hi girrrrrls
كيفكم وكيف استعدادكم للمدارس
كلو تمام ؟؟
حتكلم معاكم عن سته نقاط مهمه في استعداداتك
نفسيتك
مشترياتك
عنايتك
مكياجك
اغراض شنطتك
وشعرك
حتكلم معاكم عن سته نقاط مهمه في استعداداتك
نفسيتك
مشترياتك
عنايتك
مكياجك
اغراض شنطتك
وشعرك
المدارس والحر والشمس ممكن تاثر على بشرتك
او نفسيتك
اول شي نتكلم على الصداقات
اذا كنتي دوبك جديده عالجامعه او المدرسه
اول شي بتكوني خايفه منه كيف اكون صداقه اهم شي
خليكم بشوشين دااايما انتبهو تصيرو من النوع المعصب او المتكبر اوالمتذمر
هذه الثلاث اشياء ممكن تدمرك ومحد بيقرب منك او بيطلب صداقتك
ثانيا
خليكم متعاونات ساعدي غيرك دايم اعرضي مساعدتك
حتكوني قريبه من القلب ودايم المتعاونات هم اللي يكونو صداقات اكثر
اي شي تحبيه لنفسك حبيه لغيرك
بس خلي لك شخصيتك
لان بعض البنات الله يهديهم يصيرو استغلاليات
افتكر انا وصاحبتي في الكليه كنا نساعد البنات بس صديقتي بداو يستغلوها وماتقدر تقول لا وربي الين الاختبارات النهائيه وهي كانت تساعدهم وترسم لهم وتسيب شغلها
اللي بوصل له
ساعدي غيرك لكن لاتعملي شغلها لاتحلي واجبها او عملها
علميها الطريقه وخليها هي تنفذ
كل يوم من الصباح الواحد يكون محبط شوي وماله نفس يقوم وماله نفس يرفع راسه من المخده
كل يوم حطي لك هدف واسعي بكل طاقتك انك تنفذيه
دلعي نفسك
قومي بدري اعملي فطورك بطريقه انتي تحبيها
اشربي كوفي سوي لك جو يفتح النفس
لاتاخري نومك الى اخر دقايق وتقومي متقروشه ومتصربعه ومعصبه
هدا كلو ياثر على نفسيتك
------
نجي للبارت التاني من الاستعدادت
حيكون للمشتريات
كل المشتريات معروفه
بس لو كنتي جديده عالجامعه فيه كم شغله تحتاجيها
اولها
نظاره
شوز مرره مريح لانك حتمشي كثير
واقترح عليك
تومس او سكيتشرز روعه ومريحين جدا للمشي الكثير
ساعه
باك باق او شولدر باق
بنات
حاولو تبعدو عن الكريستالات في الساعات والشنط
لانو ابدا مو لوك جامعه انتبهو
------------------
نجي للبارت الثالث
العنايه
اول شي قبل ماتنامي خدي شاور جميل وقشري ورطبي جسمك كويس
حطي لشفايفك مرطب
ويدك ورجلك كريم
وتصبحي على خيرررر
( اللي بشرتهم جافه انصحهم يستخدمو كريمات سوب اند غلوري او لوكستيان )
اول ماتقومي
اغسلي وجهك بالغسول المناسب لبشرتك
انا استخدم كلين اند كلير اويل فري مره مناسبني وعاجبني للبشره الدهنيه واتكلمت عنه كثير
بعدها رطبي وجهك باي مرطب انت مرتاحه له
لما ترجعي للبيت اول شي تعمليه تشيلي الميك اب بنات مره غلط تنامي فيه
ممكن يكون خفيف وتتهاوني فيه لا لا لا على طول امسحيه
وبعدها استخدمي تونر تنظيف للوجه
انا استخدم هدول الشيئين
مزيل الميك اب ومنظف الوجه باييوديرما
وتونر تي تري واتر من لش
تقدري تكتفي بالبايوديرما
بالنسبه للبنات اللي نظرهم ضعيف الافضل تعملي عدسات
واللي العدسات متعبتهم مررره زيي انصحها بقوه تستخدم قطرات ريفرش بلس
مرره مره مريحه وغيرتلي فكرتي عن العدسات كنت اتكاسل البسها بس مره ارتحت مع القطره وسعرها رخيص ب18 ريال
حطي نقطه عالعدسه قبل ماتلبسيها وخلاص باذن الله مارح تحرقك او تضايقك
وخلي معاك بالشنطه كمان احتياط
