من يومين صورت لكم تغطية لمحل بوتيغا فيردي
صورته سناب وحبيت
انزل التغطيه في بوست هنا بالمدونة ويصير مرجع لكم ان شاء الله
ماركة بوتيغا فيردي هي ماركه ايطاليه معروفه عندهم بأوروبا
نقدر نقول بالشهر الأخير بدأو يفتحو فروعهم بالشرق الأوسط وحابين ان الناس فعلا تعرف ماركتهم
وتعرف ايش الأشياء المميزه والكويسه عندهم
بوتيغا فيردي تلاقوها في جدة في الردسي مول والأندلس مول
وفي الرياض في السلام مول
عندهم شغلات كثير
مجموعات جسم ، منتجات علاجية ، ميك اب ، فيه منتجات رجاليه كمان
اللي يميزهم ان المنتجات نباتيه وعضوية
تقولنا ان المنتجات تعطيرها مو قوي نفس بقية الماركات لأنها نباتيه فتكون اخف وأفضل للجسم
بالذات للناس اللي بشرتهم حساسه
تناسبهم هذه الشغلات
طبعا انا ماعندي وقت ههههه
سألتها اعطينا ايش المنتجات المشهوره انها كويسه عندكم والأفضل مبيعا
قالت لنا هذه المجموعة تبع الجسم بالعنب الأحمر من أشهر المجموعات
عندهم عطور في البدايه شميت الصغار حسيتها عاديه لكن لفتتني علبتين
هذول الجميلات الحمراء والورديه
ريحتهم يابنات فظييييييعه
باذن الله برجع اخذ الوردي
نظااافه وانوثه ريحه بارده و رااايقه
هذا الميك اب حقهم
صراحه ماجربت شي على يدي
بس ارجع واقول اللي بشراتهم تتحسس حطوها ببالكم وروحو شوفوها يمكن تلاقو شي يناسبكم
القسم اللي فعلا ارتحت له وحسيت انه فعلا ممتاز
هو قسم المنتجات العلاجية
عندهم اهتمام بكل مشكله
كولاجين ، شد الوجه ، الحبوب ، التصبغات ، منتجات الحماية من الشمس
تونرات ،سيرومات
بصراحه كل شي كان يحمس
الأفتتاح كان فعلا جميل ومفيد بنفس الوقت
كانو عاملين جلسات تعليمية وفعلا اتمنيتكم تحضرو وان شاء الله اللي حضرو استفادو زيي
ومشكورين اعطونا شغلات من المحل نجربها ونقولكم رأينا فيها
مجموعة العنب الأحمر
وكريم للوجه هو اخر اختراع لبوتيغا فيردي
تقولنا انه داااايم سولد اوت
مميزاته مره تحمس يعالج البشره من التصبغات والمسامات ويشدها ويعطيها نضاره ويخفي التجاعيد
انا ماقدرت اصبر اصلا اول مارجعت البيت حطيته على وجهي
وأن شاء الله اشوف نتايج زي مابيقول المنتج
واكيد طبعا بعطيكم الأبديت وايش رأيي فيه
واحبكم :)
شركة تنظيف شقق بجدة
ReplyDeleteاليكم الآن افضل خدمات واسعار شركة المنزل افضل شركة تنظيف شقق بجدة كما انها شركة متخصصة فى تنظيف مجالس بجدة حيث تقدم لكم الخدمتين بأرخص الاسعار بالاضافة الى خدمات تنظيف اخرى كـ تنظيف مفروشات بجدة, تنظيف فلل بجدة, تنظيف منازل بجدة
شركة تنظيف مجالس بجدة
http://elmnzel.com/%D8%AE%D8%AF%D9%85%D8%A7%D8%AA-%D8%A7%D9%84%D8%AA%D9%86%D8%B8%D9%8A%D9%81/cleaning-jeddah/
مرحبا
ReplyDeleteلو سمحتي احتاج اعرف عنوان المحل فالرياض ضرووووري
gümüldür transfer
ReplyDeletebalıklıova transfer
dikili transfer
özdere transfer
seferihisar transfer
GJWSV