من فتره مانزلت بوست ريفيو لمطعم
لان أغلب مطاعم جده بدون بارتشن ومره صعب تصوري
انتي تصوري الطبق والناس يحسبو تصوريهم هههههه ( مره يعني )
ماقدرت افوت بوست لهذا المطعم الجميل :) واخذت لي كم لقطه اشارككم فيها
مطعم بلو اوشن في فقيه اكواريوم
فيه جلسات خارجيه وجلسات داخليه
مافيه بارتشن
اسعاره متوسطه
المنيو منوع بحري ايطالي برغرات ستيكات كلو موجود
أول مادخلنا كانت الساعه ٤ ونص تقريبا
اختي تقولي قبل الساعه ٤ يكون بوفيه مفتوح
وبعد ٤ طلبات
المهم قالنا داخلي ولا خارجي طبعا قلنا خارجي لاني جايه عشان الجلسات الجميله اللي عالبحر
قالنا تنتظرو ساعه ونص ؟؟؟ :(
قلنا طيب :( وكلي خوف اني اتحسف عالوقت اللي بيروح بالأنتظار
جلسنا في مكان الأنتظار وبناتي مبسوطين عند حوض السمك
مره طولنا مره مره مررررره طولنا لين بدأت اعصب
ومنجد بعد ساعه ونص لقينا طاوله
مايستفاد ( انو المطعم مره زحمه ترى ) :(
ونحن رايحين للجسات الخارجيه
لفتني المطبخ مفتوح وقزيت كم قزه كذا اشوف لابسين قلفزات ولا لا
هههههه ابشركم كلهم لابسين والشغل شكلو نظيف ميه ميه
حبيت المكان حسيته شرح
منعش
نادرا ماتكون فيه مطاعم تحسي فيها بالراحه
وهذه الجلسات الخورافيه عالبحر
حسيت الآنتظار كان لصالحنا لما جلسنا لقينا الشمس هاديه
وبارده وفيه هواء لطيف
اتوقع لو دخلنا قبل كان انصقعنا حر
لما تجلسي تعرفي انك بتكي
( تكي > تكوه > تكاية > الجلوس طويلا لغير الناطقين بالحجازية )
يعني جلسه جلسه
مو زي جلسة المطاعم
عشان كذا اتاخرنا ساعه ونص . كل الناس اللي بره متكين لهم ساعات
والله ومنظر البحر يخليك متنحه مره مره حبيت المكان والجلسات
اعطيها ١٠ من ١٠
جا الويتر
وطلبنا
خلصنا طلب سالناه متى يخلص الآكل
قال ١٥ دقيقه
قلنا فقشها علينا
ولا منجد بعد ١٥ دقيقه جا الاكل مره مره ماطول
أول طلب كان فيليه سمك ماتذكر لا الاسم ولا السعر
بس مو لزيز صراحه
فيتوتشيني كاجون لانغويني
سعرها اعتقد ٦٠ الى ٧٠ ريال << مدري
مررررره لزيزه حبيتها ولازم تجربوها
مشكلها مره دهنيه
باخر الصحن كان فيه زيوت عجيبه
برغر ميني ميز mini me's
سعره ٤٥ ريال
هذا الشي مرررررره انصحكم فيه
حبيته خفيف ظريف ولزيز وطري
سلطة باربكيو صوص بالدجاج
سعرها اعتقد ٤٥ ريال
عاديه
وانا ديني ودين اللي يحطلي سلطه ويوزع كل نوع خضار بجنب
ياخي اسمها سلطه خربطها شويه قبل ماتجيبها
بلو اوشن
سعره ١٩ ريال
هذا الكوكتيل علامة الجوده بالمحل
اذا رحتي وماطلبتيه مايعتبر انك جيتي هههههه
امزح
بس منجد مره لزيز اطلبوه
طبعا خلصنا وتكينا وعالمغرب ، طلبت امريكانو
ليتني ماطلبته هههه نسكافه ومويا
المكان تحفه
الخدمه كويسه
الآكل فيه اشياء لزيزه وفيه اشياء ماتتأكل يعني اقري قبل ماتروحي ايش اكثر شي يمدحوه الناس
الاسعار تستاهل
كمية الأكل ممتازه
برأيي المطعم يستاهل الزياره
واكيد اكيد ان شاء الله اروح له ثاني ( مع اني سمعت انهم بيقفلو مشاريع فقيه
:( قلبي معاه والله
أفضل اماكن سياحيه بتتقفل ( الشلال ، فقيه اكواريوم ، منتجعات موفنبيك ، الودعه )
قهر
المهم الحقوه قبل مايقفل
واحس حيكون يوم جميل لكم ولأطفالكم اذا وديتوهم الآكواريوم بالبدايه بعدين رحتو تكيتو في بلو اوشن
يوم جميل ولطيف
كثرت كلام كأن المطعم حقي هههههه
يبغالي نسبه والله
يالله باي
اشوفكم بالبوست الجاي إن شاء الله
:)
كلامك يحمس اروح له ، بس خساره ليش يقفلونهاا عاد احلى شي تقريباً 💔
ReplyDeleteمره شي يقهر :( ان شاء الله يعوضونا بشي افضل
Deleteليا فترة ابغى اروحه وفرحت مرة لمن عملتي بوست عنه بس بالنسبة للاسعار الصراحة حسيت الميني برقر غالي شوي على كم حبة صغيرة لكن غيرو حسيت الاسعار زي اي مطعم عندو حاجات كويسة
ReplyDeleteالميني برجر صح صغيره بس اعتبرها وجبه لو اكلتيها الاربعه كأنك اكلتي برغر حجم كبير :)
Deleteالآن مع موقع دليلك المتميز سوف تقدم لكم أفضل عروض خصومات بجميع أنحاء المحافظات في مجال تجهيزات مطاعم و التي تقدمها لكم أكبر شركة تجهيزات في مصر حيث تقدم أيضاً خصومات علي معدات المطاعم.
ReplyDeleteللتواصل معنا عن طريق موقعنا :-
http://www.hotel-restaurant-eg.com/
https://bayanlarsitesi.com/
ReplyDeleteŞirinevler
Kurtköy
Moda
Kavacık
TW2WV
D3D28
ReplyDeleteArtvin Evden Eve Nakliyat
Bayburt Lojistik
Ardahan Parça Eşya Taşıma
Giresun Lojistik
Kırıkkale Parça Eşya Taşıma
C3D54
ReplyDeleteBingöl Evden Eve Nakliyat
Ünye Fayans Ustası
Manisa Parça Eşya Taşıma
Batman Lojistik
Paribu Güvenilir mi
Eryaman Alkollü Mekanlar
Afyon Evden Eve Nakliyat
Tunceli Lojistik
Coin Nedir
73012
ReplyDeleteadıyaman canlı ücretsiz sohbet
karabük bedava sohbet uygulamaları
Niğde Sesli Sohbet Siteleri
Hatay Ücretsiz Görüntülü Sohbet
Bolu Parasız Görüntülü Sohbet
Aksaray Canlı Sohbet Siteleri
zonguldak görüntülü canlı sohbet
kırıkkale görüntülü sohbet sitesi
antep kadınlarla sohbet
ED684
ReplyDeleteBinance Referans Kodu
Kripto Para Madenciliği Siteleri
Tiktok Beğeni Satın Al
Lunc Coin Hangi Borsada
Coin Nasıl Üretilir
Alya Coin Hangi Borsada
Snapchat Takipçi Hilesi
Alyattes Coin Hangi Borsada
Madencilik Nedir