واللي العدسات متعبتهم مررره زيي انصحها بقوه تستخدم قطرات ريفرش بلس
مرره مره مريحه وغيرتلي فكرتي عن العدسات كنت اتكاسل البسها بس مره ارتحت مع القطره وسعرها رخيص ب18 ريال
حطي نقطه عالعدسه قبل ماتلبسيها وخلاص باذن الله مارح تحرقك او تضايقك
وخلي معاك بالشنطه كمان احتياط
----------------------------
البارت الرابع
حيكون عن الميك اب الخفيف المناسب للجامعه
مو لحفله او سهره او عزومه مره انتبهو بنات خلوكم طبيعين لاتكونو اوفر لانو ابدا مو كلاس
وصديقني بتصيري مسخرة الجامعه
اي شي فيه شيمر او لمعه مره لااااا
ارواج غامقه عودي بنفسجي مررررره لاااااااا
حتى العطر
فيه عطور قويه مره ماتناسب الا السهرات ابعدو عنها لانها تجيب غثيان مع صباح الله خير
اكسسوارات اوفر وكريستالات بليز لا لا
فاونديشن فاااااتح لااااا
كونسيلرر فااااتح لااااااااااا
سموكي ايز لااااااا
نشوف مع بعض اللوك الطبيعي
اوكي اول شي نبدا برول غارنيه للهالات السودا مررره ممتاز
بعدو بي بي كريم
ادا كانت بشرتك جافه تستخدمي البي بي اللي بالوسط
ادا بشرتك دهنيه تستخدمي البي بي اللي باليمين جنب الفرشه
تمام
وزعي البي بي
وبعدها ثبتيه بالبودره
حبيت لوك غامق شويه استخدمي بودره برونز مات طبعا بدون لمعه
ومره انصحكم ببودره بودي شوب من مجموعه هاني برونز جميله جدا
كدا خلصتي الفاونديشن تبعك
ادا عندك حبوب او اثار تبغي تخفيها حطي كوريكتور ( مصحح للكونسيلر ) عليها قبل البي بي
تاني شي مررره مهم تسويه
هو حواجبك خليكي مهتمه فيها دايم
لاترسميها رسمه قويه وحاده مررره لا بنات ماعاد ينفع
بس عبي الفراغات بايشادو بني وبعدها رتبي بماسكرا الحواجب سواء لون بني او شفافه مو مشكله
ما افضل الايشادو بس لو حابه ممكن تحطي بيس ايشادو خفيف ممكن بيج او ترابي فقط لاغير
انسب رسمه عين هي الكات ايز
مع ماسكرا وخلاص وضعك تمام
بلاشر بينك او برونز خفيف
وروج طبيعي لحمي بينك بيتش مره انصحكم بارواج كلينك اللي بالصوره مناسبه للاستخدام اليومي وتعالج شفايفك ماتضرها باذن الله
ولونها خفيفه وصباحي
-------------------------
البارت الخامس هو ايش تشيلي بشنطتك
حسيت هده هي الاشياء الضروريه اليوميه
مناديل
عطر
انتي باكتيريا
روجك اللي استخدمتيه بهدا اليوم
كريم يد
مرطب شفايف
والعلبه الفوشيه هي ورقات تسحب الدهون من الوجه
دايم تطلع هذه الدهون مع الحر
ماعليكي الا انك تسحبي ورقه وتضغطي على انفك واو جبهتك مكان الدهون وباذن الله تنحل المشكله
------------------------------------
البارت السادس هو تسريحات خفيفه ممكن تسويها للجامعه او المدرسه
وشوفو هذا الفيدييو بس فيه موسيقى بليز اقفلو الصوت
اللهم بلغت
وبسسسسس
كذا خلص البوست يارب يكون مفيد وبليز انتظر تعليقاتكم هنا او بالانستغرام
اشوفكم بالبوست الجاي
الورق اللي يسحب الدهون من فين وايش اسمه ؟
ReplyDeleteوكم سعره تقريبا
اهلين انا اخدته من دايسو بس اتوقع تلاقيه بالصيدليات
Deleteشكررا ❤❤
Deleteالسلام عليكم البوست مرة جميل ! و ابغى اتفلسف شوية ~
ReplyDeleteمن ناحية التسريحات افتحوا اليوتيوب و ابحثوا عن تسريحات الكوريات لانها مره مره رايقة و تناسب المدرسة !
