مساء الخير عالجميع
مع الأخبار الحلوه بوصول ماركة اربن ديكاي للسعوديه
تحديدا سيفورا جده ( رد سي مول )
حبيت أفيدكم بتجربتي لباليتات نيكد 1 و2 و3
كل وحده لها خصائصها وملاحظاتها
وكمان رأيي بقلوسات نيكيد الجديده
فيه ناس كثير تشوف الألوان نفس بعض
وباليت واحد يغنيك عن الباقي
بس الشركه فكرتها ايش
نيكد 1 ( للبرونزيات )
نيكيد 2 ( سموكي أيز )
نيكد 3 ( بينكيات وروز قولد )
كلامي دحين بيكون عام للباليتات الثلاث
الحلو فيهم تقدري تعملي لوك صباحي فريش
وتقدري كمان تعملي لوك مسائي للسهرات
كل باليت فيه مرايه وفرشه
الأسعار كانت بـ 52 دولار
الأن رفعو الأسعار لـ 54 دولار
هذه صوره للجميع وواضح الفرق في الألوان
ممكن تشوفو 1 و2 يشبهو بعض وصح
فيه شبه بسيط في بعض الألوان
لكن مو نفس اللون الدرجه تختلف يا أفتح أو اغمق
الباليت الثالث مختلف اختلاف تااام بالألوان
NAKED 1
نبدأ بالباليت الاول
اخذته من زماااااان اول مانزل
كان يجي بعلبه بلاستيك ومعاه برايمر
تكلمت عنه هنا في مفضلاتي
وللان احسه مست هااااف
جودته رااااائعه وسعره روعه بالنسبه ل12 ايشادو عمليه
الالوان تطلع معاك من اول مسحه حتى لو كانت فاتحه تطلع
كرفته كرف مو صاحي للدوام بيرفكت للسهرات بيرفكت الذهبي الموجود فيه راااائع
حاولت اختار لكم الألوان اللي حبيتها فيه بس صراحه طلعت استخدمها كلهاااا واحبها كلهااا
اعطيه 10 /10
السلبيات اللي فيه
التعليب شمواه يتوسخ بسرعه المرايه صغيره والفرشه وحده بس مو زي 2 و3 من جهتين
لا من جهه وحده وهي فرشة توزيع الأيشادو
NAKED 2
زي ماقلنا 2 للبنات اللي يحبو يعملو السموكي أيز
التعليب هنا اتحسن كثيرررر عن نيكد 1
العلبه معدنيه تتحمل كرف
المرايه كبيره
الفرشه لها جهتين فرشه للأيشادو
والثانيه للدمج
يعني نقدر نقول انهم حسنو وطورو منتجهم للأفضل
ابرز شي يميز نيكيد تو هو وجود اللون الأسود
تحسو أغلب الدرجات رماديات وترابيات وفيه درجات فاتحه رائعه للصباح
لما جربت نيكد 2 كنت متوقعته زي نيكد 1
بس صراحه اتفاجأت مو نفسه ابدا
وحسيت بتغير في اللوك حقي لان كان لي فتره على نيكيد 1
حسيت الالوان رااائعه وتغيير والأسود هو ملك الباليت هذا
أعطيه 10 / 10
صراحه مالقيت فيه سلبيات الباليت جميل وعملي وتعليبه ممتاز وجودته عاليه
NAKED 3
نيكيد ثري
تعليبه شبيه في نيكد 2
بس اللون يجنن لونه وري على نود والكتابه روز قولد
التعليب اسرني صراحه
من جوا المرايه كبيره والفرشه بجهتين نفس فرشة نيكيد 2
ألوان الأيشادوز كان عليها ختلاف في الأراء بشكل كبير ناس حبت البنكيات وناس ماعجبهم
أنا كنت في صد ورد
ماني عارفه عاجبني او لا
لما صارلتي فرصه اشوفه قدامي واعمل سواتشات حبيته وقلت بشتريه
بأول فرصه لي اشتريته
قعدت شهرر كل يوم احط منه عشان اتأكد من رأيي اللي بقوله لكم
للأسف الباليت ماحبيته :(
اسرررع شي لاحظته مع استمراري في استخدامه هو ان جودته متغيررره
انا جربت 1 و2 يعني اتوقعت الجوده تكون بيرفكت زيهم
كنت استخدم اللون كذا مره واعيد عليه عشان يبان
كثير قالو عشان ألوانه فاتحه ماتبان بسهوله
لا المسأله مو الوان فاتحه وألوان غامقه
نيكد1 ونيكد2 فيهم الوان فاتحه وراائعه تبان من اول مره
