DIY : Black Rose أعمليها بنفسك - الوردة السوداء

اليوم الفكره غريبة شوية 

يمكن البعض تعجبه والبعض لا 

بس كنوع من التغيير في التصوير 

والخروج من المعتاد 

حبيت انزلكم هذا البوست 

الورد الأسود ( الجمال الحزين ) 

اكيد اغلبكم شافو بالفتره الاخيره الورد الأسود

انا اول ما شفته انبهرت فيه لاني من عشاق اللون الأسود

 حسبته بالبدايه فوتوشوب او ملعوب فيه  

وبحثت كثير بالموضوع 

وعرفت انه حقيقي واكتشفوه اول مره في فيتنام

ومتوفر بتركيا في قرية اسمها هالفتي لان فيها تربه خاصه يحتاجها هذا الورد 

وطبعا زي اي شي نادر > اسعاره مره غالية 

نرجع لموضوعنا 

لما عرفت انو نادر ومدري ايش ههههه قلت انا اسويه 

بس عشان اطحن الحبه اللي براسي 

فيه عندي ورود مخصصتها للتصوير مليت منها 

كل اللي بالصوره من ايكيا 

بخاخ اسود عادي 

البسي قلفز 

وبخبخي الين تتغطى كل الزوايا 

ترى والله  نظرتي مو سوداويه ولا شي هههههههه بس احب النادر والغريب 

اغلب الورد احمر ووردي وفوشي وكل الألوان 

حبيت اغير ودحين بتشوفو نتايج التصوير 

:) 

عارفه انو البوست مره سهل وممكن مايتسمى DIY

مجرد ورود بخيتها 

بس حسيت الكونسبت له معنى كبير وحلو 

اي شي بحياتك تشوفيه سلبي حاولي تشوفي الجمال فيه 

تقدري تغيري فكرتك عن اي شي سوداوي بحياتك 

ممكن البعض يقول ورد اسود !! يالطيف
لكنه مميز مختلف عن غيره ونادر وغالي
كل شي بالحياه له سلبيات وايجابيات حاولي تركزي عالآيجابيات
وتتناسي السلبيات 

قبل  ٣ أسابيع تقريبا فقدت أكاونتي بالأنستغرام 

اكاونت صارلي فيه سنتين بداياتي بالمدونه وبعض الذكريات 

صح زعلت عليه 

بس تعرفو أيش اللي غير فكرتي 

انتو 

شي يزعل ويقهر .. صح 

لكن شفت حبكم ليا ، شفت دعم البلوقرز وجمالهم ووقفتهم معايا

 مشاهدات المدونة زادت الدبل ، بنات كثير عرفوني بعد التهكير 

الحساب الثاني جوني البنات المتفاعلات فقط على قول وحده الله يسعدها قالت لي جوكي النخبه 

وهم اللي يهموني طبعا  

فرحت ، انبسطت ، منجد خيره 

 صرت اشوف هذه الآيجابيات واقول الحمدلله 

اتعلمت كثير من اللي مر عليا بالشهر اللي فات 

تعلمت انك لما تعملي خير 

بيجي يوم من الأيام ويرجع لك 

كنت اعمل دعم لبعض الأكاونتات المفيده 

ولما صار اللي صار 

 هما دعموني 

شفتو كيف الدنيا دواره 

لحد يتكبر ويشوف نفسه عالناس بيجي يوم ويحتاجهم ومايلقاهم