الشي الثاني فيه كريم اساس عند ذا فيس شوب اسمه " سي سي كريم " مرة روعةه له 3 درجات , يبين طبيعي و كأنك مو حاطه شي ابدًا بس يطلع البشرة صافية
يعطيك العافيه على البوست مره استفدت شكرًا
لا بالعكس خدي راحتك السي سي يبغاله تجربه ههههه
Deleteجميل البوست .. عجبني مره الاوراق اللي تسحب الدهون والرول تبع قارنيه تبع الهالات ..عندي البيبي كريم وان شاء الله اشتري الرول
Deleteحبيت اقول لك البيبي كريم اهو اصله فاونديشن فيه نسبة كريم ومعالج .. يعني يصلح لبنات الجامعه
اما السيسي كريم .. فاهو العكس .. كريم معالج فيه نسبة فاونديشن .. يعني يصلح لبنات المدرسه ..
جمييل وترا حفظت صورة الورق اللي يسحب الدهون عشان اشتري مثله اذا سمحتي يعني .. وحبيت
ReplyDeleteمشكوره ياقمر بس ممكن افضل واقي شمس يكون خفيف ومو دهني
ReplyDeleteنفسي احط مكياج في الجامعه بس مشوار الباص من جده لمكه قرف والباصات حرر
استخدمي غارنييه الجديد مو القديم الجديد للبشره الدهنيه مره خفيف وحلو
Deleteمرا جميل البوست ربي يسعدك يختي ويحقق لك كل اللي بخاطرك ")
ReplyDeleteامين يارب والله يسعدكم زي ما اسعدتوني
Deleteيازين ايام الدراسه ....بوست جمييييل جدا ماشاء الله يعطيك الف عافيه
ReplyDeleteجزاك الله خي
ReplyDeleteجزاك الله خير
ReplyDeleteوااااو ،، مرررررا شكررررا الله يديكي العافية مررررا ساعدتيني وافتدتيني ،، مرررا تعجبني مدونتك واستفدت منها مرررا كتيرر الله يسعدك :*
ReplyDeleteحياتي انتي منورتني والله :)
Deleteعجبني البووست مفييد واييد
ReplyDeleteӏ wаs able to finԁ gοod advісe from
ReplyDeleteyour blog pοѕts.
Feel freе to surf to my ωeb page you should see the products
ممكن تقولي ايش هيا ماركة النظاره؟
ReplyDeleteDOLCE & GABBANA
Deleteشكراً ع البوست الجميل
ReplyDeleteمدونتك حلووووه استمري ي عسل
ReplyDeleteعجبني الميكب مرررررة خفيف ورررراقي
ReplyDeleteهاي خلوده انا جديده ف مدونتك ابغى اسالك عن غسول كلين اند كلير في بنات يقولو البرتقالي حلو مره و في بنات يقولو الاخضر محتاره ايش اخذ :(
ReplyDeleteيعطيكي العافيه