Haul : lati fashion boutique + surprise مشترياتي من بوتيك لاتي فاشن

بوست اليوم غييير 

كثير يطلبو مني اتكلم عن فساتين الأفراح 

بصراحه هو موضوع جدا جدا مهم نتكلم فيه 

بالذات أنو الفاشن تغير .. والبنات تفكيرهم أتغير 

يعني حكاية اروح اجيب قطعه شك وأفصلها مره لا ماصارت تنفع 

دحين كلو صار شغل بوتيكات 

شغل بسيط , راقي , كلاس , الموديل نفسه هو المهم 

لو لون واحد ولو قماش ساده 

بعض البوتيكات هي اللي تستاهل الواحد يدفع فيها 

مووو كلها انتبهو مو معناته بوتيك يعني اروح ادفع في الفستان 4 و5 الاف 

في جده فيه بوتيكات بمولات كبيره صراحه ماتحمس الواحد يشتري لان القطع للبوتيك من تصميمهم يعني شغل محلي 

وبالأخير تصفقك بالسعر تقولي بس ذي مصممه عالميه .. تمام نحن ندعم الشغل المحلي بس هدي حبيبتي بالأسعار وبأذن الله لو انشهرتي ووصلتي للعالميه اعملي اللي تبغيه لاتبدأي بقوه محد بيجيك ..!!! >> رساله لبعض المصممات السعوديات 

طيب هذه الأسعار مو اروح ادفعها في فستان مصمم عالمي احسن ..؟؟ 

اليوم بدلكم على بوتيك شامل فساتين وملابس أنيقه بس كلو من ماركات ومصممين عالميين
وفيه مشاهير بيلبسو من هذول المصممين

بوتيك لاتي فاشن 

lati fashion boutique

www.lati-fashion.com

أتوقع كثير منكم يعرفه لأنه أوردي موجود بالرياض 

لكن اللي ممكن انكم ماتعرفوه هو موقعهم الجديد واللي يوصل لجميييع المناطق 

( اضغطو عالصوره عشان توديكم عالموقع ) 

الموقع فيه مميزات ماتلاقيها بمواقع كثير 

أحلى شي انك تحسي انو فيه احد معاك يساعدك وأنتي بتشتري 

زي لما تروحي البوتيك وتكون معاك مساعده تقولك ايش المناسب لك وايش نوع جسمك وكذا 

نفس الشي موجود بالموقع 

اول ماتدخلي يطرحو عليك 3 اسئله يبغو يفهموكي اكثر ويقترحو عليك الفساتين اللي تناسب مودك 

بعد ماتجاوبي عالأسئله يعطوك رأيهم بشخصيتك مثلا زي مانشوف تحت 

انت فاتنه :) شكرا ♥

وكمان يحطولك اقتراحات لفساتين تناسب شخصيتك
حبيت الحركه هذه مرره ♥

على جنب تقدري تشوفي كل المصممين اللي كوليكشناتهم متوفره بالبوتيك 

مثلا اخترنا ارام ديزاينر 

عاليمين  بتشوفي كل المميزات عن ارام ديزاينر 

سواء كان اكمام طويله او قصيره 

الألوان 

الأسعار تترواح من كم لكم 

كل التفاصيل 

من مميزات الموقع كمان 

لما تختاري قطعه حتلاقي خانه اسمها( ملاحظات لاتي )

نصايح بسيطه كيف تقدري تنسقي هذه القطعه . وهذا الشي بيساعدك مره كثير 

وصلنا للمقاسات الرعب الأكبر للشوبينق أونلاين 

بوتيك لاتي منتبهين لهذه النقطه انو المقاسات حتختلف من براند للثاني 

عملولك جدول شوفيه بالصوره اللي فوق 

موضحيين كل براند تاخذي منه نفس مقاسك . ولا أكبر . ولا أصغر .. 

