Siran Restaurant مطعم دارة سيران -جدة

مرحبا بنات 

ونحن جالسين بالمطعم جاتني فكره اني اسوي قسم خاص بالFood

يعني

 تقارير للمطاعم اللي اروحها

او طبخي بالوصفات 

او خفايف وقراقيش 

اي شي يخطر ببالي من الاكل 

حنبدا اليوم

بمطعم دارة سيران 

هو اكل لبناني ارماني 

يمكن قبل سنتين رحناه وحبيناه بس ماعرف ليش نسيناه وماعاد رجعناله 

الاسبوع اللي فات ماكنا قدامنا غيره توكلنا على الله ودخلنا 

طيب

تقييمي
الفتوش مررررره لزيز حبيته مره
البطاطا الحاره فرش ولزيزه مره
المشويات رهيبه بس الكميه قليله حق نفر واحد فقط واطعم شي كان فيها هو الكباب الخشخاش
الششبرك طعمه قريب من الاسكندر التركي ماحسيت بطعم المفرمه المحشيه لانها مره نتفه بس الطعم مو بشع عادي نوعا ما
ونحن خارجين اخدنا عيش السرايا ماحبيته
عصير الحبحب منننعش ورهيب بالدات في الصيف هدا
الخدمه 10 -10
الويتر مره خدوم ومحترم ماكان يقرب من الطاوله
يستأدن من بعيد عشان اغطي وجهي
المكان 9-10
بسيط بس مريح والالوان عامله جو للمكان
الجلسات 8-10
مره مريحه وحلوه بس مافيه بارتشن
السعر 7-10
سلطه ومقبلات وطبقين رئيسيه وعصير حبحب ب200 ريال مرتفع نوعا ما

وبس
بلغوني لو حبيتو او ماحبيتو الفكره
بانتظار تعليقاتكم

اشوفكم في البوست الجاي ان شاء الله 

colorful girl