نيكد 3 لا عيدي وعيدي وعيدي الين يبان
اللون الروز قولد كان جدا مهم بالنسبه لي بس تأثيره ماحسيته بيقمنتد زي ذهبيات 1 و2
نيكد 3 اذا بتشتريه لاااااااازم تستخدمي قبله برايمر عشان تطلع معاك الألوان
أنا خذته للصباح وللدوام بس مو شي عملي اني احط برايمر كل صباح
للامانه اعطيه 6 / 10
من حسناته
انو يجي معاه 4 عينات لأنواع البرايمر الي عندهم وهذا شي اسعدني لاني كنت بجرب البرايمرات الثانيه اللي عندهم ومره حببيت
نوع اسمه EDEN
أنصح بنيكد 3 للبشرات الفااااااتحه جدا
والغاااااامقه جدا
بالذات الغامقه لان البنيكات والروز قولد والبرونزيات تطلع عليهم شي روعه
من حسناته كمان انو الأيشادو مو مثبته بغراء
يعني سهل عليكي انك تشيليها وتحطيها بباليت ثاني زي فكرة الـ Z palette
تكملت عنها هنا
NAKED ULTRA NOURISHING LIPGLOSS
القلوسات الجديده من اربن ديكاي برضو من نفس لاين نيكد
تعليبها يجنن
أعتمدو الذهبي ودايم التعليب الذهبي يعطي فخامه
سعرها 109 درهم من سيفورا دبي
عندنا بجده ماعرف صراحه ( بكره اشوفلكم السعر بأذن الله )
أنا مو من محبين الليب قلوسز
لكن بالفتره الاخيره مره صارت تلفتني وصرت ابغى احط منها بالذات انو مكياجي غالبا يكون مااات
أخذت لونين بيسك
واحد بينك Lovechild
والثاني نيود أسمه Nooner
قوامهم كريمي اللون جدا واضح من أول مره خفيف مايضايق وماتحسي بطبقه على شفايفك
ريحته عاديه , وطعمه عادي ( نقطتين مهمه ليا ) كان لي تجارب مع الليب قلوسز وكانت جدا معفنه بالذات قلوسات الدرق ستور
أنصحكم فيها ؟؟؟؟؟
ايوا جربي واحد عالاقل وخذي لون نيود لانه يمشي مع كل الأرواج
شي كمان أنصحكم تاخذوه من اربن ديكاي هو الفلاشد باليت
جدا رائع اللون البرونز جميل
وكمان البلاشر والهايلايتر
وكمان انصحكم بالأقلام
خلص البوست ويارب يفيد أي بنوته محتاره
اذا حبيتوه لاتنسو تدعموني بمشاركة البوست مع صاحباتكم
واتس اب , تويتر , فيس بوك , انستغرام , بينترست
أشوفكم في البوست الجاي أن شا الله
انا عندي نيكد ون واخدته قبل فترةة قريبة جدا الفرشة اللي جت معه بجهتين وكمان جاء معاه 4 عينات برايمر يمكن عشان كنتي من اﻻوائل اللي اخدوه بس دحين اطور
ReplyDeleteيب صح دحين غيروها
Deleteيعطيك العافيه عندي نيكد 1 و2 وجالسه استنى 3 توصلني :D
ReplyDeleteالباليتات كلها عمليه جداً وتقدرين تطلعين منها بأكثر من لوك برأيي انها كانت تستاهل كل الضجه اللي سارت حولها لأنها ممتازه واتفق معك نيكد 3 ممكن ماتعجب كثير لأن مو الكل تناسبهم درجات الوردي .. ومبروك بمناسبة انو فتح في جده خطوه جميله عقبال مايفتح بالشرقيه *.*
يعطيك العافيه على البوست الجميل والمفيد
بأذن الله يفتح عندكم وبعدين بلادلع البحرين كلها نص ساعه روحي سيفورا وتعالي ههههههه
Deleteيا ناس عليكي يا خلود و على بوستاتك كلام بسيط و خفيف و لطيف و مفيد 😍😍😍
