how to clean your makeup brushes طريقة تنظيف فرش المكياج

سلاااااام بنات كيفكم اخبارك يارب كلكم بخير ونعمه 

المهم  حبيباتي قبل امس قررت اني اغسل فرش الميك اب

انا اغسلها كل شهر او شهرين تقريبا لانو خرجاتي مو كثير بس لو كنتي تخرجي يوميا موظفه او طالبه جامعيه 

ضروري تغسليها على الاقل كل اسبوعين مره 

يابنات ترى مره مو كويس انكم ماتغسلوها ترى الفرش ممكن تجيب لك مشاكل انت في غنى عنها 

حساسيه ومشاكل بالبشره ممكن يكون سببها باكتيريا وجراثيم موجوده بالفرش وانت مو داريه 

كل اللي تحتاجيه هو شامبو جونسون للاطفال

 لانه خفيف على الفرش ومايعدمها أن شاء الله 

نبدأ شغلنا 

هده فرشه الكونتور 

شايفين لونها كيف 

ههههههه اكيد مو وساخه هدا لون البرونز باودر 

اول شي تحطي شويه من الشامبو على يدك وتخففيها بشويه مويا زي كدا 

وتمسكي الفرشه وتخلي يدك عامويه وتفركي الفرشه ببشويش بطريقة دائريه 

لما تحسيها نظفت تغسليها بهده الطريقه 

أكبر غلط ممكن تسويه وراح يعدم فرشتك انك تمسكيها كدا 

المويا حتدخل جوه و ماتنشف بسهوله وتطيح شعر الفرشه 

انتبهو خلو يدكم عاموديه وراس الفرشه لتحت 

بعدين تنشفيها وترتبيها وتحطيها على منشفه جنبك 

ونسوي نفس الخطوات بالفرش كلها كبيره وصغيره 

كدا خلصنا كل الفرش مع البيوتي بليندر 

البيوتي بليندر نفس الطريقه تخليها تتعبا مويا وصابون مخفف وتقعدي تضغطيها كدا مره وتنظفيها كويس 

دحين مرحلة التنشيف 

ادا كنتي لسه محتفظه بالبلاستيك حق الفرش الافضل انك تحطيه عشان الفرشه تنشف وهي محافظه على شكلها 

في الاخير ترصي الفرش اللي غسلتيها على منشفه وتخلي راسها يشم الهواء هههههه زي كدا 

الصغار ساعه ساعتين وتكون ناشفه الكبار تاخد يوم كامل 

والبيوتي بليندر تخليها واقفه على راسها فوق اي شي عندك زي كدا 

وبسسسس خلاص نظفت الفرش وريحتها صايره عجيبه 

ودي ابخرها هههههه وه ياناس

 ترى انا في حالة عشق مع فرشي احبهم واعزهم 

وهدا فيديو للي مافهمت من شرحي 

انا متابعه دي البنوته ومنها اتعلمت غسيل الفرش 

هناااااا

بس كدا خلصت واشوفكم بالبوست الجاي 

colorful girl