بالأضافه لجدول القياسات المعتاد 

وكمان دليل لأشكال الأجسام المختلفه 

هذه الميزه كمان حلوه بالموقع 

اوقات تكوني عارفه أيش القماش اللي تبغيه 

تول ولا تفته ولا حرير ولا دانتيل 

الموقع موفر هذه الخاصيه ماعليك الا تعملي بحث بالكلمه اللي تبغيها وبتطلع لك كل النتايج 

أخر لفته مره عجبتني هو لما تشتري شي من الموقع 

هما بيتبرعو ب10 ريال من قيمة مشترياتك لقضيه معينه أنتي تختاريها 

تدعمي التعليم 

او اصلاح واعادة تأهيل للسعوديات 

او حملات توعية 

طيب دحين أكيد ودكم تشوفو مشترياتي من الموقع وأيش نسقت معاها وفين ممكن ألبسها

:) :) :) 

أول شي وصلني الباكج مررره مرتب وتفاصيله حلوه كأني جد رحت عالبوتيك بنفسي
جد كان الأهتمام بالقطع نفس أهتمام الهاي أند براندز
البوكس الكبير كان مغلف بكيس كبير

لما فتحته كل قطعه كانت مغلفه بورق جميل وكلهم مربوطين بشريطه

طيب نبدأ بطلبي 

أول شي حبييييييته هو هذا التوب من ماريا لوسيا هوهان

MARIA LUCIA HOHAN

التوب تفاصيله جميله جمال مو طبيعي واللون الابيض معطي الموديل حقه
طبعا بصراحه من الصور واضحه كيف الخامه صح ولا .؟
ممتازه
التوب جاي كأنه قصة بيبلوم بس بطريقه مختلفه فيها رافلز من قدام ومن الخلف جاي أطول

هنا من الخلف
حلاوة هذا التوب انو يتلبس بطريقيتين
انا بالنسبه لي احب البس كذا بالأفراح ماحب الفساتين التقلديه
نسقت معاه لفرح تنوره قصيره ممكن تكون ساده وممكن تكون مطرزه

من فوق كمان مره مايحتاج شي لا عقد كبير ولا شي
وانا ممكن اني البسه بدون اي عقد
بس اذا حبيتي ممكن يكون شي بسيط زي هذا العقد

وهذه صوره اوضح للتنوره
وطبعا تقدري تلبسي تحت التنوره اي شي ساتر
وكمان تقدري تنسيقيها بتنوره طويله

التنسيق الثاني للتوب

التنسيق الثاني اذا جاتك مناسبه كبير
ممكن تلبسيه مع بنطلون سكيني وحتكوني بيرفكت
التوب لحاله موديل مايحتاج اي شي مبالغ فيه من تحت

وهنا صوره لكيندل جينر ( أخت كيم كارداشيان ) لابسته :) 

ثاني قطعه اخذتها هي هذه التنوره الأنيقه من ارم ديزاينر 

ARAM DESIGNS

حبيت تشوفوها أول بدون تنسيق وتتخيلو ايش ممكن تنسقو معاها 

التنوره تول -هاي ويست - ميدي
بس الميدي الطويل اللي يوصل لكعب رجلك بس يبين الشوز وأنتو بكرامه
فيه الوان ثانيه بالموقع أقصر من هذا الطول
بس هذا لونه خرفني صراحه
لونه أوف وايت مع وردي رايق وفاتح
تفصيل التنوره مره مرتب 

وايش افضل شي ممكن نحطه مع الهاي ويست غير الكروب توب
اخترت كروب توب اوف وايت فيه شويه شغل بالجبير عشان يعطيني حركه للتنسيق
وستيتمنت ورود  بينك وممكن تحطي ستيتمن تركواز رايق احسه بيطلع حلو
 حسيت التنسيق مره راااايق ومناسب لفرح ومناسبه كبيره
الشوز تقدري تنسيقي معاه شوز نيود لحمي

والقطعه الأخيره هو توب دانتيل انننيق جدا من دسي كوليكشن 

DESSY COLLECTION

تعرفو اوقات تفكرو بتنسيق ويطلع غريب بس حلو وملفت 

اول ماشفته على طول نسقته براسي مع فستان مخطط طويل 

خامة الدانتيل مره ممتازه وكمان يجي مع كل شي ممكن تتخيليه 

ممكن يجي مع تنوره هاي ويست 

ممكن مع فستانن ساده 

ممكن مع بنطلون 

اي شي يجي معاه 

الدانتيل لحاله كفيل انو يخلي التنسيق أنيق

من الخلف فيه سحاب ذهبي ظاهر
حبيته

وهذ التنسيق كامل ومناسب لمناسبه كبيره أو عيد

وبس هذه تنسيقاتي أن شاء الله تكون عجبتكم 

والمفاجاه الاخيره هي 

١٠٪ خصم (إجمالي) على أي قطعة تختارونها من الموقع فقط 

رمز الخصم: khloodnista10

www.lati-fashion.com

الخصم ماشي الى اخر ديسمبر لا تفوتو الفرصه 
وكمان
 نزل كوليكشن جديد عالموقع فيه اشياء كثير حلووه