ReplyDeleteالمهم يا ستي انا عندي باليت نيكيد 2 و نيكيد 3 و بقول شئ بصراحه اشتريت نيكيد 2 اول ما طلع كان رائع و جميل و للاسف حصل له حادث و بعد فترة اشتريت واحد ثاني ...احس الجوده اختلفت بين نيكيد 2 زمان الي اخذته و الثاني لدرجه اني كرتهه فترة الالوان الفاتحه ابدا مالها تأثير حسبت انو الباليت حقتي فيه شئ او حصل شئ له واللهي لو ما اخذته من برا كنت قلت ان اللي جابته ليا يمكن مو اصلي ...بعدين اشتريت نيكيد 3 افضل و واوضح من نيكيد 2 اللي عندي بس مو زي اول واحد اللي اخذته و بالنسبه للاوان كنت متخوفه انو ما يناسب بشرتي مع اني ابدا مو فاتحه و ابدا مو غامقه و لوني بصراحه صعب مو دائما الاقي درجه تناسبني بس هذا كان بيرفكت بالنسبه ليا ...... في الاخير احس لازم لازم يكون عند كل وحده على الاقل نيكيد 1 او 2 او باليت قريب من هذي الاالوان ... اما 3 مو شئ ضروري لكن ما يمنع تنه اضافه رائعه بالذات للبشرات اللي تناسبها انصح كل وحده قبل ما تشتريه انها تجربه عليها ........و اعتذر عن الاطاله حاسه اني كتبت بوست ثاني 😂
برافو صح . 3 مايعتبر اساسي ممكن يكون اضافة بسيطه لمكياجك بس الأساسي 1 و2
DeleteI cannot believe that I have never bought or even tried one. I plan to get one, but which one do you like the best 1,2 or 3?
ReplyDelete1 is the best ❥
Deleteشكراً كنت محتاره بينهم ليش اخذ الفتره هذي وقررت الحمدالله اسعد الله 😙
ReplyDeleteحياك حبيبتي
Deleteيسلموو يداتك ؟؟
ReplyDeleteماشاء الله .. طيب يعني 54 دولار كم يعني؟؟ احس انو عندنا في السعوديه يزودو السعر مررررره كتير
ReplyDeleteناويه اشتري باليت نيكد أنا سمراء اي لون راح يناسبني
ReplyDeleteتسلمى ياعسل على ذكر تجربتك
ماشاء الله تبارك الله شرحكك جميل وتصويرك جميل ربي يعطيك الف الف عافيه من جد ماشفت مثل شرحك الله يسعدك
ReplyDeleteيعطيك العافيه يا عسوله انا ما جربت نيكد ١ و ٢ > لكن جربت ٣ وفعلا لاحظت نفس الكلام اللي قلتيه>> اللون ما يبان من أول مره
ReplyDeleteعشان كذا شجعتيني اجرب الثانيه>> بس احترت بين ١ و ٢
Muğla
ReplyDeleteSamsun
Eskişehir
Sakarya
Kars
Z31F
28C01
ReplyDeleteTekirdağ Şehirler Arası Nakliyat
Yozgat Evden Eve Nakliyat
Erzurum Lojistik
Düzce Şehirler Arası Nakliyat
Gümüşhane Lojistik
Silivri Cam Balkon
Bartın Şehir İçi Nakliyat
Ankara Şehir İçi Nakliyat
Zonguldak Lojistik
8820A
ReplyDeleteUşak Evden Eve Nakliyat
Hotbit Güvenilir mi
Afyon Evden Eve Nakliyat
Keçiören Parke Ustası
Tunceli Şehirler Arası Nakliyat
Milyon Coin Hangi Borsada
Ankara Şehirler Arası Nakliyat
Çerkezköy Fayans Ustası
Mercatox Güvenilir mi
7196D
ReplyDeletesarms for sale
order halotestin
Giresun Evden Eve Nakliyat
Artvin Evden Eve Nakliyat
parabolan for sale
Eryaman Alkollü Mekanlar
Bartın Evden Eve Nakliyat
order winstrol stanozolol
buy halotestin
A4943
ReplyDeleteCoin Çıkarma Siteleri
Kripto Para Nasıl Alınır
Tiktok Takipçi Hilesi
Binance'de Kaldıraç Var mı
Sui Coin Hangi Borsada
Görüntülü Sohbet
Binance Madencilik Nasıl Yapılır
Discord Sunucu Üyesi Satın Al
Kwai Beğeni Satın Al
E01EF
ReplyDeleteledger live
onekey wallet
dcent wallet
onekey
web trust wallet
ledger web
avax wallet
ellipal
arculus