كيف تطلبي اونلاين ومن المواقع الأجنبيه
اوك بنات
زي مو شايفين صار الطلب من النت ومن المواقع الاجنبيه ضروري مره
فيه اشياء كثير ودنا فيها بس يا يكون سعرها مبالغ فيه عندنا أو مو موجوده
انا بادن الله بعلمكم انا ايش سويت بالزبط وكيف فتحت لي بريد في امريكا وبريطانيا والصين وتركيا والامارات
لانو حتى لو عندك بريد في السعوديه مو كل المواقع تنشحن لنا هنا
الفكره ايش
انك تفكي على الموقع اللي بتشتري منه مثلا نقول ماك
وتطلبي طلبك
الموقع حيوصلها لبريدك الموجود عندهم
بعد كدا انتي تتحكمي متى يجيكي الطلب ادا مستعجله ادفعي حق الشحن ويشحنوه لك
او تخليه بالبريد وتجمعي فوقه اشياء ثانيه وتشحنيهم كلهم مع بعض
نبدأ بسم الله خطوه خطوه
الأشياء اللي تحتاجيه
* بطاقة هويه
* كريدت كارد ( فيزا )
( ممكن لو ماعندك كريدت كارد وعندك حساب في الراجحي تطلبي من عندهم فيزا تسوق
حلوه لنا يالبنات بدون رسوم وتشحنيها من مباشر الافراد بالنت )
وبس
خلاص وفرتي دي الاشياء
يالله افتحي موقع ارامكس
سجلي فيه
بنات البيانات لازم تكون صحيحه مليون في الميه
ماينفع تحطي القاب وحركات المنتديات خخخخ
تحطي الاسم والرقم الايميل ووصف البيت مزبوط كل شي يكون صح
ولاتخافو المعلومات كلها سررريه
بعد ماتخلصي من موقع ارامكس تفكي موقع
وهو تابع لارامكس
وتسجلي دخول بالحساب اللي سويتيه في ارامكس
تمام كدا
لما تسجلي دخول حيطلب منك الهويه تقدري تصوري هويتك بالسكنر وتحمليها
نحن صورنا الهويه صوره عاديه بالجوال ومشي الحال
بعد ماتخلصي حيطلب مبلغ 45 دولار
في حدود 170 ريال
وقتها حتدلي رقم الفيزا وهما يسحبو الفلوس منها
بنات ادا بتعرفي كيف تحولي الدولار بالريال عشان تكوني ماشيه عالميزانيه خخخخخ
اضربي سعر الدولار في 3.8
يعني 45 *3.8 الناتج اللي بيطلع بيكون السعر بالريال السعودي
وبس حيقولولك يومين ويعطوكي ارقام البريد في كل بلد
لما تجي تشتري من موقع في امريكا تعطيهم البريد الامريكي
ولما موقع بالصين تعطيهم البريد الصيني ... الخ
طيب نجي للتفاصيل التانيه
لما يوصل طلبك على البريد حقك بيرسلولك رساله انو عندك شحنه جاهزه
وحيقولو لك وزنها وكم سعر الشحن حقها يعني بيدوكي التفاصيل كلها
اوقات
لما تكوني طالبه شوز مثلا تقدري تقوليلهم بدون الكرتون هدا الشي ينقصلك من وزن الشحنه حقتك
يعني في الاخير هو كرتون وحيترمي صح ولا لا
حاولي تزبطي وضعك وتشوفي اللي يناسبك
وبسسسسسس يارب تكونو استفدتو من البوست
اشوفكم في البوست الجاي
colorful girl
سمعت انه خدمة MyUS افضل من Shop and Ship انت شو رأيك ؟
ReplyDeleteللاسف ماعندي خلفيه عنهم
Deleteماشاءالله عليكس شرح وافي
ReplyDeleteماشاءالله شرح وافي
ReplyDeleteالله يديك العافية كنت محتاجة بوست عن دا الموضوع و ماقصرتي
ReplyDelete👍
الله يديك العافية حبيبتي
ReplyDeleteكنت محتاجة بوست عن دا الموضوع و ماقصرتي 👍
مرررره جميل البوست أنا كنت أعتمد على أخوي وبعض الأحيان أبوي
ReplyDeleteبس من اليوم ورايح بدبر أموري
مررره شكراً
اول موضوع يتكلم عن كيف نسوي فيزا وبريد خارجي انا من زمان ادور شروحاات ولا حصلت لكن موضوعك جدا مميز وجميييل لاخر درجه
ReplyDeleteالله يسعدك ويوفقك ..
حفظ في المفضله *-*
شرح مرره حلو وكنت محتاجته طيب ممكن الخطوه اللي تكون بعد كذا اللي هيا الطلب من المواقع وكيف اسجل عندهم وكيف احط الارقام وهيك اشياء ومره شكرا ياعسل
ReplyDeleteمرة حلو البوست بس ممكن اعرف مثلا الشحن بحدود كم يكون
ReplyDeleteموضوع رائع جزاك الله خير , سؤال : بيرسولولي على ايش أنو في شحنة ؟ يعني الايميل و لا جوالي ؟
ReplyDeleteالايميل
Deleteعندي سؤال لما افتح حساب بارامكس اكتب في اختيار المدينه السعوديه نفس مكاني ولا اكتب
ReplyDeleteusa المكان اللي ابغى فيه بريد
لازم تختاري المكان اللي مه بطاقتك حق الفيزا .. يعني السعوديه
Deleteيعطيج العافيه ....
ReplyDeleteصج الطلب من النت من المواقع الاجنيه احسه صار ادمان
^^
يعطيكي العافية حبيبتي
ReplyDeleteجميل جدا البوست
ReplyDeleteيسعدك الهي
جميل البوست يعطيكِ العافية انا عندي حساب في ارامكس بس في مواقع تشحن مباشره للسعودية يعني مااحتاج استخدمه ولا كيف
ReplyDeleteموقع ارامكس بتدفعين 170 ريال بداية وخلاص؟ ولا بتدفعين سنوياً رسوم اشتراك أو شي من هالكلام؟
ReplyDeleteطيب طلبت وصار بالبريد الامريكي كيف يجي للسعودية بياخذ وقت طويل صح ؟
ReplyDelete