Thatsheart palette review ذاتس هارت باليت

سلاااااااام 

كيفكم علومكم يارب بخير 

بوست اليوم ريفيو عن باليت

Thatsheart

اللي مايعرفها هي يوتيوبرز مشهوووووره اصلها فلبيني بس امريكيه أظن 

تعالو نتكلم عن الباكجينغ والالوان والسواتشات 

سعرها وفين تلاقوها 

ورأيي فيها 

أول شي الباليت كان بالتعاون مع شركة 

bh cosmetics

طبعا الشركه معروفه في مجال الميك اب وخصوصا انو اسعارها رخيصه وجودتها حلوه 

بالفتره هذه تعاونو مع هارت من Thatsheart

وجودي من its judy time

طبعا البنتين حبوبات بشكل ماتتصورو وانا متابعهم من زمان 

بسسس

ليش اخترت باليت هارت 

وماخذت باليت جودي ؟؟؟

جودي مع اني احبهاااااا بس الباليت تبعها الوانه ناتشورال طبيعيه برونزيات وذهبيات بالنسبه لي نيكيد كافي 

هارت ابدعت في الباكجينغ والاختيارات 

الشكل كيوووووووت وبناتي جدا يعني غصب كل بنت تبغى تشتريه 

 ♥ ♥ ♥

من مميزات 

Thatsheart Palette

انو فيه الوان جريئه بأول صف 

والوان عمليه ناتشورال  بثاني صف 

وكمان بلاشر وكونتور وهايلايت ومرايه كيييييوت لابعد حد 

سواتش الصف الأول

سواتش الصف الثاني

سواتش للبرونز والهايلايتر والبلاشر 

نتكلم على جودته 

جودة الأيشادوز متوسطه 

انتو دحين شايفين السواتشات واضحه جدا وبنفس الألوان اللي في الباليت 

بس ماطلع لي كذا من اول مره 

لا بعد ما عدت عليه كذا مره وصل اللون 

يعني الايشادوز خفيفه شوي ممكن بالبرايمر يطلع معاك اللون بسرعه 

ويثبت اكثر 

يعني انصحك تستنخدمي معاها برايمر عشان تكون النتيجه بيرفكت

الكونتور 

مررررره حبيته واضح من اول ماتحطيه مات طبعا مافيه شيمر ولا شي لامع 

اللون مناسبني 

الأضاءه حلوه لون صدفي فاتح 

البلاشر برأيي لو حطت بداله لون اغمق حبيتين حيكون مناسب وعملي للجميع بس مايمنع انو البلاشر 

واضح وثابت بس تكفيك منه مسحه صغيره لانو مرررره بينك ☺ 

سعره تقريبا 15 دولار يعني 57 ريال 

سعره جداااا رائع 

الزبده الباليت لو عاجبك يستاهل تشتريه   ♥  ♥

لانو جامع كذا برودكت والوان عمليه وجريئه وسعر رخيص 

فين تلاقوه 

في موقع 

http://www.bhcosmetics.com/

الموقع يقبل فيزتنا وبصراحه حبيتهم لسرعة الشحن يعني اشتريت الباليت 

بعد ثلاث او اربع ايام قيده وصل لبريدي اللي في امريكا 

خلصت يارب يكون البوست عجبكم وأستفدتو منه لو شويه 

لو حبيتوه بليز لاتبخلو عليا بالكومنتس والمشاركه على تويتر والفيس بوك وقوقل بلس 

أشوفكم في البوست الجاي بأذن الله 

khlood