الأن جاتني الفرصه إني أوريكم أفكاري وذوقي في تنسيقات للعيد
حاولت إني أنفذ كذا ستايلات مختلفه عن عيدي
مثلا
مثلا
نحن عيدنا كلو زيارات
بعضكم استراحات
بعضكم جمعات بنات
شاليهات كباين
عملت ستايل لكل مناسبه وإن شاء الله يعجبكم
طبعا كل التنسيقات من موقع شوب بوب
نبدأ بسم الله أول تنسيق
هذا التنسيق أنا من جميع النواحي
مره أحب البناطيل وآعتبرها أنيقة وكشخه
بالذات لما تكون بهذه الطريقة مرسومه عالجسم مو ضيقه
حبيت معاه توب من سيلف بورتريه عششقته وبرأيي هو لحاله يكفي وأنيق كفايه
الأكسسوارات الشوز نيود وممكن تحطي أسود براحتك
الشنطه حبيت يكون شي يونيك بس بنفس الألوان
الأكسسوارات مره بسيطه لولو وسلسال وأسورة ناعمين لأني زي ماقلت التوب لحاله يكفي
حاولي تبعدي عن الطريقه المعتادة في كسر الألوان
برأيي دحين الأكثر أناقه في التنسيق هو اللون الواحد او لونين بالكثير
ثاني تنسيق كاجوال شيك
احب موضة الماتشي اللي تكون القطعتين بقماش واحدبالذات اللي تجي البنطلون او التنوره هاي ويست والتوب والكروب قصير
طبعا عندكم هنا بالصوره البطن واضحه انت مو لازم تخليها كذا ارفعي البنطلون شوي وبتتغطى المنطقه
او البسي توب نود من تحت الكروب
حبيت مره القماش الواقف ولونه غامق وانيق
ولأن التوب والبنطلون كلهم غامقين ابغى اكسسواريز تنور باللبس
أخترت شوكر بما انه الموضه الآن
اللي هو السلسال الماسك عالرقبه
وكمان حبيته أحمر مع الشوز
الباق ما ابغاها أحمر يكفيني الشوز والشوكر
خليتها من درجات الكحلي
الإكسسوارات زي ماتشوفو شي جدا بسيط
اسورة ذهبي خفيفه مع خواتم نحييييفه مره
أحس التنسيق هذا يناسب الزيارات وكمان الأستراحات
ثالث تنسيق أنا عملته من فتره بسيطه وكان فعلا رايق
طبعا كلكم لاحظتو أنو اللون النود أو اللحمي من الألوان الدارجه بقوه هذه السنهاللون ذا كميه نعومه وروقان مو طبيعي
حبيت أنسق له تنسيق كامل بنفس اللون
برأيي يعطي آناقه أكثر
وأحلى الألوان مع هذا اللون هم الأبيض والرمادي والروز قولد
في هذا التنسيق أعتمدت تماما عاللون اللحمي والأكسواريز بالروز قولد
الساعه من مايكل كورس تجنن فضي وروز قولد الشوز لحمي برباطات برضو هذه النوعيه من الشوزات تعطي أنوثة للرجل
الإكسسوارات بسيطه وتلاحظو التنسيق بسيط بس أنيق وهذه هي الفكره
رابع تنسيق الكول
جينز وأكسسوارات وحركاتموضة البامبر جاكيت طالعه كثير هذه السنه
مره حبيت هذا البامبر لأني حسيته كول وفخم بنفس الوقت
نسقت معاه سكيني جينز لأن لازم يكون فيه توازن
واسع تحطي له ضيق
وضيق تحطي له واسع
هذه قاعدتي صراحه
اوقات نشوف عالمودلز واسع على واسع ويكون حلوووو تجي تنفذيه
ولو كان بنفس القطع يطلع عليك كارثه
التوازن حلو
اللونين صعبه أسود وكحلي
لازم شي ينور فيهم
اخترت الأكسسوارات
الشنطه برضو سوداء لكن فيها تفاصيل ملونه حبيتها كثير
ممكن تكون شنطة سوداء وتثبتي عليها الستيكرز الطالعه دحين برضو بيكون حلو وكول
