينك لانك بتدخلي في عشق جديد 

اتوقع الكوليشكن حقي يكبر ويكبر ويكبر هههههه لاني بجد حبيتهم وحتى جودتهم مره ممتازه

 مميزاتها تصعب عليك انك ترجعي للمناكيرات عاديه 

برأيي قبل ماتشتري اي لون لازم يكون عندك الملك الاحمر ( روج لوبوتين ) 

 لانه الملك هههههه وهو الأساس 

وبعدين ابدأي بدعي بالألوان