يمكن لاحظتو بالتنسيقات اللي فاتت الأكسسوارات مره ناعمه
هنا حبيت يكون الأكسسواريز ملفت شويه
أخترت الخواتم الفضيه الساده على كل الأصابع وجدا احب هذه اللوك
مع شوكر أسود
الحلق دايم صغير
أحس أنو الحلق الكبير يعطيك شكل قديم
نروح لأخر تنسيق
أخر تنسيق حبيته يكون بيسك
البيسك الأنيق اللي مستحيل تغلطي فيه ومستحيل يقدمالبليزرات
أعششششقها وبرأيي انها تعطي منظر فخم وتنسيقه مره سهل وكلو من أشياء ممكن تكون موجودة بدولابك الآن
يمكن البعض يخاف منه لأنه يعطي منظر رسمي شويه بس كله يعتمد على تنسيقك له
البليزر تقدري تحطي معاه فستان
ممكن تنوره
ممكن بنطلون أو جينز وكلها بتعطيكي منظر مرتب
اخترت البليزر الأسود لأنه موجود تقريبا عند كل بنت ومتوفر كثير
حطيت معاه تنوره مشجره والبيس تبعها اسود
مع ألوان زاهيه فوشي وأورنج
التوب حيكون اوف وايت او ابيض ابدأ لاتكثري ألوان
الأكسسوارات أخترت ٣ سلاسل ذهبيه بمقاسات مختلفه
والأساور جلد أسود مع اساور ذهبيه وبالنسبه لي أنا ممكن ما ألبس شي بيدي الا خواتم نحيفه فقط
الشوز والباق اسود مع شرايط بسيط
والحلق زي ماقلنا صغير
زي ماقلت لكم
كل القطع بتلاقوها في موقع شوب بوب
صراحه هذا الموقع راااائع منجد والله
كل التنسيقات انا ركبتها في راسي ولما كنت أعمل بحث عنها على طول تطلع لي
بالأضافه أنه كل الموضات متوفره عندهم فعلا موقع شامل
وأنا قلت لكم قبل على إكسسواريز البيت عندهم تحفه كمان
أتمنى البوست عجبكم وأستفدتو منه
أنا ارحب بكل أستشاراتكم وأستفساراتكم سواء كانت هنا او عالأنستغرام والسناب
عادي وروني قطعكم اللي حايسين فيها وانا مستعده أساعدكم فيها
بالأضافه اني بكره في السناب بإذن الله بشرحلكم طريقة الطلب من الموقع
اذا حابين خلوكم معايا بالسناب بكره إن شاء الله
سنابي khloodnista
وبس أشوفكم في البوست الجاي بإذن الله
ولاتحرموني من دعمكم ودعواتكم
وكل عام وأنتم بألف خير
ززينك وزين ذوقك ❤️❤️❤️❤️
ReplyDeleteحبيت اول تنسيق مرا على مودي
خلود ياقلبي مني قادرة اسوي لك كومنت او لايك لبوستاتك في الانستا تنشال
حبيبتي الله يسعدك
ReplyDeleteللآسف نفس مشكلة كثير منكم بعد ما أتهكر الحساب
روحي شيكي بتلاقي انك عاملتلي بلوك شيليه وبتقدري تحطي كومت ولايك حبيبتي
مشكوره لذوقك والله
زبببط الحمدلله ويني ماسالتك من زمان 😭
ReplyDeleteهههههههه حبيبتي
Deleteحبيت اللوك النوود ودخل مزاجي بطبقه أن شاء الله
ReplyDeleteموضروري فستان اي شي أن شاء الله الاقي
بروح زارا وبرشكا ومانغو مايمدا اطلب من النت..!!
يسلم لي هالجماال والطرح الذوق .
على فكره يمديك إن شاء الله لزنهم توصيلهم سريع حدود ٤ أو ٥ ايام وهو عندك :)
Deleteرووووعة ياخلود ذوقك بارك الله ممكن ترسلي تنسيقات للعيد ثانية بلييز انا دايم احوس
ReplyDeleteتجنن التنسيقات يعطيج العافيه من المواقع الي حاطتها في اللسته اني اجربها بس كيف طريقة الدفع عندهم و الشحن ؟
ReplyDelete
ReplyDeleteشركة تسليك مجارى براس تنورة